الذيب مغبوطٍولو مان جايع

[الطامي]

ياهيه ياللي تستمع للمحاذير
اخذ النصايح في بيوتٍ نصايع

منقية محفوفةٍ شكلها غير
ماقالها خِبلِ ولا هو بصايع

عاش بحياته كلها شكلها غير
اصل بدويٍ له بالحضاره بدايع

لقى ان رزق العبد ياتي تياسير
وان التطبِّع مااخلف اهل الطبايع

فلاتغبط اللي يملكون الدنانير
فكم من فقير بالكرم له صنايع

اكرِم وعِن وعند ربي التدابير
وابشرك رابح ولا أنته بضايع

لاتوسّمو فيك المخاليق بالخير
فالذيب مغبوطٍ ولو كان جايع

[الطائر المهاجر]

سلمت
وصح لسانك
ولا هنت
لكن الزمن تغير والمبادي والقيم تغيرت
بالمد المادي الغربي
الذيب جايع وشبعانه حصانيها

[منيع]

ياسلام يابومحمد جزلة من راس حيكم
كل الشكر لكم
تحياتي

[الطامي]

صح بدنك يادكتور
وصدقت ..
لكننا نقول لو خليت خربت
لاهنت

[الطامي]

منيع
صح بدنك
وشكرا لمروك الطيب
وما عليكم زود ياغالي
لاهنت

[داعي الشوق]

لوكان جايع الله الله يابومحمد
صح لسانك ومعناك

ابيات حكم ولاهنت

[الطامي]

بو سعد
صح بدنك
ولاهنت على المرور