ظلال وشموس

[مجدي صالح المبارك]

للوقت عبره داخل الـروح ياصـاح=وللشوق طفلٍ بين الاضلاع محبـوس
وللصاحب اللي طيفه لليـوم مـاراح=خضر الطعون الساكنه ظلال وشموس
ياما توسدت الجوى شـوك ورمـاح=واصبح كما شخصٍ من الجن ممسوس
من وين مـا يمّمـت لعيـون تلتـاح=رسمٍ من رياح الدهر صار مطمـوس
خيـل المـوده للمعاليـق تجـتـاح=وانا لـك الله دايـم الحـال منكـوس
في كل حزه طايـر الشـوق نـواح=والهم في نبض الشراييـن مغـروس
لا مانسيـت حروفنـا بخـد للـواح=يومٍ نقشناهـا وبـرج السمـا قـوس
تتلي ترانيـم الهـوى ليـل وصبـاح=وتنسج من حروف الوله الف قاموس
رمل الطريق اللي مشيناه لـو بـاح=باسرار عشقٍ كان للكون محسـوس
ينشق خدر الليل من شمس لافصـاح=و يشب كل احساس بالصدر مرموس
صارت حياتي كلها بـوح واشبـاح=وقلبٍ على جال النوى بات محمـوس
يا ظالمة ردي تـرى الوجـد ذبـاح=في الصبح حلم وتالي الليل كابـوس

[وجدان القلوب]

صح لسانك وفكرك

يسعدني اكون من اول الموجودين ف صفحتك

لاهنت

[مبروك بن ماضي]

اخوي المبدع :
الشاعر / مجدي صالح المبارك
الف صح لسانك على هذه الرااائعه ..
سعدت بقراءتها وتشرفت بحضوري هنا
سجل اعجابي وتقبل تحياتي وتقديري
أخوك / بن ماضي

[داعي الشوق]

الله الله

يالشاعر مجدي

قصيدة رائعة بالحيل يا بو صالح

و قاف جميل

لله درررررك

شاعر رائع و مبدع ،

صح لسانك مدد بلا عدد

مع التقدير لك

و الاحترام

[احمد الكثيري]

اقوووول صح لسانك مليون ولا يفكون نص ولا اروع
لك تقديري

[ام العمده]

صح لسانك واعتلا شانك

لاهان راسك

ابدعت بهذه الرائعه

دمت بخير

[منيع]

ابيات رائعه
بارك الله فيكم
تحياتي

[الطائر المهاجر]

سلمت وصح لسانك وفكرك
ولا هان راسك
جزلة من جزل وشاعر متجدد الإبداع
تحياتي وتقديري

[عذب القوافي]

الجزل / مجدي المبارك

صح لسانك مليون

نص وافي من وافي وعوايدك الإبداع

تقديري وفيض ودي .......

[ناصر عبيد الهواوي]

صح لسانك واعتلى شانك
جزلة ومن جزل
ابدعت وامتعت وبيض الله وجهك
تحياتي