ماهو برنامجكم ليوم الــعــيــــــد ؟ ؟ من فضلك ادخل وشارك ...

[شوق]

	* السلام عليكم ورحمة الله وبركاته تقبل الله منا ومنكم صالح الأعمال أسأل الله أن يتمم لنا شهرنا بالرحمه والمغفره والعتق من النيران وأسأله أن يعيد علينا رمضان سنين عديده وأزمنة مديده ونحن نرفل بالأمن والإيمان والصحه والعافيه اخواني وأخواتي أعضاء بيت الفطاحلة لا أُطيل عليكم فكره أتت في بالي حبيت طرحها بين أيديكم الفكره ومضمونها هو : بما أن العيد على الأبواب .. حبيت نستعد لهذا اليوم ونستفيد من أفكار بعضنا للبعض على كل من يدخل أن يسجل لنا ماهو برنامج العائله لديهم ليوم العيد ؟ ( أين يجتمعون ؟ وماذا يصنعون اثناء تجمعهم؟ وهل يقيمون مسابقات العاب ؟ كل مايطري عليكم نزلوه هنا ) الغرض هو أن نستفيد ونفيد من أفكار بعضنا للبعض وسعة الصدر والوناسه في إنتظار ردودكم لاهنتوا ولاعدمتكم ان شاء الله أنا راح أطرح لكم برنامج عائلتنا لكن بعد ماشوف ردودكم تقديري للجميع اختكم / شوق

كل عام وانتي بخير

ياشوق


برنامجي

اصلي العيد

واذهب لزيارة الاقارب

ولو بكمل طالت السالفه


مشكوره على الموضوع

[شوق]

هلا عبدالله

نبي تكمل نبي سوالف طويله

لاعدمتكم

[عذبة الطباع]

هلا شوق كل سنه وانتي بصحه وسلامه
فكره رائعه راح يستفيد منها الكثير
بالنسبه لي العيد جدا بسيط نجتمع مع الاهل في بيت واحد للعائله في منطقه خارج الرياض
نتبادل السلام ويوزع على الكبير والصغير الحلويات بانواعها يعني كل يجيب عيده ويوزعه
طبعا يكون فيه بعض المسابقات بس تكون في اخر النهار ينظمها اشخاص معينين بالعائله بس تكون مسابقات بسيطه وليست متكلفه .
بالنسبه لي اجمل مافي العيد الصلاة في المسجد لها نكهه خاصه .
ووشكرا لك ياشوق واعاده الله علينا وعليكم بالصحه والعافيه.

[شوق]

هلا فيك

أحلى الكلام

تقبل الله منا ومنك

عيدك مبارك قبل الزحمه

برنامجكم بسيط لكن اتوقع شكله حلــو متعه في بساطه

<<<<< تنتظر أحلى الكلام تعزمها على عيدهم ودها تشوفه عن قرب ههههههه

يسلموووو أحلى الكلام على الرد غاليتي

تقديري

شوق

[بارقةأمل]

السلام عليكم ورحمة الله وبركاته

كل عام وأنتم بخير وعافية رمضان شارف على الخروج وكلها أيام ويودعنا وكلنا ألم وأمل أن نكون ممن تقبل

الله صيامهم وقيامهم ومن عتقائه من النار أمين -------ثم يأتي يوم العيد ليبعدعنا حزننا علىفراق رمضان

وقدقال رسوالله صلى الله عليه وسلم :{للمؤمن فرحتان فرحةٌبصيامه وفرحةٌ بفطره}

أما برنامجنا يوم العيد كان زمان له فرحة في نفوسنا لايضاهيها فرحة من وعيت الدنيا والعيد عندجدي

خارج منطقة الرياض ويجتمعون جميع الأقارب لازم لأن جدي له مكانة كبيرة في العائلة

والعيد يحطونه الساعة الثامنة صباحاًيعني لازم الحضور بدري وهذا إللي يميز جمعة العي عن باقي ا لجمعات

ثم نتبادل السلام والتهاني وتوزيع مالذ وطاب من الحلويات لدرجة إنه يجي العيد الثاني وأنا مابعد كلت كل

الشكولاتة التي حصلت عليها وطبعاً ما ننسى الشروخة والصواريخ والقنابل بأنواعها نوافير وطعمية وبن لادن

هههههههه والقاعدة البازوكةفحم خخخخخخخخخ أسامي عجيبة غريبة --------وفي النهاية كل واحديروح لبيتهم

وثوب العيد مخرق مثل المنخل طبعاً من الألعاب النارية ؟؟!!!

وثاني يوم العيد يطلعون الجماعة في مزرعة كبيرة لجدي يرمح فيها الخيل ويضيع الواحد فيها

وينصبون فيها خيام زيادة على البيت لأنه في الليل لازم نطلع برا القصر ونقعدفي الخيام ونشب النار

والكل يشارك في صب الشاهي والقهوة والألعاب النارية كل واحد يحاول يكون متميز عن الأخر

والطبخ الغداء عند الطباخ والعشاء إختياري يبون مندي أو خفايف أومقلقل ومكلف به الرجال الحريم مدلعات

مع أن الشغالات مضيقات المطبخ بس يغسلن البيالات والفناجين ومن بعد صلاة العشاء تبدأ الألعاب النارية

والمسابقات الثقافية بين النساء والرجال ---ومسابقات الألعاب لللأطفال والكبار مع توزيع الهدايا

إللي المدفوع ثمنها مسبقاً {قطة 100للمتزوجين فقط} والفايض من الفلوس يخيرونك تأخذه أويذهب للجمعية

الخيرية وبعدوجبة العشاء يبدأ السامري عند الرجال وطبعاً البنات يطلون من ورى رواق الخيمة

ومع فتحات الحبال أدري بتقولون وش ذا الهبال وتستمر الحال على ماهي عليه حتى تنتهي

إجازة العيد وقبل المدرسة بيوم كلٍ يتوكل على الله ويروح لبيته وصلى الله علىسيدنا ونبينا محمد عليه أفضل

الصلوات والتسليم وعلى أله وصحبه أجمعين


شوق تسلمين على الموضوع الحلو

[أمير الإحساس]

السلام عليكم

وكل عام وانتم بخير

برنامج يوم العيد زي كل سنه نصلي العيد

ونروح لبيت واحد من العائله ,,,,,,, أول العيد كان في شارع صغير ( سكه ) بس غيروا النظام

( تعرفون إحنا كثيرين كننا خلية نحل إذا إجتمعنا )


ونسلم على الأقارب ونتعيد عندهم

النظام أول كلن يجيب عيده معه بس اللحين لا اللي جامعنا في بيته يقول العيد علي

بعدين نروح نسلم على الشياب والعجز والخالات والعمات كلن في بيته

وأهم شي في العيد حلاوة العيد ولا وش العيد بدون حلاو

[شوق]

المشاركة الأصلية كتبت بواسطة أم زياد

وبعدوجبة العشاء يبدأ السامري عند الرجال وطبعاً البنات يطلون من ورى رواق الخيمة

ومع فتحات الحبال أدري بتقولون وش ذا الهبال

أم زياد

يتسع المكان لكل بنت تطل ولا فيه سرا كلن يمسك دوره

صراحه برنامجكم يشبه برنامجنا بس بدون رواق وطلت بنات

اختصرتي علي الطريق

برنامج حلووو رائع

تسلمين خيتو على البرنامج المفصل الحلو

تقديري

شوق

مشرفتنا الفاضلة شوق

اولا كل عام وانتي والجميع بخير

والعيد خارج الوطن لاطعم له ولا تعرف ان في عيد الا تذكرك قريب او عزيز واسعدك بالاتصال


تحياتي دمتي بخير

شوووق ...

والله موضووع حلوووو فديتج

اممممممم

بصراحه العيد عندنا شيييييييي والله

طبعاً من الليل أبدأ أعلق الزينات والورود والبالونات الملونه واللمبات الصغيروناااات <== والله امووت في

هالحركات

واخلي بيتنا روضة اطفال مو بيت خخخخخخ

المهم واجهز الزمازم <== يعني براد القهوة والشاي

واوصي اخوي يجيب البيتفور والبقلاوة والتورته غير حلويات العيد وهدايا الأطفال

واذا ذا جا صباح العيد نلبس أحلى جديد ونصلي صلاة العيد <== ياحلااااااوة

وعقبه نرجع البيت وزوجة اخوي مرتبة الأوضاع وحاطه في مجلس الرجال ( المشب ) قهوتهم وشاهيهم وحلوياتهم

ومجهزه حقات الحريم بعد ونبدأ نزور جيراننا بالترتيب ونعايدهم ونروح بيت بيت لجماعتنا

لأن كلنا في حاره وحده ^___^ ونسلم على الشيبان والعجايز واكيد يعطونا عيديات <== عمتي دايم تعطيني

خمسميه وان شاء الله هالعيد الف طماعه انا صح خخخخخخخخ

اممممم وش بعد هذرتي واجد بس يالله اكمل

وعقبه نرجع لبيتنا بعد مانهد حيلنا ونرتاح شويه وتبدأ العزايم والردح والرقص ^___^

وعقب نروح زيارات خارج المنطقه لقرايبنا اللي بعيد ونروح للملاهي

ووووووووووووووووووووووووووو والشريخيات نسيتها انا مااستغني عن الصاروخ والفحم ^__^

لازم اشتريه وهذي اللي تطلع ألوان في الليل مادري وش اسمها ابوي يولعها في ليلة العيد ..

وبس تعببببببببت والله

: )