في زمان تغير ضعت في المعمعه(بالصوت)

[الطائر المهاجر]

في زمان تغيّر ضعت في المعمعه = بين فكرٍ تزمّت وآخرٍ بانحلال
وبين خادع منافق لغز ما ترمعه = له وجيهٍ كثيره خادعه للرجال
ذاك لو هو تزمّت يعرفه من معه= طيب القلب فاهم دنيته والمآل
البلى من ترهبل ولْبس الأقنعه = يظهر الدين لكن عايشٍ باحتيال
مستغلٍ لوضعه والزمن لمّعه = لو يحلّل حرامٍ قيل ماله مثال
ولو تناقش كأنك قاصدٍ تلذعه = ينبري لك هجوم ولا يجيب السؤال
ولو تقول المطوع طاح في مخمعه= قيل قولك حرام وعنه يومٍ تسال
استمع لاتناقش واللسان ابلعه = فلحمهم فيه سم ولو خطوا بالفعال
يعني إنك تحوّل منشفه وامّعه= تقبل اللي يقولوا لو عرفته خمال
وان تجادل يحطوا وصف ما اقذعه= فانت ملحد وعلماني وقتلك حلال
ما كأن الشهاده فوق هالأربعه= تمنع اللي يدوّر وصف بالإفتعال
رهبنه جت دخيله بابها ما اوسعه= وشرع ربي رفضها مايبي له جدال
ما يقر التوسط ولا اعترف بشفعه = غير للي بعثه الله يمحي الضلال
من ترهبل فحنا بالجهل نصنعه = لو تركناه وحده ما لقى له مجال
راح وقت الترهبل والزمان اقشعه = وان بقى به بقايا تنتهي للزوال
ديننا للجميع وكلنا نتبعه = ما نبي من يتاجر طامعٍ بالنوال
فالوطن شرعه الإسلام ما ضيّعه = فيه مجلس قضاء وافتاء بكل الكمال
ما يقولون خذنا وما نهوا نمنعه = وغيرهم ما نبي فتواه بين الرجال
ومن وضح بانحلاله لو تطول اذرعه= خاسرٍ في النهايه لو يطول المطال
مثل هذا تأمرك والعدو اصنعه = صار عبدٍ ذليلٍ ينشرى بالريال
صك باب الضمير وتربسه وشمعه = وطار يلهث وراهم من يمين وشمال
لاتحسف على مثله وذا مطمعه = لو وصل للثريا ينفصخ كالنعال
والخطر من منافق يعجبك مسمعه = باع دينه بدنيا لاجل جاهٍ ومال
مثل هذا المصالح لو معك تجمعه = احذره ثم حاذر لو رخى للحبال
كل همه بنفسه والجشع شجعه= مستعدٍ يبيعك لا لقى بك مجال
اتركه عنك وابعد لا تجي موقعه= مقعدك معه نقص وفي النهايه وبال
ودوّر اللي بقلبه دين ما دنّعه = نظرةٍ للدراهم في الخطب والمقال
لا بخصته عرفته رجل ما اسنعه = ماشي في حياته في الوسط باعتدال
ينصحك من ضميره لو خسر مامعه= يرجي الله ولا غيره وحسن المآل

[إستبرق]

النفاق وما أدراكـ ما النفاق

صفــة تحيا بأعماق من لا ضمير له

إشتقت لأبـداعـآتكـ إستـآذي ..

فأتيت مسرعـة لأستمتع بلوحـآتكـ

نــص لا يسطـره أحـداً سـوآكـ ..

لا فض فوكـ ودمـت بأمـان وإطمئنـان ..



إستبرق

[الطائر المهاجر]

شكرا للفاضلة استبرق
على كريم الحضور والتفاعل
لاهنتي
تحياتي

[الـزلـزال]

والخطر من منافق يعجبك مسمعـه=باع دينه بدنيا لاجـل جـاهٍ ومـال
مثل هذا المصالح لو معك تجمعـه=احذره ثم حاذر لو رخـى للحبـال

الطائر المهاجر



قصيده محكمة في توجيهها وحكمها



من شاعر متميز وراقي في كل مايقدمه



حلق طائرنا ولنا الأستمتاع بتحليقك الشعري



صح لسانك ملايين ملايين



ولك فائق تحياتي وتقديري

الطاائر المهاجر

صح السااانك مدد بلا عدد

شاعر مبدع بكل حالاته

اغلب قصاائده لا تكتب الا لهدف

يلامس واقع النااس ويجلوو تسائلاتهم

لا نملك الا ان نقول سلمت لنا

ولله درررررررررررررك على هذه الدرر

سلمت ودمت

[حوريه]

الطااائر المهاااااجر

صح لساااانك واحسااااسك

قصيده جزله من شااااعر جزل

لاهنت ولاهاااان مغليك


.

[دايود صالح الخلف]

ابو عبدالله

لا شك اننا في هذا الوقت
نعاني ممن هم ظمن هذه الفئه
الذين يأتون بما هو ضد الدين
من اجل مآربهم هم !!
ولاكثر الله امثالهم
صح لسانك ولاهنت
ابداعت كالعاده

[حرف وشعر]

الله يابوعبدالله

يسعدني ات اصبج

علي هذه الدره

النفيسه

دمت ودام

بوحك ايها

الميمون

ردي

[مبروك بن ماضي]

استاذنا القدير وشاعرنا العلم
الدكنور / عثمان العبدالله
صح السان وجاد البيان
لايزال الشعر بخير طالما مثلك يكتبه
لا أذكر اني دخلت متصفحك ولم أخرج بفائدة
وكنت ولازلت ذلك التلميذ الذي يغتنم فرصة نزول
اي نص شعري جديد لك ليسعد بحضور
ولو حصة واحده في مدرستك الشعرية الظافره
سجل اعجابي الممتد لسمو حرفك بلا حد
وتفضل بقبول تحياتي واسمى الاعتبار ،

[عذب القوافي]

صح لسانك

نص وافي

من وافي

لله درك أبوعبدالله

تقديري ,,,,,,