ياحبر أكتب قصتي بخـط منظـوم ...

عبدالله راشد الثويني · 18-10-2007, 04:59 PM

أضع هذه الأبيات بين أيديكم لعلها تنال القليل من إعجابكم

ياقلب أعلن للملا صرت مهزوم=ماعدت تقدر وصلها لو تمنيت
ياعين ماينفعك لو عفتي النوم=مايرجع اللي راح ترديد ياليت
ياصدر أظهر كل ماكان مكتوم=شتت عناك اليوم ياصدر تشتيت
ياحبر أكتب قصتي بخط منظوم=أكتب عنايه واشبك البيت با البيت
أكتب لها اسف اذا اهملتها يوم=أسف اذا زليت معها واخطيت
أسف اذا سببت له حزن وهموم=أسف اذا جرحتها بيوم واقفيت
يحق لي أعاتب النفس والوم=ما انلام لو للدمع ياناس هليت
كنت أحسب أن الوقت للعاشق يدوم= واثر العنا له موعد وله مواقيت
ماكنت أرفض منك ياوقتي سهوم=قبلتها صابر مع اني تعنيت
واليوم سهمك جا على الصدر مسموم=كنك على حقك خرجت وتماديت
انا ادري ان اللي حصل صار مقسوم=والوقت ما يرحم لو اني تلويت
لكن بترجم هم في صدر مضيوم=صدر(ن) وصفته بانه الصاحي الميت
بذكر زمان با الفرح كان مفعوم=ذكرى الوليف اللي له القلب أهديت
الله يرحم مامضى كنه اليوم=يومه يقول أغليك مهما تغليت
مرحوم ياوقت(ن) مضى معه مرحوم=الشاهد الله كيف معها تهنيت
ماكان يحجبني عن عيونها غيوم=وياه في جو المحبه تعليت
أسمه غدا في داخل القلب مختوم=مقدر على نسيانها لو تناسيت
واليوم بيني وبينها باب مردوم=مجبور أوادع لو على القرب حنيت
لحظة وداعه قلت لابدٌه حلوم=واثره حقيقه آآه يا الهم ولٌـيت
ذاب اللذي كان الأمل فيه مرسوم=ذاب اللذي من دم قلبي له اسقيت
قصر الفرح أصبح مكسر ومهدوم=على حطامه من عنى الوقت غنيت
جريت موالي والاحزان بي كوم=وللراس من هول الغرابيل هزيت
ياحضي يلي من الفرح صرت معدوم=يكفي دخيلك منك ياما تأذيت
من بعدها عمري بقضيٌه محروم=لاضاق صدري بذكرياته تسليت
والعين في ذكراك ما تحمل عزوم=تهل دمعاته اليا ذكرت واِطريت
طيفك بيبقى داخل الصدر مضموم=لو عفت نفسي عنك ، لا ماتخليت

تحيـتي