خط القلم بالبوك والحبر خطا

[مشعل التريباني]

بسم الله الرحمن الرحيم
الشاعر\ مشعل عسام التريباني الشمري

(( خط القلم))
خط القلم بالبوك والحــبرخطّا (1) من ضامرٍ فيه القوافـــــــي نشاطـــي

بالمسك والريحان ريحه يعطّا (2) وسط الحروف الطيب ريحه يعاطـــي

اناحمد الله هامتــــــــي ماتوطّا (3) والراس عالــــــي فوق مهو بواطــي

لي بصمةٍ بالشعـــــــرماتنتغطّا (4) اضع على روس الحروف النقاطــي

هاتو ثلاثٍ كنهــــــن لـــون بطّا (5) بيضٍ مهاديفٍ ســــوات البطاطــــي

وامل الكفوف بحب صنعا وحطّا (6) واصحـــى تفكّر ينقص الاحتياطـي

الرزق عنداللــي لك الرزق خطّا (7) رب العباداللـــي بالارزاق احاطـي

الله كتــــب رزقك قـــــبل لاتحطّا (8) وغير التوكل مايحط اشـــــتراطي

حذراك عـن درب الرجوله تحطّا (9) وعــــــن الرجوله لايجيبك تواطي

الحر فــــــي روس الشوامخ ينطّا (10) والبوم دايم بالطمان امتواطـــــي

لوجاك مــن قال انت فعلك مخطّا(11) احذرتسمّع فـــــي كثير الخراطـي

لاتسمع اللــــــــي بالرزاله موطّا (12) يحط له جحرٍ ســـوات الرهاطـي

ويلبد وياجا العصــــر سيّح وقطّا (13) تقول بسٍ شم ريح الشـــــــواطي

وعن المــراجل كن وجهه يصطّا (14) ماهو لجمعات الرجال اختلاطـي

هذاك ودك بالبحــــرله تقــــــــطّا (15) تلعف به الحيتان وسط الشواطي

حيث الرداله فــــــي جبينه محطّا (16) لاكثرالله بالبلاد الســــقاطـــــــي

ليت الردي بين الحـــواجب يشطّا (17) وسمٍ يبين فـــــي جبينه مساطــي

وليت الــردي ماله بنجدٍ محــــطّا (18)الناشف اللـــــي خبزته ماتهاطــي

شومـــــــن عنه يالابسات المغطّا (19) شومن عنه يالابسات المغاطــــي

الــــرس نبعه ماروي منه قـــــطّا (20) والماس ماتوصف عليه القواطـي

[عاشقة السحاب]

صح لسانك وحرفك

عاشقة

[داعي الشوق]

صح لسانك و طاب حالك مشعل التريباني

قصيدة كايفه ووافيه و جزله و شاعرها كايف و جزل

صح لسانك و اعتلا شانك

ولاهنت

[الطائر المهاجر]

جزله من راس جزل
صح لسانك واعتلى شأنك
ولاهنت
تحيتي واحترامي

[الطامي]

التريباني
ياسلام عليك
ابداع وتمييز لافض فوك
شكرا لك

[مشعل التريباني]

عاشقة السحاب
داعي الشوق
الطائر المهاجر
الطامي
شكرالكم جميعا على المرور والاطرى الله لايهينكم

[الـزلـزال]

مشعل التريباني

نص مميز ومتقن وجزل
من شاعر عودنا على تميز حروف شعره وروعتها
أبدعت وأمتعت شاعرنا المميز
دمت بكل الخير ودام حرفك الراقي

صح لسانك ملايين ملايين

تقبل فائق تحياتي وتقديري

[هترل]

صح لسانك يامشعل مدد
جزله من راس جزل لاهنت

ودي ,,

[محمد بن عمار]

أخوي/ مشعل
صح قلبك وفكرك وإحساسك ،،،
ولاهان غاليك رعاك المولى
تحيتي وتقديري لتألقك

[منيع]

نص مميز من شاعر متألق دائما
تحياتي لكم