فرصته با الشارع يشوت القوارير !

[عبدالله راشد الثويني]

السلام عليكم ورحمة الله وبركاته

ها الابيات كتبتها لما ضاقت فيني من هم العزوبيه ، قلت لأحد الشباب وش السوات
قال اطلع فرفر يمين يسار تلقا وناستك خذيت برآيه ، مع إني عارف إن مافيه مكان للعزاب
أترككم مع الأبيات لعلها تنال القليل من إعجابكم

وآهمـٌـي اللي فاق كل التصاوير=حتى الأمل في داخلي صار مايل
حاستني الدنيا وحكـم المقادير = واصبحت للضيقه والاحزان شايل
سألت راع الخير راع التفاكير = الصاحب اللي يفرجه با الشكايل
ياصاحبي همـٌي يفوق التصاوير=ياكيف أزيله ياعريب السلايل
قال إن همـٌك تبعده با المشاوير=أطلع ، تحرك يصبح الهم زايل
شقتك هذي تحضر الهم تحضير = أطلع وتصبح للمسرات نايل
مشيت من عنده على تالي إعصير=من غير وجهه مالنا با الدلايل
جيت الحديقه بين ذيك النوافير = والجو فيها ياهل الخير هايل
دخلت لارجائه ومن غير تبصير = اقول جتني فرحتي با السهايل
جلست اناظر للفضاء والعصافير=واشوف كل الناس صايل وجايل
كسرت همٌي والهواجيس تكسير=مبسوط كني جالس(ن) وسط حايل
فجأه سمعت اصوات كنه أعاصير=من صوتهم تاقف طوآل الجدايل
أشكالهم تفـزع ، كانه مواصير=من شافهم ماشاف فيهم جمايل
قالولي أنهض وين جالس على خير=ماتدري إن المنطقه للعوايل
يا الله توكل دامنا نقول تحذير = من قبل والله ترتمي با الهوايل
قلت أبشرو واللي تريدون بيصير=وعادت همومي واصبح الحزن طايل
ورديت للشقه همومي طوابير = بركان حزني داخل القلب سايل
ذاك العزوبي لا نوى للمشاوير = يصبح مع الأحزان مثل الزمايل
فرصته با الشارع يشوت القوارير=وبا الزاويه يجلس بوقت القوايل

تحيتي لكل من عطر الصفحه بتواجده

[الطامي]

السمح
الله عليك ولك مااروعك
هههههههههههههههههههه
عزابي ومع العوايل
يالله قم بس قم خلهم وياك
صح السانك
لاهان راسك على تصوير الفكرة الممتازه
وشكرا لك

[نجم الإبداع]

هههههههههههه صح لسانك ياعبدالله ههههههههههه

الله يصلح الحال وانا اخوك

لاهنت

فائق الاحترام

هههههههه
صح لسانك اخوي عبدالله
والله هي شوي تحزن وتضحك بنفس الوقت

كل الشكر لك
دمت بخير

والله يااااا السمح خلك سمح

ولا تقرب العوايل وش منقزك عندهم

ههههههههههههههههه



لكم الله يالعزابية بس تدري كل متزوج يقول الله يازين ذيك الايام

وانتم زعلانين انتم في نعمة وخير تحسدون عليها للي مضاله

بضع سنين بالزواج ...هههههههههه



اقول صح الله لسانك ..

[الأموره]

لوووووووول

ربـي يسعدك يخوي

صح لسانك ملايين

سلمت و سلم فكرك

الف شكـر لك

دمت برعاية الخالق

[ابومياس]

تزوج يالعزوبي على شان تنظم لقائمة

المحترمين 0

هذه المشكلة!!!!

طيب وين يروح اوجودوا لهم اماكن للترفيه

للقضاء على الفراغ الذي يحولهم الى مجرمين

صح لسانك يالسمح وبيض الله وجهك

دمت بخير

[راجي الحاج]

ههههههه

اشوى ما تلوك يالسمح ههههه

كان الله في عون اخواننا العزاب مع هذا الكبت المطبق

دمت بخير

[عايض المقاطي]

مشاركة تستحق الثناء

الله لا يهينك


وتقبل خالص التحايا

[حوريه]

عبد الله

صح لسانك

الله يرزقك بنت الحلال تمشور انت وياها

بس ترا ايام العزوبيه مهيب شينه

ابيات وسعت صدورنا وضيقت صدرك

شكرا لك