مواقف شباب في صلاه الفجر000

[احساس أنثى]

يقول أحدهم :

* مرة كنت انا قايم من النوم تعبان مرة
توضيت ولبست ثوبي وشماغي وطلعت وشغلت السيارة عاد تعرفون
لازم نخليها تحما
قلت في طول ما تحما السيارة آخذ غفوة داخل السيارة
خذت غفوة واقوم قلت خلاص الحين السيارة حمت اكيد واشوف النور
طللللللللللللع والناس صلتتتتتتتتتت وانا توني اقوم
لا والقهر الوالد مر علي وشافني في السيارة ولا صحاااااني


* مرة في الصلاة كنت نعسااااااان ، وفي التشهد الأخير طول الإمام ،
وطول ، وطول ، وطووووووووول فتأكدت أنه نايم
بعد فترة حسيت الموضوع فيه ( إن ) !!
رفعت شماغي من جهة اليمين فما وجدت أحد
رفعته من اليسار فما وجدت إلا كم شخص من بعيد
فاكتشفت أني أنا اللي كنت نايم في التشهد ..............

* مرة وأنا إمام مسجد كنت كالعادة أقوم لصلاة الفجر مسرع ، لأني طايح
بمؤذن مايعرف الدقيقة ، المهم أني في هالمرة قمت توضيت ولبست
ثوبي وأخذت شماغي وهي العادة ماأسكر أزارير الثوب إلا وأنا داخل أو
وهو يقيم لأني العالم كلها نايم ( ماأحد يشوف ) فجأة وأنا متقدم والمؤذن يقيم .....؟؟؟؟ أحاول أني أسكر أزارير ثوبي ماقدرت ...؟؟؟
حاولت ولا نفع ..؟؟؟ اكتشفت أخيراً أني لابس الثوب مقلوب ...؟؟؟
وتعال دورني ....؟؟؟ قعدت أغطي صدري بشماغي بعد الصلاة ولا أحد
انتبه لي ,.... ؟؟؟

* هذي قصه لواحد من الشباب يرويها بنفسه يقولك كنت في بداية
إلتزامي والحمدلله
قد بدأت أحفظ من القرآن الكريم .. وقد بدأت أحفظ من قصار السور
مبتدءاً بسورة ق
المهم والحمد لله أنا من المواظبين على صلاة الفجر وفي روضة المسجد خلف الإمام
مباشرة ... وفي تلك الأيام الخوالي قدّر الله أن الإمام تأخر عن صلاة
الفجر .. والتفت
المؤذن إلي وقال تقدم .. تقدمت وكلي ثقة ولكن بيني وبينكم هذا في
الظاهر أما داخليا
فكان في نفسي رهبة شديده كبرت وبعد قرآة الفاتحه قلت في نفسي
هذه فرصه لقرآة
سورة ق تعوذت بالله وبسملت وقرأت مبتدءاً الآيه ق.... وأرتجيت وضاع
الحفظ ..
وسكت .. قال المؤذن والقرآن المجيد ..قلت والقرآن المجيد وقفلت . قال
بل عجبوا
قلت بل عجبوا .. قال أن جاءهم ... قلت أن جاءهم واستمر يلقنني
آيتين أو ثلاث وأنا
أردد خلفه وضاعت طاستي ..وكبرت وركعت وأنا خلاص منتهي وش
هذا الموقف..
وتداركت نفسي أثناء السجود والجلسه .. وإذا سورة ق تنساب في
مخي آية آية ...
رفعت للركعه الثانيه وقرأت الفاتحه وقلت في نفسي لازم أوري الجماعه
إني حافظ السور ه ولست أي كلام ....ويشاء الله أن أبدأ ق.. وأول
مانطقتها قفلت وضاع
الحفظ .... قال المؤذن خلفي بصوت حنق والقرآن المجيد.. ..قلت
والقرآن المجيد
وقفلت . قال بل عجبوا ..... بل عجبوا وهكذا مثل الركعة الأولى .... وأنا أنتفض من
الخجل والفشيله............... المهم ركعت .......... وكملت الصلاة .....
وسلمت
وإلتفت على الجماعه ورأسي على صدري ........ والمشكله المؤذن
حمقي .. وبدون
مقدمات وأمام الجماعه ...... قال .. ماتقولي هالحين نطلعك من ق
وترجع لها ليش ..
.... ولم أرد على شي وبقيت في المحراب حتى خرج كل من في
المسجد .....

هذي حصلت امامي
دخلت المسجد صلاة الفجر والامام يقرأ .....
وتعرفون الاطفال الصغااار الواحد منهم مصحية ابوه بالقوة.........
وانا خارج المسجد سمعت الامام قد تعتع في آية ...... ولم يكن خلفة من يستطيييع ان يرد علية

اخذ الاماااام يكرر الآية ..... املا ان يذكر مايليها او على الاقل يذكرة احد المأمومين
لكن دون جدوى ..... استمر يكرر ويكرر ..... الا يذكرها ..... ماله نية يركع وهو ماكمل الاية
ودخلت المسجد ..... والامااااااااام على حاله ....... يكرر الاية مراااات ومراااات
وعند اقترابي من الصف كان في طرف الصف طفل نعسااااااااان .... ومستعجل يبي يخلص الصلاة يرقد قبل المدرسة
والاماام مازال يكرر ويكرر الاية
فالتفت الطفل ... بعفوية وبرااائة الطفولة وقال """ ياخي اركع وخلصنا """ بصوت مسموووع
فما كان من الامام الا ان ركع على طوووول
وانا مدري وش سويت من الضحك
الله يعفي عنا

مرة كنا في صلاة الفجر وتعرفون نص المصلين معظمهم يسهر ويقوموا صلاة الفجر وباقي ما شبعوا نوم
المهم الإمام كان يقرأ سورة من ضمن آياتها (( الضاااالين )) المهم قراها الإمام ومدها كأنها الضالين اللي في سورة الفاتحة
وبعدها ما تشوفون إلا آآآآآآآمين من النايمين على بالهم إن الإمام باقي يقرأ سورة الفاتحة

بجد فشيله....


الله يصلحكم ... ان شاءالله

[الغريب]

خخخخخخخخخخخخخخخخخخخخخخخخخخخخخخ خخخخخخخخخخخخخخخخخخخ

اضحك الله سنك يا احساس

ابي اقولك مواقف حقيقة انا شاهد عليها وشي صار معي

جاتني فترة صرت عاقل تقولين بداية التزام وماغير تسمعين مني اثابك الله بارك الله فيك ومن ها الحكي

المهم اشططيت وقلت الاذان عندي اليوم والله لويوصل الدم للركب وكان يوم جمعه واول شخص دخل المسجد انا متحمس

المهم اذنت الاذان الاول والله العلم مقدم خمس دقايق عشان اضمن محد يجي قبلي

ابتداء الناس يجون زرافات زرافات والمسجد يمتلى وكل ماله يزود وانا متحمس ومستانس احتري الامام يدخل قريت الين ماتعبت وعيني على الباب ابيه يجي بس عشان ا اذن

المهم دخل الامام وانا اللى اقحص متحمس طبعاً قال السلام عليكم ورحمة الله وبركاته والله العالم مامده يكمله الا وانا خاش في الاذان

الين هنا وكل شي عادي صح

الغير عادي عقب ماخلصت من الاذان مدري وش جاني يوخيتي التفت على المصلين وسويت حركة باصباعي الابهام اشارت انه تمام والله العظيم حركة لا اراديه المهم الاكثريه انتبهو وانا ماحسيت بنفسي ،،،،،،اشوف اللى حوالى يبتسمون وانا طبيعي افكر في الاقامه ( شوفي الحركة في اعلى الرد ) قلت نوع من التشجيع>>>>>>> امحق

الامام شاف الاكثريه يبتسمون وعقب الصلاة قام يحكي عن الضحك وان الحاضرين لازم يتابعون الامام يعني انه يدقهم بالحكي

عقب الصلاة مسكوني جماعة المسجد وعلمو الامام قام يضحك على وقال لاعاد اشوفك تأذن


القصص واجد اعلمك بعدين

[أم ريما]

هههههههههههههههههههه

وش هذا اللي كل شوي نايم في الصلاه

مواقف طريفه ومضحكه مشكوره اختي احساس


تحياتي لك

[أصالة تميم]

يعطيك العافيه أختي إحساس


فطستينا من الضحك........

[الريم]

لوووووووووووول

مهوووووييين قسم بالله

بس زين منهم الي يصلون الفجر وبالمسجد مشا الله

االله يهدي الباقييين

هههههههههههههههههههههههههههههه هههههههههههههههههه


يعطي الف عافية احساس على هالمواقف

بس تصدقين زين ان البنات ما يصلون بالمسجد والا كان علوم

مشكورة يا قلبي

[احساس أنثى]

مشكورين حبايبي على المرور والتعليق

يعطيكم ألف عافيه

تحياتي ياحياتي

[المورد]

لك الشكر
على ما فاض به قلمك
تحياتي

[طويق]

مشكور
على ما افدتنا به
تحياتي

[الحويطي]

الف شكر
على ماجاد به قلمك
تحياتي الطيبه