وصف البل \لصاحب قصيدة ياسحايب سراة ابها تعدي شمال

[ماجد الزيد]

قصيده في وصف البل
للشـيخ العميد خالد بن حسن بن بليهد الخالدي صاحب قصيدة
ياسحايب سراة ابها تعدي شمال =واستعيري دموعي سيلي كل واد
والتي اتمها بعد إستئذانه الامير الشاعر خالد الفيصل وقد كان بينهم صحبة طويلة
رحمه الله وأسكنه فسيح جناته

يالله فـي نـوٍ مزونـه مزابـيـر=يسقي الدير ويزول عنهـا محلهـا
أمطار خير وكل مـا تنبتـه خيـر=يسيل منها ضلعهـا مـع سهلهـا
نشوف بالديـره زهـور ونواويـر=تكثر بهـا الربلـه ويكثـر نفلهـا
على الغصون الناعمه غـرد الطيـر=كل الدير من فضـل ربـي شملهـا
وتربع البل في حسيـن المخاضيـر=وتزخـرف الريضـان للـي نزلهـا
والبدو تنزل فـي طـوال العثاميـر=وتستقبـل الذيـدان ليـلـه حللها
ذودٍ مجـاهـيـمٍ وذودٍ مغـاتـيـر=والعـز والنومـاس يبـرى لهلهـا
وانا بحـب البـل جبـت التفاكيـر=حيث اني اغليها ولا ابغـى بدلهـا
عندي لها يا نـاس حـبٍ وتقديـر=ارضي من ارضاها ونزعل زعلهـا
سمحات الايدي مبعـدات المشاويـر=ماحافها السرحـان ياكـل هملهـا
وارقابها عـوجٍ اسـواة البواكيـر=ووجوهها سمحـه وربـي عدلهـا
يا زينها وان جات ورود ومصاديـر=يبرى لها الراعـي وتتبـع جملهـا
فيهـا مصاغيـرٍ وفيهـا معاشيـر=وفيهـا اجذعـاتٍ ناجبيـنٍ فحلهـا
وفيها مجاهيمٍ تشـوق المحاضيـر=كبـارٍ مثانيـهـا قلـيـلٍ مثلـهـا
وجيهها مثـل السبـاع المشاهيـر=وعيونها مـن نـور ربـي كحلهـا
والوضح يالأجواد تر شكلهـا غيـر=يا بخت من حظـه قـويٍ حملهـا
الوضح شفـي يالوجيـه المسافيـر=احبهـا والـروح تحمـل عذلـهـا
يازيـن صفتهـا اسـواة الطوابيـر=بيض الخدود مجملـة مـن عزلهـا
اللـي لبنهـا للضيـوف المساييـر=واللي سبرها ما انقطع من نسلهـا
والبل ابها شقحٍ وحمرٍ كمـا الكيـر=كن الشـرار مـوزعٍ مـن غزلهـا
البل عطايا الله وكسـب المناعيـر=ماهي بكسب اللـي حياتـه قتلهـا
مجمع الدنيـا علـى غيـر تدبيـر=يركض وراها مـادرى عـن قبلهـا
مشغول في دنياه ويحـث بالسيـر=متوهـمٍ لـه حاجـةٍ ماوصلـهـا
وصلاة ربي عـد وبـل الشخاتيـر=مـن المـزون اللـي كثيـر هللها
على محمـد نـور الحـق تنويـر=عقب الضلال اهدى البشر عن جهلها

[الطامي]

ماجد الزيد
ماشاء الله عليها مسكته
رحم الله قائلها و
ويسلم لنا ناقلها

[صعبة المنال]

يعطيك العافية

صعوووب

[نفحات حساسة]

مشكور اخوى..ماجد
وصح لسان قايلها

[همس الورد]

يعطيك العافية

اختيار رائع

تحيتي

[حي الضمير]

لاهنت
ومشكور على النقل الرائع

[عالي مستواها]

صح لسانه
يعطيك العافيه على النقل

[نفحات حساسة]

صح السان قايلها.. ورحمه الله
ويعطيك العافيه على حسن اختيارك
تحياتى..

[البديعي]

مشكور
على المعلومه الجيده
تحياتي

[خميس]

وفقك الله
وسلمت اناملك
تحياتي وتقديري