مرحبا يالمهاجر فالمساء والنهار ، لاحد ينام يالفطاحل

مرحبا يالمهاجر فالمساء والنهار=عد علم ٍ تكنه في دماغك يدور
ليلنا ياعميلي بين جد وهزار=والقصيده فهذا الليل اربع سطور

،

،

[الطائر المهاجر]

مرحبا يالمزبن من جنى باقتدار = عد جرم جنى به لو سرق للفطور
ليلك اللي سرى بك بين برد ونار = لين خلى القصيده حول اربع سطور

البقاء يمهاجر عقب جيتك بدار=صار قصرك علامه غير ذيك القصور
صاحبي وش علامك هازعن لليسار=لا تردد وراي العلم قدم الحضور

[الطائر المهاجر]

من هزع لليسار ولا عرف للمسار = يمكن الليل غطى الدرب وقت السحور
والقصر من رجالٍ كلهم بختيار = والشويب مثل بواب راسه يدور

انت قدمك رجال ٍ عاسفين المهار=فالليالي سرينا وانت مابك قصور
عارف اللي اقوله والفلك فالمدار= لبا قصرك مشرع دايم ٍ له نزور

[الطائر المهاجر]

قصركم يالفطاحل صايرٍ كالمطار = من جميع العماله كلهم به مرور
والبعض ما يفرق بين غيم وغبار= كل همه يبي يقطف ورود وزهور

قصرنا حافطينه عن امورن كثار=يالفطاحل تنبو من دهاء الطيور
انت عارف وخابر فالبلد ويش صار=ماجحدنا جميل ولاحفرنا قبور

[الطائر المهاجر]

الدهاء للحصاني والصور بالردار = او طيورٍ فدام جالبتها البحور
في الفطاحل حرار الطير عز اختيار= ومن جهلهم فلاهو عارفٍ للنسور

[ناصر السهلي]

الله الله


الليل الليل يارجاجيل


صح الله ألسنتكم ومتابعينكم


عساكم على القوه



,,,

انت ابخص , وانا ماجيت خلف الستار=كلمة فاللسان .. وكلمة فالصدور
مااذم النشاما وانت عندك قرار=انا ماني بعد اوصاف غير الصقور