ودي مثل غيري ..احب داري(بالصوت)

[الطائر المهاجر]

ودي مثل غيري يجمّد شعوره= واكتب قصيد الحب للي يحبون
واترك قصيدٍ مبعداتٍ بحوره= واساير التيّار في موج مضمون
لكن قلبي ما يطيع المشوره= مهما احاول مايبي تقل مشطون
يحب داره في الغياب وحضوره= ولوهو عطاها الروح لازال مديون
حبي لها ماهوب نزوه وفوره= ولاني من اللي بالمحبه يغنون
تسكن بقلبي ما سكه في جذوره= حتى مع النبضات تجري على هون
احبها والحب عند الضروره= يفرض على العشاق ما تخفي شجون
وقلبي يحسسني بواضح قصوره= لو ما يحس بحالة اللي يعانون
يضيق صدري ويتكدر سروره = لا من دريت ببعض ماهم يكنون
لا نيب مظلومٍ بقلبي حروره= ولا نيب جوعانٍ ولا نيب مديون
اخذت من حلواتها والمروره= وعرفت معنى الفقر واللي يجوعون
فاضطر اكتب وانقل بصدق صوره= عن واقعٍ منه المساكين يشكون
انخي صقورٍ في المواقف غيوره= معروفةٍ بالفعل ..ماهو يقولون
تعرف اصيل الشعر ما كان دوره = مثل المرايه تعكس الشكل واللون
ينقل صور لاهل الفكر والمشوره= عن حالة اللي بالفقر دوم مطحون
من عاطل يشكي من الوقت جوره= ومن أرمله بزرانها دوم يبكون
وعن طالب محدٍ جبر في كسوره=يحرم وغيره دون مجموع يمشون
وعن اجنبي متستّرٍ خلف عوره= يعطيه الف ويبلع الاف مليون
حتى المشافي ضفها في بحوره= من دون تسعيره ولا فاتح عيون
يلعب على كيفه فلا من خطوره= ولا من شبع بيح من الحقد مكنون
وعن فاسد من دون تدهن سيوره= لا شي يمشي لو يوافق لقانون
وعن تاجر الممنوع ينشر شروره= دمّر عباد الله من دون يدرون
ومن حق داري نكشف اللي ستوره= تثّر على مجدٍ له رجال يبنون
ومن حقها تسمع حروفٍ غيوره= فحبٍّ بلا غيره تماثيل ولحون
واجمل ورود الحب وافضل زهوره= إنك تحب بصدق في الحب مفتون

[الأموره]

الله الله ،،

يا سلام على زين هالمنطوق ،،

صح لسانك و دام نبضك ،،

الف شكر لك يالشاعر ،،

دمت برعاية الخالق ،،

[عبدالرحمن الصباح]

ومن حقها تسمع حروف غيوره=====فحب بلا غيره تماثيل والحون
واجمل ورود الحب وافضل ازهوره===انك تحب بصدق في الحب مفتون
دكتور في ذمتي انك مبدع صح السانك مليار ولاتكفي رائعه من الروائع تقبل ودي وتقديري استاذي

[الطائر المهاجر]

شكرا للفاضلة الأموره
على كريم الحضور والمتابعه
لاهنتي
تحياتي

[داعي الشوق]

الله الله يا بو عبدالله

قمة في الجمال

و المعنى و المبنى و الموضوع

صح لسآآآآآآنك مدد بلا عدد

و لاهنت يا طائرنا المحبوب

صح لسانك مرة ثانية

تحيتي لك

دكتورنا الرائع /عثمان العبدالله

الله الله

صح لسانك ملايين

عندما يكون الشعر هادف يرتقي سموه وقد ابدعت وطلبت من الجميع التفاعل في قضايا تخص الوطن اولاً ثم المواطن ثانيناً اشكرك من الاعماق علي طرح مثل هذه الافكار والمواضيع القيمه وانت دائماً سباق لمثل ذالك ومثال لا بناء الوطن البرره


لاهنت

تقبل أصدق الود

[الطامي]

الطائر
صح السانك وبنانك
جزلة من جزل
اكتب ولاعليك استاذي
لاهنت

[صعبة المنال]

دوم لك خضور وطروووح تلمس اعمااااااااااااااااااااااااااا اق ذاتى

لله درك


صح نبضك وحرفك ولسااانك


صعوووب

[نجم الإبداع]

ايو الله يابو عبدالله

صدقت

وصح لسانك وفكرك

لاهنت


تقبل مروري

وتقديري

[سعد الشقحاء]

صح لسانك
واعتلا شانك