هلا ومرحبا مع صنداح الزلامي

[الطائر المهاجر]

كيبورديه رد على قصيدة الشاعر صنداح الزلامي
رسالة موجهه من الشيخ للدكتور
http://www.fatahilah.com/showthread.php?t=18357

هلا ومرحبا بك عد ما غرد العصفور = وعد البروق وعد منهو يحيّيها
لفيت الفطاحل والفطاحل تزايد نور = مقر الرجال بحضرها مع بواديها
انا ادري بما تخفيه ما بالخفى مستور= وترى كل عله فيه منهو يداويها
واذا عيبي اني صرت للمنتدى ناطور= فحياه من عيبٍ رفع راس حاميها
ترى الذيب مايرقد على يقظته مفطور = واظنك تعرف اللي غطيطه ضحاويها
وترى الحرف لامن زل يحسب ولو مبتور= فلا عاد به ملك اللذي كان راعيها
وظنك فلا يبعد الى الشك والمحذور = فحنا رجال القاف بالفكر نبنيها
لنا في الفطاحل عمر ما نقبل المكسور= ولا نقبل العرجاء ولا من يواليها
وناخذ بعذر الرجل ان كانه المعذور= ولا همنا منهو اذا داس حاميها
ولو كان من هو كان في عالمه مشهور= مسار الفطاحل لا لفى لزم يمشيها
نقدر رجال العقل قبل الشعر وشعور = ومن جاء بعلم المرجله منه نشريها
نحطه بوسط العين في داخل الناظور= معه والرفاقه نرفع العمد عاليها

[عبدالله البهلولي]

الشاعر القدير الدكتور عثمان العبدالله
(الطائر المهاجر)

صح لسانك
ماشاء الله سريع في الردود
توها نزلت قصيدة الشاعر صنداح
واتا الرد بعدها مباشره
صح لسانك ميات وملايين
ودمت بالف الف خير

[عبدالعزيز العقيدي]

صح اللسانك
يا الذيب

نقدر رجال العقل قبـل الشعـر وشعـور
ومن جاء بعلم المرجلـه منـه نشريهـا
نحطه بوسط العين فـي داخـل الناظـور
معـه والرفاقـه نرفـع العمـد عاليهـا

كفيت وفيت ولا بقى شيء بعدك نزيد
تحياتي لك وجل الأحترام والتقدير

[صنداح الزلامى]

طائر المهاجر

عثمان العبدالله المشرف العام ورئس مجلس الادارة

بيض الله وجهك وصح الله لسانك رد وافي وكافي لي اشرف

الكبير في معرفتك وشرواك من الرجال واعلم اخي الغالي أنني

ماسويت هذا القصيدة اٍلا لكسب مثل قصيدتك هذه التي لها في

نفسي الاثر الكبيركما انا ممنون وسمحلي لو تطاولت قصيدة

السابقة في بعض ابياتها ولكن والله انك عزيز وغالي وانا

ترى طبعي كذا احب مناقشة الشعرا ء بالقصائد لايخفى عليك

أنني الحقت القصيدة قصيده اخرى



سلمك الله اخي الكبير العذر والسموحة

[الطائر المهاجر]

هلا ومرحبا بك أخي صنداح
واشكرك من الأعماق على هذا التجاوب الأخوي
والذي يدل على اصالة معدنك ونقاء سريرتك
وترى القلوب صافيه ولاتصفى أكثر بين الإخوان
إلا إذا جاء ما يحركهاولو بطريقة عفوية
وانت ما حصل منك إلا كل علم غانم، لكن
حبيت ارد على رسالتك حتى تتضح الصورة
أكثر ، فنحن هنا اسرة واحدة نحرص على
بعضنا
حياك ربك
مع أطيب تحياتي

[عذب القوافي]

صح لسانك أبوعبدالله وصح لسان الشاعر الزلامي

قصيدتين وافيتن من شعراء متميزين

تقديري لكما

اخيرا


الحمد الله


الشايب كذا داااائم يتهوشون وبعدين يرجعون كن ماصار شي هههههههههه


احب امزح

صح لسانك يادكتور وصح لسان صنداح

جزلين ووافين لاهنتم

تحياتي لكم

[الصريح العتيبي]

الدكتور والشيخ
واصلواااااااا
الجو بارد
الحطب جاهز
والصفوف حاضرين
ونعين ونعاون
دمتم بخير حال

[ابومياس]

ابوعبدالله

كفيت ووفيت

جزله من جزل

صح لسانك

دمت بخير