خواطر عارضة

[ناصر عبيد الهواوي]

بسم الله ابدأ واتعوّذ به من ابليس الرجيم=يارب باعدني عن ادروب الردى واحوالها
بعض السنين يبكّر الوسمي وصار الجو غيم=والى طمعنا في مطر هالغيمة يرفالها
وراجت معاصيره بعد صفوه وجا فيه اتعتيم=وإكشوت هالوادي غدوا في حالةٍيرثالها
واللي يجي عامل مع البنا لزوم إنه فهيم=إن كبّر اللبنة يعرف انه يبا يشتالها
وركعة في إضم ماتعدل اللي مثلها حول الحطيم=والمعصية في ذي وذي تكتب على منوالها
والخضر شرطه لا تسل عن شي يا موسى الكليم=لكن موسى رغم علمه هالته بأهوالها
تخرق سفينة في بحر.يقتل طفل توه فطيم=تعمر دوامر ديرة اهل البخل ويسوى لها
والشيخ سالم طاح في ورطة نجا منها سليم=وفي ليلةٍغدرا إنّجم راسه ورد وجالها
ياحلو مكتوبٍ قريته مرسله عبد العليم=لو من مواضيعه حذف موضوع كان اشوى لها
بعض الرمي من غير قصد يصيب سهمه بالصميم=وناسٍ تعاما عن طريق الحق ويورالها
إن الهدى مثل الضلال املى لها الفهم السقيم=واليوم ما احصيها خطايا دقها واجلالها
والظاهر إني مثلهم ذا الليل ابا اعود غشيم=ما افهم معانيها ولا ادري كيف هجسي طالها
يارب يامولاي ياقيوم يالبر الرحيم=جنات عدن الواسعة يسر لنا مدخالها
واغفر لعبدٍمايزال بغيه وجهله مقيم=لو كان يخشى غير وجهك كان ماقد قالها
وصلوا على اللي في عباد الّله روافٍ رحيم=اعداد ما دارت لياليها وهل إهلالها

[الطامي]

الهواوي
رائعة جدا
صح السانك ملايين
والله يغفر لنا ولك
شكرا لك دبل
لاهنت

[احمد الجريفاني]

اللهم صلي عليه وسلم ابدعت يا الغالي تحياتي

[داعي الشوق]

الله الله يا بو عبيد

قصيدة جميلة

كـ حضورك دائما

شاعر كبير غني عن التعريف

لله درررك يالهواوي

و صح لسانك مدد

مع التحية لك

،،،،،،،،،،،،،،،،،،،،،

[عبدالعزيز العمار]

الشاعر ناصر الهواوي ./

صح لسانك وجاد بيانك ..

رائعه بروعة حضورك الشعري لاهنت..

سجل اعجابي وتقبل مروري وتحياتي ..

[ناصر عبيد الهواوي]

الاخ الغالي منصور المري
ارحب يالغضنفر
ولا تهون يابو محمد مرور اتشرف به
تحياتي وشكري الجزيل

[ناصر عبيد الهواوي]

الاخ الشاعر احمد الجريفاني مشكور ولا تهون يالغالي
تحياتي والسلام

[ناصر عبيد الهواوي]

الاخ الغالي داعي الشوق
جزيل الشكر وتام التقدير
ارحب يابو سعد وبيض الله وجهك
تحياتي

[ناصر عبيد الهواوي]

الاخت صعبة لاهنتي يابنت الر جال
سررت بهذا المرور
بارك الله فيك ولك
تحياتي والسلام

[ناصر عبيد الهواوي]

الغالي الشاعر عبد العزيز سعد العمار
ارحب يابو سعد
وبيض الله وجهك
اشكرك واسعد بمرورك
والسلام