رائعة سناعيس((ياهيه)) بصوتي

[نجم الإبداع]

ياهيه ياللي في سويداه مخفيك=عن كل مايوذيك حب ونجاعه
ليه التجافي يابعد عين مغليك=وانت تعرفني صرت عندك وداعه
وشفيك تقسى ياريش العين وشفيك=هذا دلع يازين والا لكاعه
ما احتاج لاخطه ولا منك تكتيك=جيتك انا كلي وكلي قناعه
انت الطبيب اللي مريضك يناجيك=عندك دواء نفسي وطب ومناعه
وعندك علومي والقلم دوم ينبيك=وعن غيرك اعلومي يشح بيراعه
مالي غناة عنك لاني بأراضيك=وخارج حدودك فاقد الاستطاعه
ومهما تباعد ياحبيبي مساريك=غصب علي اتبعك ماهي براعه
وامشي معك ماوين تمشي أجاريك=أيضا ولا أرضى فيك أية شفاعه
وأغار حتى من ظلالك يباريك=وصرت اتمنى طيحته وانصراعه
مركب غرامي راسي في موانيك=لاهتز موجك ياهوا البال راعه
من قو باسك مركبي لاوقف فيك=هبط لك الصاري ونزل شراعه
كل المشاعر تضطرب لك وتفتيك = عني ويعلن خافقي لانصياعه
المنطق اللي في حدوده يطرّيك=يجبرني أطيعه وغصب اتباعه
يكفيني اشوفك عسى الله يخليك=اطرب على صوتك وأهوى إستماعه

صح لسانك ياسناعيس

رائعه

[صعبة المنال]

الله الله ع الالقاااااااااااااء
كلمات من شاعر والقاء من شاعر
بكل الاحسااااااس
دمتم بود يالفطاحلة


صعوووووووووووووب

[حوريه]

أبياااات القصيده راااائعه ومترجمه للأحاااسيس


وإلقاء اروع

تسلم فلااااااااح

ولا هنتـــ.........

.

.

[نجم الإبداع]

المشاركة الأصلية كتبت بواسطة صعبة المنال

الله الله ع الالقاااااااااااااء
كلمات من شاعر والقاء من شاعر
بكل الاحسااااااس
دمتم بود يالفطاحلة


صعوووووووووووووب

اهلا ياصعبه

تسلمين على طيب الحضرور

ويكفي المتصفح عبق

مرووووووورك

لاهنتي

[همس الورد]

صح لسانك سناعيس

ومشكوور فلاح عالالقاء

تحيتي لكما

[زهرة اللوتس]

كلمات رائعة
والقاء جيد
شكرا لك فلاح
تحية طيبة

زهرة

[نجم الإبداع]

المشاركة الأصلية كتبت بواسطة حوريه

أبياااات القصيده راااائعه ومترجمه للأحاااسيس


وإلقاء اروع

تسلم فلااااااااح

ولا هنتـــ.........

.

.

ارحبي ياحوريه

صح بدنك

وجزيل الشكر لمرورك الكريم

لاهنتي

[سناعيس]

الله الله عليك يابو محمد
يسلم لنا هالصوت الشجي
وشرفت القصيده وزينتها بشيلتك الرائعه
لاهنت

تحياتي

[محمد المغيلث]

سناعيس صح لسانك وسلم راسك

على هذه الرائعه

والشكر لبن مسيار على هذا الصوت الشجي

تحيه

[الحــ فهد ــربي]

صح الله لسان سناعيس

وسلمت يالغالي على الصوت الجميل

تقبل خالص تحياتي وتقديري