من يحقر عيال الرجال حقير

[عناد الرواد]

يــقـــول ابـــــن فــالـــح كـــــلام غـــزيـــر=يـجـمــد عــلــى شــــارب ســمــوّ امــيــر
يصـبـغ عـلــى فـنـجـال مـدهــال لابـتــه=شــــوق الـبــنــات الـلابــســات حــريـــر
كــلام مـــن ســـاد المـجـالـس وعـافـهـا=قـــلّــــب دفــاتــرهـــا وصــــــــار خــبـــيـــر
مـــن كـثــر مـاحــكّ الـمـعـادن وغـيـرهـا=مــــــرّ إبــتــجــارب والــحــيــاه مــســيـــر
يازيد شبّ النار واحمس على الغضا=فـنــجــال كــيـــف ولا عــلــيــه قــصــيــر
اقـصـر امـــواه وزوّد الـهـيـل وافـهـقـه=لا هـــــب ذعـــــذاع الــشــمــال عــبــيــر
واتـعـب عـلـى سـبـع الــدلال المهـيـلـه=حــتــى يــجــي كــيــف الــــدلال اخــيــر
قد قـال ابـو زيـد الهلالـي مـن الحكـم=حـــكــــم تــخــلـــي هـالــعــقــول تــنـــيـــر
ايّـــاك عـــن مـــال الـرجــال وحـلالـهــم=مــال (ن) يجـيـك إمــن الـحـرام يطـيـر
الــعــز عـــــز الـنــفــس عــمـــا يـذّلــهــا=ما هـوب بعيـب (ن) لـو تعيـش فقيـر
ورزق المرى ما فيه نفـع(ن) وفايـده=تــنـــدم وتـصــبــح بـالـعـيــون صــغــيــر
ابـك أنـت شـدّ البـيـت بالحـبـل والـوتـد=بيت (ن) تـقــشّــعــه الـــريــــاح يــطـــيـــر
الـلــي يـصـفّــر مــــا يـغـطــي شــواربــه=ابــــــو الـخــســايــر لـلـثـقــيــل يــســيـــر
والرجـل بالمجلـس قلـيـل(ن) سوالـفـه=هـــــرج(ن) قــلــيــل وبــالــمــراد كــبــيــر
تــرى الـرجـال اتـكـيـد بالـمـكـر والـدهــا=إديـــــــود غـــــــرّز مــيــتــيــن ضــمـــيـــر
كيـد الرجـل مــرات اقـطـع مــن الـمـرى=لا صــــار يـحـقــد يـــــا تــقـــول بـعــيــر
ان جـاتـك الـعـاقـه فـــلا تبـتـلـش بـهــا=عــاقــة ولــــد عــمــك وجـــــار قـصــيــر
زلات ربــــعــــك انـــتـــبـــه لا تـــعـــدهـــن=مــــــن عـــــــدّ زلات الــرفــيـــق يــحــيـــر
احـلــم عـلــى السـفـهـان دوّارة الـفـلــج=وافــلــج عــــدو(ن) مــــن وراك يـغـيــر
اعـــط الـرجــال احقـوقـهـم واحتـرمـهـم=مـــن يـحـقــر عــيــال الــرجــال حـقـيــر
وايّــاك عــن مـــال الـرجــال وحـلالـهـم=مــال (ن) يجـيـك إمــن الـحـرام يطـيـر

[الطائر المهاجر]

صح لسانك
جزلة من جزل
لاهنت
تحياتي

[كظيم]

ياسلام ياسلام

عناد الرواد
صح لسانك وفكرك يابعـدي
قصيده جزلـه وطيبـه
ابدعت في سبكهـا وحبكهـا
لاهنت ولاهان راسك يالنشمي
تقبلني وتقبل مروري المتواضع لاهنت
ودي وتقديري

[منيع]

مبدع وحكيم
دمت بخير وعافية
ودي وتقديري

[عبدالله الشويمان]

صح السانك يا اخ عماد

قصيده جزله مبنى ومعنى حكمه ونصح..

الله الله..اعجبتني كثيراً

دمت بخير ولا هنت

[عبدالعزيز العمار]

صح لسانك ياعناد

جزلة من جزل وشاعر قدير وحكيم

تحياتي لك

[روح الشعر]

عناد الرواد

صح لسانك يابعدي

تقبل هدوء مروري

[داعي الشوق]

صح لسااانك مليزن يا عناد

و الحمدلله على السلامه

و عوداً حميداً

شاعر جزل و كبير

ولاهنت يا مبدع

[حوريه]

صح لسانك رائعه ومعبره
دام حرفك ونبضك
تحيتي لك مع التقدير
0
0

[سمّار]

الله الله
شغل كايف وعلم وافي
اشهد انك تغرف من بحر ياراعي هالطاروق وهالابيات
صح لسانك وقلبك
راقت لي الى اقصى الحدود
شكرا ...عناااد