محاورة ليلة الأحد7ربيع2

[الطائر المهاجر]

الطير=
الوطن قبل القبيلـه مـن يحـاول يجهلـه=يدفع الأثمان مـا ينفعـه مـن رأيـه بليـد
ابومياس=
مشكله لاعشت في دارٍ وشفت البهذله= والوطن ياصاحبي ينزف ومنحور الوريد
قلتها مافيه غير الجيب حل المشكله= لو تنادي ياقبيله ياوطن كلٍ يحيد
كل بابٍ يالمهاجر تحاول تدخله= فيه قدامك مفضل لو لاسمه مايجيد
الطير=
لو يصير اللي يصير فالوطن ما استبدله= عيشتي بين القرابه كل يوم مثل عيد
ابومياس=
عيشتك بين القرابة وشيكك تحمله= كلهم يسعون لرضاك يالشخص الفريد
الطير=
وش يفيد الشيك في بيت غريبٍ تجهله= اكل الخبزه وابل الريق واقنع بالثريد
ابومياس=
وكان خلي الجيب عزيلك تعيش بمعزله= ماتفيد بدونها يالسنافي ماتفيد
الطير=
ازرع ارضي قد مقدر وما جنيته آكله= صحة الإنسان في جوعه وراحه بالنشيد
ابومياس=
سنّة الدولار من دونه تعيش بمهزلة= وانت ادرى ياحكيم ٍ عرف بيت القصيد
ابومياس=
تقنعاً باللي تقوله بعصر الاوله= وعصرنا يالشيخ عزك بموفور الرصيد
الطير=
اضبط الطاروق لايجفل فشغلك جفله=ولا تقاوم فانت داري لو من ديارك زهيد
ابومياس=
ماسك الطاروق اركض وانت بهروله= انكسر عندك زجاجك شوف لك شيٍ جديد
الطير=
قال ابن ماضي وقلنا بحرك اللي تنهله= شايفه بادي جفافه وانت في رايك عنيد
ابومياس=
والله انّا ماسمعنا راي ابن ماضي وانت تعلعله = والجفاف اللي تقوله كد غشاكم من بعيد
الطير=
وهذا صوت احساس صامت ما لقى ما يفعله= غير صح وصح كنه مدرس بليد
ابومياس=
سالكينٍ كل صعبٍ قبل نمشي بسْهَله =راقي ٍ حيد القوافي وقاطعين ٍ كل بيد
الطير=
شفت يوم اني هجيته راح يم المغسله=ينظر بوجهه وينتف شيب ظاهر من جديد
حتى ابن ماضي يغير في كلام يعفله=خايف من بعض هجوي مادري اني عنه احيد
قام يمدح مثل مصري لا نوى بالقنبله=او بيسرق بيض طازه من وراء شبك الحديد
مبروك=
اتحاهي طال عمرك دوم نحو البوصله = عن شمال الارض سهمي قال شاعر مايحيد
ابومياس=
ماعرفنا لك تقلب كل شي ٍ تعمله = شايبٍ خرف وطبعه ياجماعه فيه كيد
الطير=
اتجاهك ياعزيزي هم يصعب تحمله=وتايهٍ بين العواطف وبين ما عقلك يريد
كانني خرفت فاكتب في حروف مهمله= راح ابو مياس يزرع وما لقى له من حصيد
ابومياس=
انسجمنا وانبسطنا وفي لقاكم تكمله= والصباح اصبح علينا صبحكم باذنه سعيد
مبروك=
شفت انا الطاير مسوي في الفطاحل زلزله = سبعه بمقياس رختر منه الامه شريد
الطير=
راح ابو مياس خايف علم وافي سجله= وما بقى إلا اللي بسهراته وحيد
مبروك=
الفطاحل مدرسه للعز هو والمرجله = والسهر معكم وابومياس يادكتور عيد

[الطامي]

صح السنتكم
عمالقة الشعر
ناقشتو قضية برديه
لاهنتو وشكرا لكم

[ابراهيم عبدالحميد]

عظيم الشكر للجهد الرائع الراقى
دمت أخى و سلمت و غنمت

[عبدالله المسعودي]

صح لسساان الشعر11ء ..؛
شكر1 لكم م ..؛

صحت السنتكم
تقديري

[سناعيس]

الله الله
ماقصرتوا الله يعطيكم العافيه

تحياتي

[صوت الإحساس]

صح لسانكم جميع


ولاهنت



فائق الاحترام

[طويق]

مشكور
على المعلومه الجيده
تحياتي

[طويق]

بارك الله فيك
على ما تقوم به
احترامي

[الحويطي]

الف شكر
على ماجاد به قلمك
تحياتي الطيبه