السفينه لا لقت رجلٍ حكيم

[الطائر المهاجر]

السفينه لا لقت رجلٍ حكيم = قادها والموج عالي ما يهاب
لو يخفّف سرعته فهو الفهيم= عارفٍ بالبحر وانواع الشعاب
كل دربٍ لو بدى لك مستقيم = البخيص أدرى وحاسب له حساب
لا تعجّل بالحكم تصبح خصيم= للسفن اسرارها وقت الضباب
ديرتي تفخر بمن فيها زعيم= في قراراته رسم درب الصواب
يجتهد يختار مَنْ فكره سليم = للمواجب رجلها عال الركاب
ولا تبيّن وانكشف إنّه غشيم = بالركاده يسنحه ببلا عتاب
والمعادي لو نوى أمرٍ عظيم= يكسبه بالود في حسن الخطاب
كاشفٍ سرّه ويدري به سقيم = ينتظر يقفي مثل زل السحاب
خطنا الواضح على الوضع القديم= ما تغيّر يوم عن شرع الكتاب
ومن تغيّر بالتطرف من خميم= وصار ضد الدار ماله من صحاب
طوعوه اللي يبونا في جحيم = يخدمون اللي دفع كشف الحساب
انعمي يادار بالخير العميم = ولا تخافي من حصاني أو ذئاب

[صعبة المنال]

جزلة وقوية

سلمت

وصح لساااانك

[نفحات حساسة]

صح الله لسانك ولا هنت يالعود
تحياتى..

[الطائر المهاجر]

شكرا صعبه
على كريم المرور
تحياتي

[بنت النور]

صح لسانك يادكتور
ابيات قويه
لاهنت

[منيع]

ابيات جزله ومعبرة
ودام عزك ياوطن
شكرا لك
تحياتي

[عبدالله الشويمان]

صح لسانك واعتلا شانك يا ابوعبدالله

انـعـمــي يــــادار بـالـخـيــر الـعـمـيــم
ولا تخافـي مـن حصانـي أو ذئــاب

الحمد لله على الامن والأمان
في بلادنا العزيزة
بقيادة حكامها ولاة امرنا الله يعزهم ولا يعز عليهم

دمت بخير وصحة وسلامة

[الطامي]

صح السانك دكتور
رائعة جدا
شكرا لك

[الطائر المهاجر]

شكرا نفحات
على كريم المتابعه
لاهنتي
تحياتي

[الطائر المهاجر]

شكرا بنت النور
على كريم المتابعه
لاهنتي
تحياتي