راح العمر ما ارخيت راسي لمخلوق

[الطائر المهاجر]

راح العمر ما ارخيت راسي لمخلوق = ولا انحنى ظهري لغير الركوعي
للي خلقني حر ما نيب معتوق = ولا نيب مملوك لسيده خشوعي
ولا ني من اللي راكض دوم في شوق= يقبل ايادي او كتوف بخضوعي
حرٍ ولد حرٍ من الاصل موثوق = على المبادي ثابتات طبوعي
شقيت دربي دون خوف من العوق= بعلمي وشغلي والامانه دروعي
حتى حربني من تعود على البوق= من كل فاسد عند سيده خدوعي
كنت احسب ان العلم يرفعك لا فوق = وان العمل باخلاص يرفعك بوعي
ولقيتني غلطان والفكر مصفوق= في وقت فيه "الواو" تضمن طلوعي
"واو" من الخدام توصلك مطفوق = من البطانه يوصلك للجذوعي
وفي ساعة تلقاك تنبت لك عروق= وتصير في منصب كثير الفروعي
يركض وراك اللي يطاوعك بشفوق= وتحط لك بيز يقيك الصدوعي
تنهب وتاخذ ماتبي الطاق مطبوق= ولا صار شي البيز شال الوجوعي
هذا الذي صاير ومعروف بالسوق= ومن لاعرف له خاسر بالبيوعي
وما دام هذي الحال ما ظني تروق = للي ضميره حي بين الجموعي
وكلت امري لخالقٍ كل مخلوق = وعلى التقاعد سرت ماني جزوعي

[داعي الشوق]

ههههههههه زين سويت يا عود

دام الضمير مرتاح ماعليك ،

وصح لسااانك و طاب حالك ملاييين

ولاهنت

[ساهر الليل]

الله الله تنفس في خلوه مع الذات

صح لسانك ولاهان راسك ،،،،،،،

مبدع ياعووود وجعلك عالقوه دووم

والتقاعد افضل من الترف بالخنوع

تقبل تحيااتي

[منيع]

كفو يادكتور
قول وفعل
وقد خسرك الاخرون ولم تخسر نفسك
دمت بود
تحياتي

[الطامي]

لله درك من عووود
صح السانك ملايين
ابدعت وأجدت لافض فوك
شكرا لك

[هترل]

لو انك مسنع نفسك ولاطش لك كمين ارنب وبطتين مهب ازين ههههه
صح لسانك وكلك يابو عبدالله مبدع والشهاده فيك مجروحه يالامير

تحياتي وتقديري

[حي الضمير]

قول وفعل انشهد
ولافض فوك ياعلم
ابدعت وعوايدك

[جهاد الشعلان]

ابدعت

صح لسانك

تقبل مروري

[محمد عبدالله البدراني]

كفو كفووووووووووووووو يابو عبدالله حي هالراس صلب ولاتلين الا لخالقك ومليون نعم

والله يعطيك طولت العمر والقوة


وصح السانك واعتلا شانك


ولاعدمناك ياشب



تحيتي وتقديري لشخصك العزيز الغالي

[الراقي]

صح السانك
ولافض فُوكَ ..

دمت بِكُلِ مَوَدَةٍ