Call me , وراعي الرنّه

[ماجد المهدي]

أهلا بالفطاحلة // لتلطيف الأجواء
هذي أبيات قلتها أول ما نزلت خدمة كلمني ... شكراً ,,, وأنا في مصر
وسجلتها بالصوت فألتقيت مع صاحب لي كان يدرس معي بمصر .. فذكرني بها وأرسلها لي وهات ضحك على الصوت ولجل ما تضحكون علي ما رضيت احط الصوت
<<< أدري تقولون راعي سواااااااااليف

المهم ..

@

البارحة جتني رسالة كول مي = قمت اتصلت وقلت يالله تِلمي
عجّل عليّ وقف تو مي يور علمي = سوري ترى اي هاف اونلي رنّه
ظنيت ان المتصل منصوره = وده يشاورني لجل لا اشوره
ما ادري ان المتصل مسحوره = فيني وانا المسكين راعي الرنّه
قالت مسوي عنقليزي الرد = وانت الذي ضيعت جزري ومدي
ياللي بحسّك صدتني يالمهدي = ابليز تسمعني عساك الجنه
قالت ترى حبك سرق احلامي =ذكرك سكن في منطقي وعضامي
فدوى حبيبي لك جلت ايامي = مجنونةٍ جيتك بقلبي دنه
يا حبي اسمع انني بالسِلمي = يا مبتغاي ودنيتي يا حلمي
لو ما عجبتك يا حياتي كِل مي = مذبوحك الليله علا بالمنّه
صوتك حنون ولا سمعته ابكي = واشكي جميع الخلق منّه اشكي
في ذمتي عنّه أنا ويش احكي = عذب و رقيق وصافيٍ به ونّه
قلت استحي يا صانعٍ لفلامه = تبطي وتعقب ما تروم المامه
هذا الخفوق اللي عليه غمامه = افهمك ياللي متقنٍ في فنّه
قالت ألا يا ماجد المغروري = اموت انا بغرورك المجهوري
اي لاف يو يا معذبي الشطوري = ................ح على قلبك وغصباً عنّه
قالت سلام وقلت يالله ضفي = مير العجب يا كيف رنه تكفي
وقت الذي تحتاجها ما توفي = هذي الحياة وطبعها منسنّّه

للتوضيح

كول مي = call me = اتصل بي أو كلّمني

تل مي = tell me = أخبرني

قف تو مي يور علمي = give to me= عطني علومك

أي هاف اونلي رنّه = I have only=املك فقط رنة
كل مي = kill me = اقتلني
أي لاف يو = I love you = أحبك


تحياتي

ماجد المهدي

[عبدالله راشد الثويني]

هههههههههههههههههههههههه

ياسلام عليك يا ماجد مُبدع دائماً أسلوب متجدد وممتع
مما يجعل القارىء لا يتملل من متابعه كتاباتك ونصوصك المتنوعه والمتجدده
كل الشكر على هذا النص ولا عدمنا ها التميز

.
.

مُبِحبك / السمح

[ابومالك رسام]

ابن المهدي يسلم راسك امتعنا بنادر نظمك والتنوع دائماً جميل ومنك اليوم متعه وتلطيف جو لا هنت يالغالي سلامي وتقديري العاليين

[الطامي]

ماجد المهدي
حلوه جدا جدا
صح السانك مع الرنه
ولاكن اين باقي هذا البيت ؟؟؟؟؟؟؟؟؟؟؟؟؟اي لاف يـو يـا معذبـي الشـطـوري
................ح على قلبك وغصباً عنّه
يعني محظور ماله ترجمه
ههههههههههههههههههههههههههه
لاهنت وشكرا لك

[الأموره]

الله يالمهدي

نايس بصراحه >> دخلت في الجو الانجليزي هههههههههه

صح لسانك ملايين

الف شكر لك

دمت برعاية الخالق

[مبروك بن ماضي]

الاخ المحترم الشاعر / ماجد المهدي
صح لسانك وجاد بيانك
ولله درك
على هذة القصيده الفكاهية الجميلة
دمت و دام نبضك يا الغالي
لا عدمناك
تقبل تحياتي

هههههههههههههه

ياسلام ياابورنّه

قاف ممتع ومبدع


صح لسانك حتى ترضى


لااهنت


لك الود بلا حد

[محمد عبدالله البدراني]

ماجد المهدي صح السانك

ووووووو ...

واقول ياماجد المهدي انت تنحت من صخر

وبرافو على هالمروبع فررري نايس



تحياتي

[الخنساء]

صح لسانك اخي الشاعر ماجد
لاهان را سك قصيدة رائعه
سلمت وسلم شعرك
دمت بخير

[النهج المختلف]

ماجد المهدي صح السانك ,,,
لاهنت على هذا البداع الجميل ,,,
الله يعطيك العافيه ,, تحياتي لك