المره في مجتمعنا يا اللبيب

[الطائر المهاجر]

المره في مجتمعنا يا اللبيب= لغز ما ظني بفكرك تسبره
بعضهن لامن لقت رجل حبيب= عنفصت في دربها مثل بقره
قبل ما تالد مثل غصن رطيب=حبها للزوج يبقى مفخره
تحضر لها خادمه وتحضر مجيب=سايق الحرمه لكل المشوره
ولاانجبت ورعان تحدرك الشعيب=من بعد عبله تحول عنتره
تترك المطبخ بحره واللهيب= واصبحت خدامتك هي المره
تسمع التوجيه منها من قريب= ولا وصلك الأكل هضمه ما اعسره
ولو تبي تحتج علّت بالنحيب= وكل سرٍ في بويتك تظهره
ما تبيك الا تويس له نبيب= لا بغته العنز جات مدحدره
اصقه ابكم اذا تسأل تجيب=ولا تدخّل بامر مهما تخبره
مبرمجه من قبل تصبح لك نصيب=وتنقل اللي بعقلها للمبزره
ويوم ما تاصل الى وقت المشيب=ما تلاقي غير خثيٍ وبعره
تضرب بكف على كفٍ شحيب= وتعرف ان قبرك بيدك تحفره
من حكمه العقل والراي الصويب=ما يتعجل في زواجه من مره
كل بيت ينبنى وسط الشعيب= يجرفه سيل يجي ما قدّره

[داعي الشوق]

كل بيت ينبنى وسط الشعيب= يجرفه سيل يجي ما قدّره


.. الله يكفينا شر هالنوعيه

وصح لسانك و طاب حالك

ابدعت ياطير

ولاهنت ياجزل

[منيع]

مبدع وجزل
ورفقا بالقوارير يادكتور
شكرا لك
تحياتي

[بنت النور]

اصابيعك مو زي بعض يادكتور
صح لسانك عددبلا مدد
لاهنت

[الطائر المهاجر]

المشاركة الأصلية كتبت بواسطة بنت النور

اصابيعك مو زي بعض يادكتور
صح لسانك عددبلا مدد
لاهنت

بعضهـن لامــن لـقـت رجــل حبـيـب

[عبدالله الشويمان]

صح لسانك يا العود واعتلا شانك

قصيدة رائعه وانت اروع

[الطامي]

صح السانك دكتور
قهروووك هالحريم يابو عبدالله
لاكن ماعليك
عاقولة الهندي ( الله فوق)
ههههههههههههههههههه
لاهنت

[ابن جردان]

بعضـهـن لامــن لـقـت رجــل حبـيـب
.........عنـفـصـت فـــي دربـهــا مـثــل بــقــره

هنا دكتورنا يقول بعضهم من باب التجزئه وليس الكل وهذا صحيح
تستغل طيبة قلبه في التمرّد عليه وهذا حاصل كثير بعض الزوجات وليس كل الزوجات

ولا فيه اتهام للمرأه بالعموم فالدكتور بعيد كل البعد عن المنهج هذا

مثل ما نقول بعض الرجال ارخمه .. يعني ليس كل الرجال رخوم بل البعض وهذا صحيح

ولاانجبـت ورعـان تحـدرك الشعـيـب
.......مــــن بــعــد عـبـلــه تــحــول عـنــتــره

عوذه عوذه منهااا

اضحك الله سنّك يا دكتورناا هالبيت خطير
هههههههههههههه

صح الله السانك على هالابيات الجميله واللي تحمل في طيّاتها الحقيقه والطرافه