مساجله فلاح بن منشار والمري

[الطامي]

الاخوان والاخوات الكرام
هذه قصيده اسندها لي الاخ العزيز
منصور الوذين المري

ياذيب ياللي من اجبـال السراتـي=وش ولعك في حب بيض الغناديـر
شوري عليك ان كان تسمع وصاتي=خل العذارى ماورى طردهـم خيـر
كم من مولع فـي هواهـم وماتـي=في مامضى قبل البُكـل والمناكيـر
وانذرك خوفٍ انك تسوي سواتـي=اسنين يومٍ الجمـل تـوه اصغيـر
عاد الهوى عذري بكـل الصفاتـي=مايقصر الخيَـر ولا ينهـق العيـر
وعاد الهوى لـه لـذة واحسناتـي=وحبٍ على زيـن النبـا والتعابيـر
وعاد العـذارى بخدرهـم للمماتـي=وان صاح صياح الضحى فعلهم غير
تطـوَح اللثمـه وتُرمـى العباتـي=وينخون ياستر العـذارى الغناديـر
اواه ياعـوامٍ مضـت ليـت تاتـي=وتشوف ماشفنا وهـاذي التغاييـر
""""""""""""""""""""""=وهذا ردي =""""""""""""""""""""""""""""
يامرحبـا واعلومنـا اميسراتـي=عداد من يمشي ويسمع غناء دير
يالمري اسمع للخبر من قصاتـي=والبحر كم فوقه تسيرالمواخيـر
ياصاحبي ليس الهوى من سماتي=ولا نفخنا له كباقي البشـر كيـر
ماغير قلبي يعشق الهمس واتـي=ساعة صفاء للروح بين المغاتير
ارتاح بين الخطـر المنصفاتـي=وان كان هذا ذنب فاهج المناعير
وماني من الي يرمي المحصناتي=لو تختلف ياشيخ كـل المعاييـر
شجون قلبي عنـدي امكمماتـي=والساقيه ماعـاد تحتـاج تبغيـر
ادري العذارى بعظهـنّ العباتـي=وش حيلت المفتون بين المقادير
اطلب مـن الله ياتقبـل صلاتـي=ويحسن لنا بالخاتمه منتهى السير

فلاح بن منشار

[خالد العمري]

منصور المري + فلاح بن منشار

لازلت أقول بأعلى صوتي أنكم شعلة المنتدى

رعاكم المولى عز وجل وحفظكم لأحبابكم

وصح السنتكم

[الطامي]

دمت يالعمري سالما غانما
شكرا على مرورك

منصور صح لسانك ،،،، وماتخلي سوالفك ..

ياذيب ياللي من اجبـال السراتـي ** وش ولعك في حب بيض الغناديـر

فلاح بن منشار صح الله لسانك ..

ماغير قلبي يعشق الهمـس واتـي ** ساعة صفاء للروح بين المغاتيـر

اي المغاتير يابن منشار تقصد ....؟؟؟ ههههههه

اقول القلوب خضراء اللون الله يجعلكم من سكانها والساعين بالجنة

[الطامي]

عاشق
لاهنت
وشكرا على المداعبه والمرور

[محمد الأحمري]

جمال رائع وجزالة فائقة
بكل صراحه اهنييييييكم على هذه الابيات
صح لسانكم مليووووون
وبيض الله وجيهكم
تحياتي لكم

[الطامي]

محمد الأحمري
صح بدنك
شكرا لطلتك
لاهنت

[زهرة اللوتس]

صحت السنتكم
مبدعين لاهنتم
جزلة من راس جزل
الطامي
تحية طيبة

[الطامي]

زهره
صح بدنك
وشكرا لمرورك
لاهنتي

[سعد الشقحاء]

صحت السنتكم
ابداع لا هنتم