[صحيح زعلان]!!!

[مبروك بن ماضي]

صحيح زعلان
*************

صحيح زعلان0ماتمزح! ومن جِدك =ودِّك تطيّرعصافيري من أغصانك
ماودّك أسعدبشوف الورد في خدك =ولاتبيني أشُم عطرك وريحانك
إنك تحاول تعودني على صدك =أرجوك 0 مآيحمل الخفّاق هجرانك
ماأقدراصبر وابي ياصاحبي ردك =أهواك واخشى من جحودك ونُكرانك
أعطيت لك قلبٍ أبيض ينبض بْودك =يمين بالله ماعافك ولا خانك
انك تقدر شعوري مُد لي يدّك =واصفح واسامح وراعْ شْعور خلانك
ترى المسامح كريم ، وجيت لى حدك =فلا تسكر بوجهي كل بيبانك
معقول مافيه شٍي فيني يٍْشدك =وآ نا الذي بعت كل العمر من شأنك
ان كنت فعلاً تظن مافي أحد قدك =غلطان0لاتحسب الميدان ميدانك
يقسى زمانك عليك إبيوم ويِحدك =على التراجع ولكن بعدماهانك

مبروك بن ماضي

[الطائر المهاجر]

ياقلب يا اخضر ولو بينت من سدك= شاعر تسوق الخيال وتعلي اركانك

صح لسانك وقلبك
مبدع دائما يابو فيصل
لاهنت
تحياتي الطيبة

[همس الورد]

صح لسانك مليون

وصح بدنك و اعتلا شانك

قصيدة رائعةكما عهدنااااااك

تحيتي و تقديري

[داعي الشوق]

صح لساآآنك يالشاعر الرائع دائما

مبروك بن ماضي

الابداع معك حاضر في كل الحالات

و لا غرابه في ذلك

صح لسانك مليوووووون

تحيتي لك مع التقدير

[صعبة المنال]

دوم مميز يا ابن ماضى

لله درك حرفك واحساسك

سلمت وصح لساااااااااااااااانك

صعووب

[عمربن عجرف الشمري]

صح لسانك واعتلا شانك
ابيات رائعة
ترجمت روعة الاحساس
سلمت وسلم تميزك
وإبداعك

[عبدالرحمن بن زهير]

شاعرنا الكبير مبروك بن ماضي صح الله لسانك على هذه الابيات الوافيه والعذبه...تقبل مروري واعجابي بهذا الشموخ...

[الخنساء]

المشاركة الأصلية كتبت بواسطة مبروك بن ماضي

صحيح زعلان
*************

صحيح زعلان0ماتمزح! ومن جِدك =ودِّك تطيّرعصافيري من أغصانك
ماودّك أسعدبشوف الورد في خدك =ولاتبيني أشُم عطرك وريحانك
إنك تحاول تعودني على صدك =أرجوك 0 مآيحمل الخفّاق هجرانك
ماأقدراصبر وابي ياصاحبي ردك =أهواك واخشى من جحودك ونُكرانك
أعطيت لك قلبٍ أبيض ينبض بْودك =يمين بالله ماعافك ولا خانك
انك تقدر شعوري مُد لي يدّك =واصفح واسامح وراعْ شْعور خلانك
ترى المسامح كريم ، وجيت لى حدك =فلا تسكر بوجهي كل بيبانك
معقول مافيه شٍي فيني يٍْشدك =وآ نا الذي بعت كل العمر من شأنك
ان كنت فعلاً تظن مافي أحد قدك =غلطان0لاتحسب الميدان ميدانك
يقسى زمانك عليك إبيوم ويِحدك =على التراجع ولكن بعدماهانك

مبروك بن ماضي

صح لسانك مليون ولايكفون
ابيات جزلة من شاعر جزل
لاهنت بوح رائع
وسلمت ودام حرفك

[رفيعة الشان]

الله الله
على النص الجمل شاعرنا
يغيب لكي يبهرنا مجدداً
صح الله لساانك مليووون
ابدعت كما عهدناك

لااهنت

[نجم الإبداع]

الله الله

صح لسانك يامبروك

قصيده رائعه

ومشاعر راقيه

شاعر مبدع

وجزل

لاياتي منك الا كل جميل

لاهنت

تقبل مروري

وتقديري