صبح المطر بعدكم طاحت منابرنا

[عبدالمحسن الرحمه]

من جديدي

صبح المطر بعدكم طاحت منابرنا
حتى الشقى طول غيبتكم معنينا
والحين طاح الحطب يومك منورنا
وعم الفرح يارفيع الشان كاسينا
والله نعجز نوصف لك مشاعرنا
ياللي غلاتك رست بك في مراسينا
صبح المطر ما تغيرنا و خابرنا
نحفظ حقوق الوفاء هذي مبادينا
تدري وش اللي بعد غيبتك جابرنا
اسمك بقسم الشعر دايم مهدينا
صبح المطر جازلي نظمك وساحرنا
جزل المعاني حكيم الراي راوينا
أرجوك تكفى طلبتك لا تهاجرنا
خلك على قمة ابداعك تحاكينا
أنت الأمير وانت بالقسم شاعرنا
يعني مرورك على شعري يكفينا
وقتك حداكم وحنا الوقت ساطرنا
كلن بحكم الولي يا صبح راضينا
أحدن يقدر مشاغلنا و عاذرنا
واحدن كثير الشره صعبة يراضينا
الله من شي ن بقلبي صدق قاهرنا
أركى مياسيمه على كبدي وكاوينا
بعض البشر تحكم برزة مظاهرنا
تحسب مزون الفرح بالصدر تسقينا
ماتدري عن واهج ن بالليل مسهرنا
حزين مالي سوى ربي يهدينا
يا بو زياد الشعر لا جلك يسامرنا
وكل القوافي تحت أمرك وتاتينا
أرحب هلا يا هلا و هلين تغمرنا
ياللي مكانك تربع في أراضينا
شعرك على دقة الماضي وحاضرنا
يعني صراحة بصدق القول مرضينا
صبح المطر يا عسى ربي يقدرنا
نرد لك طيب مدحك في قوافينا
ياشبه برق ن نشى بالمزن آسرنا
رعادها ساقها بالخير تسقينا
يا منبع الشعر نوقد لك مباخرنا
الموركي طيبها من طبع أهالينا
حنا على جال مرساكم وآمرنا
لنا الفخر طال عمرك يوم تدعينا
من فوق مركب هجوسك زاد متجرنا
ناخذ علوم الشعر منك تنمينا

[الطائر المهاجر]

جزلة من راس جزل
صح لسانك ولا هنت
تحياتي الطيبة

[داعي الشوق]

صح لسانك عبدالمحسن

و يستاهل المدح راعيه

ابدعت ولاهنت و صح لسانك مدد

[منيع]

كل الروعة والابداع
دمت مبدعا
تحياتي لكم

[الطامي]

صح السانك
جزلة وطيبة
شكرا لك

[جهاد الشعلان]

صح لسانك

جميلة وفيها صور شعرية رائعة

تقبل مروري

[عبدالمحسن الرحمه]

المشاركة الأصلية كتبت بواسطة الطائر المهاجر

جزلة من راس جزل
صح لسانك ولا هنت
تحياتي الطيبة

ياهلا بالدكتور الجزالة حضورك سيدي عثمان
الله يبارك فيك
وصح الله ابدنك

[عبدالمحسن الرحمه]

داعي الشوق
عسا ربي يدعيك من باب الفردوس الأعلى بالجنة
بارك الله فيك على هذا الحضور
وصح الله ابدنك

[عبدالمحسن الرحمه]

منيع الروعه تواجدك سيدي
في متصفحي
وصح الله ابدنك

[عبدالمحسن الرحمه]

الطامي طاب أصلك ياسيدي
كل الشكر على الحضور
وصح الله ابدنك