العلامه واضحه فوق الجبين

[ساهر الليل]

يانـعـيـم الـعــود صـمـتـك يشـتـكـيـك=والعيـون السـود والرمـش الحسيـن
يوم طاب الكيف ذاب الشوق فيك=والعبـايـر تـخـنـق الـوجــد الـحـزيـن
رغـــم مـادويــت قـلـبــي! مـشـتـريـك=ماقدرت انسى غرامك واستكين
وانت طبعك بالـوفــا مــالــك شــريــك=والعـلامـه واضـحـه فـــوق الجـبـيـن
الحـلـى والـزيـن مــن لمـسـة يـديـك=والسـنـا والــذوق والـحـرف المبـيـن
مـن يـلـوم القـلـب لاسلـهـم علـيـك!=جــعــل قـلـبــه مـاتـداويــه الـسـنـيــن
كـــــل آهـــاتـــي ومـافـيــنــي يــبــيــك= ليه ؟ قلبك ياحبيبي مايلين
آه ! مـن جـرحٍ طــرى مـنّـك والـيـك=وانــت تستـاهـل جـروحـي والانـيــن
خُذ بـقـايـا الـعـمـر يا روحــي تـجـيـك=ميـر لاتقسـى تــرى جـرحـي مكـيـن

[الطائر المهاجر]

جزل ومبدع
صح لسانك
ولاهان راسك
تحيتي واحترامي

[الطامي]

ساهر
صح السانك
ابداع متجدد
لاهنت

[منيع]

مبدع ورائع
تسلم ياساهر الليل
تحياتي لكم

[نجم الإبداع]

صح لسانك وقلبك العاشق

تقبل مروري

وتقديري

[داعي الشوق]

رائعه و مميزه بالعلامه فوق الجبين

وأبداع متناهي و ذآئقه أروع

صح لسانك مليون ولا يكفون يا بو نواف

ولاهنت

[ساهر الليل]

ارحب يابو عبد الله

والابداع حضوورك الرائع

كل الشكر والتقدير على كرم المرور

صااااااادق التقدير

[ساهر الليل]

الطااامي

كل الشكر على كرم المرور

تحيااتي وودي

[ساهر الليل]

منيع

شكرا لطيب المرور

وكرم الحضور

صادق الود

[ساهر الليل]

نجم الابداع

صح بدنك ولاهان راسك

كل الشكر على كريم المرور