وجّهت من ضيقة ٍ بالصدر عصريّة

[شجاع عمر الأكلبي]

وجّهت من ضيقة ٍ بالصدر عصريّة=أدور علاجها في صحصح ٍ خالي
من فوق شاص ٍ من خيار البريميّة=شاريه من حُر مالي نقد بريالي
ماجا عطيّة ولا من الغير عاريّة=ومن الشحاذة وأهلها تكرم سبالي
وجهتبه والتوانك فل ممليّة=ومكمل ٍ عزبتي بالمر والحالي
وعن البشر رحت في دار ٍ خلاويّة=وأبعدت عن ذبذبة الإرسال جوّالي
ووقفت في ديرة ٍ بالوبل مسقيّة=على يميني الضنط والباطن شمالي
وشبيت ضوّي لكيف الرأس بريّة=ضو ٍ حطبها حطبته جزل وجلالي
ونزّلت لي من خيار الفرش زوليّة=وفرشتها عكس صفق الساعر الصالي
والشنطة اللي من الأغراض ممليّة=الكيف فيها وفيها كل معمالي
وقننت ماء دلتي في وسط خمريّة=من صنع بغداد جت مع من جلبهالي
وجذبت جمر ٍ من أسفل ناري الحيّة=وفرشته لدلتي تقطع بالإمهالي
وقربت نجر ٍ قديم ٍ صنع سوريّة=لاسمعه اللي حزين يون ويلالي
ودقيت به قفرة الكيف الخليطيّة=مابين هيل ٍ وعود وقرف سنغالي
وقربت من تمر بيشة نوع صفريّة=وقدعت سبع وعددها وتر فنجالي
وبعد العشا طاب لي لعب الهجينيّة=ونظمت سبعة عشر بيت ٍ على الآلي
ذي ونستي لاحصل بالصدر تكيّة=أروح في صحصح ٍ ماغير أنا لحالي
تحتدني للخلا نفسي الشقاويّة=واللي بينقد عليّه ماله ومالي

الضنط المذكور بالقصيدة جبل علم يقع في المهمل بين بيشة ووادي الدواسر

[مجدي صالح المبارك]

الشاعر القدير (شجاع عمر الأكلبي ) يالله عليك ياشيخ على هذه القصيدة الباسقة المترفة بجمال الحرف وروعته , صح لسانك اخي الكريم ودمت بكل خير .

[محمد عبدالله البدراني]

شجاع الاكلبي

سلمه الله


الله عليك عزالله قلت واجزلت


ولايمك عمى


يابو عمر



مليون مليون صح السانك


وعلا شانك



تحيتي وتقديري

[الطامي]

شجاع الأكلبي
صح السانك وبنانك
وافية وطيبه كصاحبها
شكرا لك
ولاهنت

[عذب القوافي]

الجزل / شجاع الأكلبي

صح لسانك

نص جميل من شاعر حاضر

لله درك من مبدع

تقديري ,,,,,,

[عبدالرحمن بن زهير]

صح لسانك يالاكلبي ملايين عزالله اني دخلت جو مع الابيات هذي... جزله وشاعرها جزل ومميز..تحياتي..

[داعي الشوق]

ووقفت في ديرة ٍ ( بالوبـل ) مسقيّـة = على يميني الضنط والباطن شمالـي

،،،،،،،،،،،،،،،،،،،



صح لسانك يالشاعر الرائع شجاع

أبدعت في الوصف و التصوير بشكل رائع

كـ عادتك دائما

صح لسانك مع التقدير لك

،،،،،،،،،،،،،،،،

[عبدالله راشد الثويني]

الغالي شاعرنا المميز والمُبدع دائماً / شجاع عمر الأكلبي
صح لسانك مليون ولا يكفون نص وافي وجزززل من شاعر متمكن
أتحفتنا بهذه الرائعه الله يعطيك العافيه
طامعين بجديدك
تقبل وُدي

[همس الورد]

الشاعر شجاع الاكلبي

قصيدة رائعة

صح لسانك شاعرنا و بيض الله وجهك

تحيتي و تقديري

شجاع الاكلبي

صح صح الساانك مدد بلا عدد

قلت واجزلت كالعاده

ابداع غير مستغرب عليك

سلمت