صوت--وصدى

[نايض محمد الرشيدي]

صوت وصدى

قصيده موجهه لي من الشاعر

محمد عبدالله الرشيدي
-
-

عود الليل عقبك سرمدين يهاب=لا صفالي ونيس ولا غفالي جفن
يابوفايز ولفت الهم والإكتئاب =مثل ماتالف الورقا ظلال الغصن
ضاق صدر السحاب وطال ليل الغياب=والدقايق عقب مارحت حقبة زمن
من يلوم العدود إن شح كف السحاب =من يلوم الغريب اللي مفارق وطن
كن بيني وبين الهم حلف وكتاب=لين بين نحولي والعروق نشفن
كيف ابدل مسابيقي بروس الهضاب=لو دفعت السنين اللي بقت لي ثمن
سقت عيس النجايب بين مخلب وناب=مالحقني ملام ولا لحقني جبن
ماوردت الهماج آرد رسوس الذياب=لين فج العضود من القراح ارتون
كان ماشفن غليلي علهن للذهاب=جعلها فراق من لفو عليه الكفن
والأماني مضامي والتمني سراب=والتباريح ليل" ساد فيه الشجن

الرد على الشاعر الكبير محمد الرشيدي

واتمنى ان اكون وفقت بالرد ورضاكم ولكم تحياتي

-
-

عود الليل بعد الجرح ماقلت طاب=وحرك الليل هجسن مع سواده سرن
مرمساتن بقلبي يوم عهدالشباب=كل ماقلت راحن عودن ورجعن
المعاليق منهن يامحمد خراب=وقشرالايام مني وش بقاماخذن
ماحوته المحاني مودعاته ذهاب=ياوسيع المعرفه بالفؤاد اسكنن
ونت سقت البيوت وعجت كلالرقاب=كل كلمه لها معنى مكان وزمن
سقتهن بين نيشان الخطا والصواب=لين طاعن وجنك وستحن وخضعن
أكفخ وحلق وماكرك روس الهضاب=وش على الريح لوما يشتهن السفن
وكل شمسن تبا تشرق وراها الغياب=وطبع الايام تدري لاخذن ماعطن
وانت وافي خصايل ياعزيزالجناب=ونت دكتور شعر القافيه والوزن
خل مشيك سنود ولاتهاب الصعاب= اعسف المهره الصعبه وعنالرسن
اكسب التجربه والاوله ماتعاب=واعتبر قمتك ليه وترفع وطن

[الطائر المهاجر]

صوت وصدى من شاعرين كبيرين
صح لسانك ولسان محمد
ولاهانت روسكم
جزاله وقوة وابداع
تحياتي

[عبير الورد]

الله عليكم شعرائنا المبدعين


صحت السنتكم ولاهنتو

[عبدالرحمن الصباح]

صوت وصدى رائعين من شعار كبار صح السانك والسانه ا عجابي وتقديري

[حي الضمير]

ابدعت كما ابدع صاحبك
وصوت وصدى رائعين
ومدد صح لسااااااانك

[زهرة اللوتس]

سلمت وصح لسانك
لاهنت
جزلة من جزل
تحية طيبه

[عبدالعزيز ابراهيم المنصور]

نايض الرشيدي
حقيقة شاعر ممتع
صوت وصدى رائعين
سلمتم ودمتم
دمتم بخير

[الـزلـزال]

نايض الرشيدي

صوت وصدى في قمة الروعه

من شاعرين رائعين ومتميزين

أبدعت غالينا في صداك كما أبدع محمد الشيدي في صوته

دمت ودام حرفك الرائع

صح لسانك ملايين ملايين ولسان محمد

تقبل فائق تحياتي وتقديري

[داعي الشوق]

صوت وصدى رائعين

من شاعرين كبيرين

صح لسانك ولسان محمد

و مشكوور يا نايض على اطلاعنا لها

ولاهنت

*************

[همس الورد]

صح لساااااانك مليووووووون

و صح بدنك

بووووووووح رائع

تحيتي و تقديري