عش حياتك

[عمر ال شيبي]

عش حياتك

عش حياتك لا تخون النفس لا جتكم رحاب=عقب بسمه واهناتك ماهقيت انك تخون
فيهَاْ سحر ٍ من جنون ٍ فيهاْ شوق ٍ من سحاب=فيها ما يمطر حنين ٍ بلسم ٍ يذهب شجون
هذه ِ رقه من جناين عطرها نفح الحُباب=للنّفس والروق مبخر كنها مسٍ حنون
في ساعات ٍ لا هبات ٍ لا طفحت مْن الصّعاب=خاضعات لاعبات مازحات ٌ في ذهون
غاب فيها فكر صامد تايه ٍ ابلا حساب=عند ما تسهر قبيلك تنفرد ليها سكون
ترقب النظره دخيلك من نواثرها لهاب =كيف انه يستميتك لا بديته في عيون
غمزها يرسل حنينه وجنة ٍ ترسل كتاب=هالله هالله من عذيبه هالله هالله من فتون
اسحرتني في دهاها ريحها مسك الخضاب =تنعش الاموات ساعه من شذاها نسكرون
خلخلت خلخال خلخل لا خَلَت خلّت رقاب =تسرق الاوقات خلسه في حلاها نسحرون
في زواريب المتاهه صيدها طقٍ لطاب=لا عرفته ولا عرفني بس احكم في جنون
عقل ما عادّه يقاوم ياالنحر نبضك ضباب=كيف انك في حياتي فاردا حلوه المتون
نحتظن همٍ سرابك مثل ظميان السراب =ما نويت الغزو اكثر في وسط صدرك نكون
بين غاف ٍ بين غاف ٍ من حلا كيف الجواب =اهبط ادراج ٍ قليله من رخا شد المزون
زانت الفكر بهواجس اقربت فيني اعتصاب=ودها يرسل حريكه من وسط هز الغصون
اهِ ياني من الموسيقى لا طرب جتني وهاب=تفرد السيقان غلوه لا سقت خالي المعون
كيف اني من بعيد ٍ جالس ويا صحاب=احرقوني في تفاهه لا شقيت من المجون
هاالله هالله يا زماني كاسة ٌ ابها ذهاب =للعقل ساعة ثماله عقبها راس اصدعون
من خطاوي شب جاهل ما عنيت الا الشباب=الله يرحم جدي لاْول من نصايح حذّرون
عندما كنت برحيبه قال اوعى من الهباب =احذر اعيال الندامه تقربن فيكم دهون
لاتجالسهم دقيقه شيطنه فيهم رغاب =عند ليلى وعن دليله وهيفا فيها يمدحون
والشّرب في حضره زينه من عواقبها عذاب=لا نويت انك تصاحب رافق اعيال ٍ تمون
من على صحب ٍ نقاوه خوفة الله لك نصاب =عدّهم ارجال خيره في حواريك اشجعون
لا نهوك من اللغاوه عدّهم زين الجناب =كاتمين السر كلّه في بحركم يسبحون
والخفا مره حقيقه بين اثنين السّباب =للاصل والطيب مكسب في ذراعك يحكمون
للحِكاك من البراهن تجربة جدك جراب=احكم العقل بجرابك في صدر لا تنتهون
خذها منّي يا وليدي واحفظه كنّه خطاب =لا تظن ان المهاقي تسعد النار بظنون
لو مشيت اليوم تكبر تفتكر ساعة سكاب =من دموع ٍ في عيونك مالحاتٍ لا نسون
فانتعش لحظه بلحظه وادرس الامر خُباب = بين نفسك واظميرك بينكم حق الدفون
وارتقب نظرة نجمكم في سماكم ودّ ناب = عني عن باقي الخواتم في لحيظات العفون
واختم القول بشهاده من كلام الزين حاب = عا رسول الله عزه في سلام الله يكون

[حوريه]

فـانـتـعــش لـحــظــه بـلـحـظــه وادرس الامـــــر خُـــبـــاب
بـــيـــن نــفــســك وضـمــيــرك بـيـنــكــم حــــــق الـــدفـــون

قصيده تفوق الوصف بالجمال
صح لسانك يا الشاعر
ودام احساسك
تقديري لك

[الخنساء]

صح لسانك مليوووووون ولايكفون

قصيدة جزلة من شاعر متمكن

سلمت ودام حرفك

[عبدالله الشويمان]

الاخ عمر

صح السانك صح السانك

قصيده جزله ولا يجيب الجزل الا الجزل..

لاهنت لاهنت

دمت بخير وصحه وسلامه.

[فارس القوافي]

ارررحب ياعمر

صح لسانك

لاهنت يالشيخ

يعطيك العافية


دمت بخير

[منيع]

ابيات اكثر من رائعة
تسلم ياعمر
تحياتي لكم

[عبير الورد]

صح لسااااانك ويعطيك العافية

[عبدالمحسن الرحمه]

اسحرتني في دهاها ريحها مسـك الخضـاب
تنعش الاموات ساعه من شذاهـا نسكـرون
خلخلت خلخال خلخل لا خَلَـت خلّـت رقـاب
تسرق الاوقات خلسه في حلاهـا نسحـرون


الله الله صح السانك على هذي الشامخة تسلم ويسلم منطوقك

[خيالة الشعر]

شاعرنا لمتألق
ولا زلت اقرأ لك بطريقتك واستمتع بقصائدك
لك طريقة لا يملكها سواك
صح لسانك مدد بلا عدد
لاعدمناك

[عمر ال شيبي]

المشاركة الأصلية كتبت بواسطة حوريه

فـانـتـعــش لـحــظــه بـلـحـظــه وادرس الامـــــر خُـــبـــاب
بـــيـــن نــفــســك وضـمــيــرك بـيـنــكــم حــــــق الـــدفـــون

قصيده تفوق الوصف بالجمال
صح لسانك يا الشاعر
ودام احساسك
تقديري لك

صح قلبك اختي وهلابك دوم