|
الشعر المنقول(خاص بالشعر النبطي) يشترط كتابة اسم صاحب القصيدة الصريح |
![]() |
|
أدوات الموضوع |
![]() |
رقم المشاركة : 1 | ||
|
جفا النوم جفن الصب ما عاد يعتـادي=ومن كان مثلي كيـف يلتـذ برقـادي
غريم الحشا والحب في مهجتـي نشـا=ودمعي وشـا باللـي أكنيـت بفـوادي عبـارات عبراتـي اعتبـار وعبرتـي=بعابر سبيل للتوى في الهـوى هـادي أنا بات مبتـوت الرجـا مـن أحبتـي=وغيري بهم بالوصل يحظى ولاسعـادي اردد زفيري فـي ضميـري ولوعتـي=وجمر الجوى والوجد في القلب وقـادي عيوني عيـونٍ عيّنـتْ يـوم عاينـت=من العين عينٍ ٍلـي تعيّـن بالعنـادي فيا من يـروم الحـب حيـذور تبتلـي=ترى الحب حرب كله اطعان واطـرادي فإن كنت صبار علـى البيـض والقنـا=بيوم به الجـو لابـس ٍثـوب لحـدادي وهذا به النامـوس يـا هيـه للفتـى=وكسب الثنا من حاضر الحـي وبـادي وشرع الهوى فيـه المـذلات والعنـا=وطول الشقا واشمات واشٍ وحسـادي تعرض سبيل الحب واسلك على الجـدا=وجدد لك النيـات تحظـى بالرشـادي وجدت الجدا بالجد يـا مجتـدي الجـدا=ترى الجد ما يجدي فتى جنب الجـادي وأولى لك الإعراض عنـي ومذهبـي=ترى مذهبي ما يبلغه كـل مـن رادي تجنب هوى من بالحسن قـدّه ارتـوى=فانا لي عرفت الحب في حالة امهـادي شف الحال مني حـال والحـال إننـي=لما عقـد حـلال ومـا حـل عقـادي إمام ٍلأهـل الحـب قاضـي بشرعهـم=مفيد ٍلهم وحدي ولا لـي حـد ٍفـادي وهذا غرامـي فـي غريمـي مظلنـي=ومن بالغرور اغتر يبشـر بالانفـادي رشيت الرشى الراشي سهامه لمقتلـي=عساني بما أرشيه يحصل لي امـرادي فلا نلت الا طـول حزنـي وحسرتـي=ولا رمت إلا قصر عمـري بالابعـادي هويته وأهواني بهوانـي لـه الهـوى=هوىً ظل بن لعبون ما حـل لـه وادي رشى يوسفي الحسـن يـا ليـت إنـه=كما يوسفٍ يبتـاع ببخاس لانقـادي لكان أشتريـه بمـا حويتـه بقبضتـي=ولكن ذا هيهات بيعه ما هـو عـادي يقولون ربعي حيـن شافـوا صبابتـي=علامك بهذا الحال ايـش الـذي بـادي وهم ما دروا عني ولابي من الجـوى=ولا من أنا بهـواه مفتـوت لاكبـادي ولكن رأونـي بيـن روعـه وزفـره=وطرف يسـح الدمـع للخـد خـدادي ولي سكرة من غمـرة تغمـي الحجـا=ولا من صحيت فلاعج الشوق يـزدادي لنوح الحمام انـوح وانـدب مرابعـي=ودار بهـا كـم ضمنـا للهو تــادي ولي في سواء الدار ريم سبـى المهـا=من الغيد عدل القد كالغصـن ميـادي نفور رعى روض الحشا كيفمـا يشـا=ولما نشا لي صـار جـافٍ وصـدادي فَتَـنّـي وفَاتَـنّـيِ وبَفّـتـاه فَتْـنِـي=وفَـوّتْ زمانـي بيـن ردي وتـردادي يعدني الضحى بالظهر والعصر وبالعشا=ونص الدجى بالوصل في طلعة الـرادي مواعيـد عرقـوب وأحــلام نـايـم=وذا في الهوى للغيد شـرع ومعتـادي عليّ العهد مـا زاغ قلبـي ولا صغـى=لغيره حياتي ما بقى بعمـري امـدادي ولو هو جفـا واختـار غيـري لـوده=وأطال الصدود وصد عني ولا انصـادي عدانـي وعادانـي ولا عـاد واعتـدا=وأهلْ عادة المحبـوب لمحبـه ايعـادي فيـا معتليـن أكـوار قـود سـلايـل=كرام النضا ما قادهن للحمـل حـادي سراحيب مواراتٍ مـا تدانـي العصـا=نسل اعوجي معرب الخـال واجـدادي من الصيعريات المذاعير فـي الفضـا=كما جول ربدٍ رايعه شخـص صيـادي حنايا كما لاقواس سِلّـم ٍ مـن الحفـا=ولا مسهن مس ٍ من السيـر وابيـادي على هونكم يـا ركـب بالله تريّضـوا=قدر كسرة الفنجـال أو ريّـة الصـادي أرى قصدكـم دار ٍرعيـنـا بربعـهـا=أزاهير روض الإنس مع شادن ٍشـادي على هونكم يا ركب اخـذوا رسالتـي=إذا كنتموا يـا ركـب للقـوم قصـادي وان كان رمتوا مربـع ٍغيـر ساحهـا=وصارت لكم يا ربع داري على الجادي فمروا عليها والثمـوا تـراب أرضهـا=وبثوا بها بثي وحزنـي مـع اسهـادي سقاها الحيا وأحيا بهـا حـي أحبتـي=نسيم الصبا في رايح الوقـت والغـادي ولي من لفيتوا الدار فاقـروّ رسالتـي=على ساكنين الدار يـا ركـب بهيـادي سـلام وترحيـب زكـي ٍمـع الثـنـا=على الصاحب اللي لي من الناس ودادي محمد ابو حسين المحافظ علـى الوفـا=فهو نجدتي يوم الدهر خان واعمـادي وعِمُّوُا لمن حبه دبـا فـي مفاصلـي=دبيب المدام المعتصر عصـر شـدادي تراني بهم فـي مهمـه التيـه تايـه=ولا لي سواهم قـط خـلان وابـدادي حرام ٍعليَّ الكـاس والانـس بعدهـم=كما حرّمتْ جنات عـادٍ عـاى عـادي فلا يحسبونـي أننـي خنـت عهدهـم=ولا أنني في الحـب غيـرت اعتقـادي على العهد أنـا بـاق ٍمعنّـى بحبهـم=شجيٍ ٍ بهم في القرب منهم ولابعـادي سقى الله عصر لـمّ شملـي بشملهـم=من العفو مزنٍ ٍ بالرضـا دوم جـوادي قضى ما قضيت امناي يا ليت ما انقضي=ولكن ما لقضـا القضـا الحتـم ردادي ألا يا زمان ٍ فـات بالإنـس والصفـا=هل انت لي من بعد ذا الفوت عـوادي وهل من لعهدي خان يرجع على الوفا=فهو إن عاد عادت لي لايـام أعيـادي ويـا رب لا تبلـي ببلـواي مسـلـم=يضل الهـدى ويضـل للغـي منقـادي ومن يبتلي يا رب فاغفـر لـه الخطـا=ولا تواخـذه باللـي يسويـه بعمـادي فلولا الهوى يا رب كنا علـى الهـدى=مطيعين لامرك لك على الدوم عبـادي وفيك الرجـا فاغفـر ذنوبـي وزلتـي=ولا تخزني في يـوم حشـر ٍوميعـادي ومـن لـي محـب أو حبيـب يودنـي=ومن في الهوى ناله مرارات وانكـادي عليهم سلامي ما سرى البرق في الدجا=وما هلّ مزن ٍيزجره صـوت رعـادي وما ناح ورق الدوح واشجى الحشا =وماجفا النوم جفن الصب ما عاد يعتـادي آخر تعديل حرف وشعر يوم 30-10-2010 في 11:50 AM.
|
||
![]() |
![]() |
رقم المشاركة : 2 | ||
|
منقول رائع |
||
![]() |
![]() |
رقم المشاركة : 3 | ||
|
تسلم الايادي على النقل المميز |
||
![]() |
![]() |
رقم المشاركة : 4 | ||
|
صح لساان الشاعر العقيلي |
||
![]() |
![]() |
رقم المشاركة : 5 | ||
|
لاهنت |
||
![]() |
![]() |
رقم المشاركة : 6 | ||
|
حرف |
||
![]() |
![]() |
رقم المشاركة : 7 | ||
|
صح لسان الشاعر مبارك العقيلي |
||
![]() |
![]() |
رقم المشاركة : 8 | ||
|
ابيات راائعه |
||
![]() |
![]() |
رقم المشاركة : 9 | ||
|
صح السسسانه |
||
![]() |
![]() |
رقم المشاركة : 10 | ||
|
صح لسانه مليوووووون
لاهنت ولاهان الشاعر سلمت ودام حرفك |
||
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 2 ( الأعضاء 0 والزوار 2) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
قراءات في الشعر الشعبي | الطائر المهاجر | حوارات في الشعرواللهجات | 15 | 16-12-2010 06:50 AM |
الحالة الهستيرية تصيب الشاعر بعد الونة | ابراهيم السنيدي | حوارات في الشعرواللهجات | 15 | 16-12-2010 06:50 AM |
دوجت بالدمام الى الشاعر احمد الخالدي | وليدالبسطي | همس القوافي للشعر النبطي | 24 | 09-12-2010 01:26 AM |