الشاعر : طفران بسبب الأسهم

قصيدة بمناسبة تدهور سوق الأسهم السعودية

ياسلام الله على (مكـه) و(طيبـه) و(الجماعـي=(عد وبـلٍ هلـت مزونـه وأنـا عينـي تخيلـه
مرحبا (بالكهرب) إللي فـز مـن مرقـده واعـي=شال حملٍ فوق حملـه واضحـت حمولـه ثقيلـه
وش نرقع في ( الغذائي) صارت شقوقه وساعـي=شف (لجين) اليوم شارد .. رافـعٍ بيـده شليلـه
ماذبحني ياجماعه غير( صـدقٍ) و)الصناعـي=(و(الزراعي) مانفعنـي صـار طعمـه حنضليلـه
و( المواشي) في الصحاري تايهه من غير راعي=يا عسـى ربـك يسهـل للمؤشـر مـن يشيلـه
المؤشـر لانـزل ياخـوي يكسـر لـي ذراعـي=والنسـب يومـن توالـت زادت الحمـى مليلـه
حسبي الله ياجماعـه راح مجهـودي وضاعـي=كل ما أملك راح لحظة مابقى .. غيـر الفشيلـه
ليت من هو قبل مده ( صفـا (محفظتـه وباعـي=كانا أنا سالم .. وغانم .. ماغـدت نفسـي عليلـه
والتشكـي .. والتبكـي .. عـارفٍ مافيـه داعـي=ليه انا امشي في الغـداري مامعـي فيهـا دليلـه
مالقينـا مـن يجـاوب مالقينـا مـن يـراعـي=ضاعت الطاسه وكلٍ ماعـرف مـن هـو قبيلـه
ماسمعنا اللي يصوت مـا سمعنـا اللـي يداعـي=مالقينـا فـي زمنـا فـارسٍ زبــن دخيـلـه
ياكثـر مـن راح فيهـا علقـت هـم بالكراعـي=وكل شخصٍ طاح فيها مالقى إللـي يرتكـي لـه
لاتعجـل فـي أمـورك لاتجيـهـا بإندفـاعـي=التأكـد .. والتركـد .. مامثلهـا مــن وسيـلـه
والمصيبـه كـان حلـت مـا يغطيهـا قنـاعـي=ول ياحـظ التعاسـه .. دنيتـي دايـم بخيـلـه!!

وسلامتكم

الشاعر : طفران بسبب الأسهم

[منيع]

الله يعوض على الجميع وترى الطمع في الدين اما الدنيا كما قيل(( الدنيا جيفه والناس كلاب))
واللي مايغنيه الله تعبان

[الخنساء]

اخوي الشاعر ابو طلة لاتيأس واصبر الله بيعوضك خير ويعووض الجميع
قصيدة راائعة ومعبرة صح لسان الشاعر
تحياتي

[ابو زياد]

قال ابوطله وقوله مزع قليبي مزاعي = صور اللي كان حاصل في زمان الف ليله
والمؤشر لا تردى لابنوك ولا صناعي=طاح كلة مابقى به ما يقوي فيه حيله

صح لسانك يابوطلة

[الريم]

صح لساان الشااعر وتسلم اخوي ابو طله على القصيده

[الطائر المهاجر]

الظاهر القصيدة قبل يشوف راعيها إن المؤشر صار
-869 = 17617

ولا يزال في نزول ، حيث من المقرر له أن يستقر عند 17000

[الغريب]

صح الله لسان الشاعر

والله كريم

يا الله من ترجاك ماخاب وحبال الرجاء فيك

تسلم يا ابوطله

مالك الا ما كتب لك لو تغير بالمساعي=والمقدر ما يغير لو تحطه اوتشيله
حدك ان طال الزمن بك للغنم بتصير راعي=كان ظغطك يرتجح بك لا تزيد البن هيله

[المؤذن]

مشكور
على ما افدتنا به
تحياتي

[نديم الحيارى]

بارك الله فيك
كتبت فقرأت فاستفدنا
تحياتي واحترامي