يابو فايز قرب لبوقت جعلك ماتهون

[مشعل التريباني]

بسم الله الرجمن الرحيم
الشاعر\ مشعل عسام التريباني الشمري
هذه القصيده كتبتها على لسان اخوي نهير بن عسام التريباني الشمري
وابو فايز هو قايده المباشر حيث ان المذكور يبي يتقاعد بشهر7القادم قلت ابي اكتب به قصيده على لسانك غديه يعفيك من تالي الاشهر الباقيه والى القصيده
((يابو فايز))في 19\12\1433هـ

يابو فايز قــرّب الوقـــت جعلك ماتهـــون(1)مابقي دون التقاعد سوى الشـــــــي القليل

طالبك من باقــــي الوقت عنـــي تسمحون(2)وانتم اهل الطيب وانتم هلا الفعل الجميل

وانتم اللـــي يا الهـــواجــرتســـدون الديون(3)يوم ولد اللاش تقصر يديه عــــن الجزيل

وانتم اللــــي بكســـــب المراجل تفرحــون(4)وانتم اللــــــــي عمركم ماذكرفيكم بخيل

وانتم اللي تطلقون السجـين مــــن السجون(5)وانتم اللـــي كا العسل يشفي الجسم العلـيل

وانتم اللـــــــــي حــــزتو الطيّبه يالطيبون(6)وانتم اللــــــي طيبكم ورث جيلٍ بعدجيل

وانتم اللــي تكــــرمون الخوي يالمكرمون(7)للخـــوي مثل الغذى ينعش الجسم الهزيل

وانتم اللــــــــــــي لكسب المراجل تتعبون(8)طـــيبكم توصف به الناس كا النجم الدليل

يالحصان الوافي الذرب ياحصن الحصون(9)يا الهمام الصاطــــــي الفذ يازبن الدخيل

يالاســــــــد ياالنمريالهول ياغيث المزون(10)ياســـــحاب الوسم يالعون يالظل الظليل

ياعســــــاالاثنين وســـــط النعيم منعمون(11)تحت ظل العرش يسقون مـــي السلسبيل

فكنـــــــــي ياطيب الساس ياموف الديون(12)شــــــــا يبك تعبان والدرب قدامه طويل


والله انـــــــــي منهك الحيل وانتم تعلمون(13)والخطوط اطوال والله وانا شوفي ضئيل


فكنـــــي ياراهـــــي الباع جعلك ماتهون(14)والسلام ختام مع ريح مســــك وريح هيل



وهذه القصيده الاخيره
الشاعر \ مشعل عسام التريباني الشمري
ويوم سمع القصيده قال توكل على الله واسترماواجهك وحنا نقول ماواجهنا الا الزين والطيب الله يبيض وجهك يابو فايز ولايقطعنا من الطيبين امثالك وكتبت هذه الابيات ردثنا بالمذكور لعلها تحوز على رضاه ورضا المستمعين
((بيض الله وجه الهاجري))في 5\1\1434هـ

اشهـــد ان الهاجـــــري ســداللزوم(1) يوم قلنا الشعر به يستاهله

فرخ حرن مــــــاكـره عال الرجوم(2)والـــمراجل واردن مناهله

اشقرن سوّن علـى الصيده جـــزوم(3)كل جـــزلٍ فـي يمينه واهله

صــــيرمين مـن زحازيحن قـــروم(4)والوفا والطـيب ماهو جاهله

ابلجٍ صـــيته صــــــعد يم النـجـــوم(5)دوم كفه للجــــزيله شـــاهله

للخــــــوي با الجاه والفـــزعه يقوم(6)لو طلب منه الكثير اعطاهله

وبا الكرم سهمه مع كبار الســـهـوم(7)والمــــراجل مـا تثقـّل كاهله

هيلعن ضــــرغام صعصيعن عزوم(8)يفرح اللـــــي سابقه عناهله

ارجحـــن للمــرجــــله دايم يهـــــوم(9)والجــــــــزيله سابقه سرّاهله

مايصيد الا الجــزال مـــــن العلوم(10)كل جـزله واضحن مرماهله

يوم ولد اللاش معــــطا ومحــــروم(11)والجــــزيله مايجي مغزاهله

كف ابو فـــايزمحـطـّمت الـــــرقوم(12)كل علمن غانمن مـــــرقاهله

يرتقـــي بالطيب مـــــن فوق الغيوم(13)الخزايز واضحن مـــرماهله

[الطائر المهاجر]

صح لسانك واعتلى شأنك
نص رائع من شاعر رائع
لاهنت
دمت بود

[مشعل التريباني]

اخوي الطائر المهاجر
مرورك شرف لي ووسام اضعه على صدري الله لايهينك

[مشعل الشايقي]

بيض الله وجهك يالسمي

وفيت وكفيت


صح لسانك وعلا شانك



على هذه الروائع


تحيتي وتقديري

[الطامي]

التريباني
صح السانك ملايين
اشهد انه يستاهل اللي قيل فيه واكثر والطيبون نادرين
رائعة جميعها لافض فوك
شكرا لك

[مشعل التريباني]

مشعل الشايقي
الطامي
شكرالكم جميعا على المرورالمشرف الله لايهينكم والممدوح يستاهل الكثير والكثير بيض الله وجهه وكثرالله من امثاله

[عادل بوبدر]

بيض الله وجهك ياقدير
وصح لسانك واعلى الله شانك

[مشعل التريباني]

عادل ابو بدر
شكرا لك على المروروالاطرى الله لايهينك

[عبدالمحسن الرحمه]

صح الله السانك إبداع غير مستغرب منك
شاعرنا المميز الله يزيدك من فضله

[عبدالله الشويمان]

صحت السنكم اثنينكم

صوت وصدى رائعين..

لا هنتو لا هنتو.