( حبة الخال )

[احمد الجريفاني]

(حبة الخال ) صورها حسين الدلال=وارسله مع صور اخرى لنور العيون
يحسب ارسالها للناس عادي حلال=من يرده تصرف في حلاله يمون
باقيه عام با الجوال تطرح سوال=يا مره صورتك وشلون عندك تهون؟
ليش تبقى سجينه وانتي بخير حال=ليش تبقى حزينه وانتي بغير كون
ترسلينه ورقمك ما يبي له جدال=واضحن مثل عين الشمس يعم العيون
ما تخافين ! ما يوجد ببيتك رجال؟=وش تقولين لقرابك اذا يعرفون؟
لا بدأ الشخص (يبتزك) وصابك هبال=هددك لين ياصل بك لحد الجنون
عندها وش قرارك ما يبي منك مال=وان رجيتيه خف ربك خبرتك حنون
كيف ترضى لي الذله وسوء المآل=مالك اخوات يمكن مثلي يبهذلون
جاوب : السبه انتي ما مشيتي عدآل=ذا جزا البنت لاصارت لعهده تخون

[الطائر المهاجر]

الحمد لله على السلامه
وحياك ربك
صح لسانك وقلبك
جزل ومتجدد الإبداع
ودائماً تتحفنا بالدرر
لاهان راسك
مع أطيب تحياتي

[نجم الإبداع]

حجزززززززززززززززززززززززززززز زززز

ولي عوده

لاهنت

[أم ريما]

كيف ترضى لي الذله وسوء المـآل

مالك اخوات يمكن مثلـي يبهذلـون

جاوب : السبه انتي ما مشيتي عدآل

ذا جزا البنت لاصارت لعهده تخـون

صح لسانك

قصيده جميله

يعطيك الف عافيه

ولاهنت ...

[عبدالله راشد الثويني]

الله عليك يالوافي
دائماً تحمل بداخلك هموم المجتمع وتتحفنا بأبيات لا يملّ قارءها
صح لسانك مليون ولا يكفون ولا تطوّل الغيبه ياعزوتي
طامعين بجديدك دائماً
تقبـّـل تحيتي

[منصور العبدالله]

صح لسانك يالجريفانى


وحياك اللخ بعودتك الجميله والرائعه


عبر لمن يعتبر

[بدر الحافي]

صح لسااانك

وفعلا مشكلة اجتماعية ناقشتها بافضل صورة

تحياتي لك

[اتبع خطاي]

صح لسانك

طرح رائع

[الـزلـزال]

احمد الجريفاني

بوح رائع وجميل

من شاعر متميز ورائع في بوحه

ابدعت وأمتعت شاعرنا رعاك الله

دمت ودام بوحك

صح لسانك ملايين ملايين

ولك فائق تحياتي وتقديري

[حمود السكراني]

قصيدة رائعة وهادفة صح لسانك