الثري واالناس

[مشعل التريباني]

اقتباس : المشاركة الأصلية كتبت بواسطة عبدالعزيز بن بليهد

لويقول الشمس غابت للشمـال = قيـل جايـز كــان شايفـهـا ثــري

الحقيقـه تختـفـي تـحـت الخـيـال = الشيوخ ابخص ونا حظي بـري

وش يخلـي منقـع الصبخـا زل = ويودع الجلمـود مطـواعٍٍ طـري

غيـر عـلـمٍ بالمـحـرم والـحـلال = مــع ظمـيـرٍ يعـلـم الله مـفـتـري

واســـع الـذمــه وطـمــاعٍٍ وذال = والذليل ليا اوجس النعمه جري

زينـة الدنيـا حـواهـا واسـتـزال = بالعـواقـب مــار كـنـه مـــادري

وش يرد الغيث والمنشى خيـال = غيرذنب المسلميـن الظاهـري*

مايواخذ مـن لبـس عقلـه هبـال = المـواخـذ كـاتــبٍ خـطــه قـــري

ولا يعاتـب بالمشاريـه الـزمـال = دام مانجنـيـه مـــن رده شـــري

دام عز بموت الاحباب الوصال = وش لـنـا بــه كلـهـا يـاخـاطـري


هذه القصيده لـ الشاعر / عبد العزيز البليهد اعجبتني ورديت عليها بهذه القصيده ارجوا ان تنال اعجابكم


بسم الله الرحمن الرحيم
الشاعر / مشعل عسام التريباني الشمري
(( الثري ))

اشهد إن بن بليهد يوم قـــــــال (1) قال شي ٍ صح و لسانه جـــــــــري

البشر تتبع كثيرين الحـــــــلال (2) والضعيف يموت محدً بـــــه دري

كان معك ريال تسوى لك ريال (3) ويافضـــــى مخباك قل المشتـــري

والضعيف صار مدحه مستحال (4) وإن تكلــــم فيه كلٍ يــــــــــزدري

والغني ياقال هرجه كالـــــزلال (5) وهرجة الطفران مرّه كالشـــــري

لو كثير المال من ظمن الحثــال (6) نسيو انه كان لص ومفتــــــــــري

اشهدوله بالكمال بكل حـــــــال (7) يوصلونه يم نجــــــم المشتـــــــري

بالمديح يصعّدونه للجبــــــــــال (8) قالو إنه بالمديح الاجـــــــــــــدري

نسيو انه كان مايسوا نعــــــــال (9) وجهلو ماضيه لو هو سرســــــري

وصار يضربه مثل بين الرجال (10) وصار مابين الرجال مقــــــــدّري

ولو يقول ان الهوا هز الجبــــال (11) قالو إنه صح مافيه هـــــــــــذري

والضعّيف لو تكلم بالعـــــــــدال (13) قالوا إنه كاذبٍ لو هـــو بــــــــري

قالوا إنه ماصدق في مايقـــــــال (14) من هزيل الهرج تر ماهو صــري

خابرينه مايصدّق في المقـــــــال (15) الفقيّر مايقــــــــــارن بالثــــــــري

[الطائر المهاجر]

مجاراة ورد جزل من شاعر جزل
صح لسانك وقلبك
ولاهان راسك
تقبل اطيب التحيه

[نجم الإبداع]

الله الله

صح لسانك يامشعل ولسان البليهد

صوت وصدى وافيين

لاهنت

[بدر بن عيد]

الانيق: مشعل حياك الله
وصح السانك وقلبك مليون
صوت وصدى فايف ستار
ألف لاهنت ولك اعذب التحايا

[الطامي]

التريباني
صح السانك
ابداع ومجاراة طيبه
لاهنت

[عبدالله الشويمان]

صح لسانك ولسانه

مجارات طيبه من شاعر اطيب

لا هنت لا هنت

[ساهر الليل]

صح لسانك

صوت وصدى رائعين

لاهنت ولاهانت رويساتكم

تقبلو نحياتي

[عبدالمحسن الرحمه]

صدى وصوت رائعين
لله دركم وصح الله ألسنتكم

[بنت النور]

كتبت فأبدعت
جزلة من راس جزل وشاعر مبدع
صح لسانك ولا هنت
تحياتي الطيبة

[مشعل التريباني]

الطائر المهاجر
نجم الابداع
بدرالشدادي
شكرالكم جميعا على المروروالاطرى الله لايهينكم