يمرّ طيفك ويحيي روضة افكاري

[سهيل الشمري]

يمرّ طيفك ويحيي روضة افكاري= ياكلّ الالهام يامشعل طواريقي
لاقمت تنثر عبيرك جيتك اطْياري = وقامت تطوّى غلاتك في معاليقي
من لي زمان ٍ واحسبك عارف وداري = اني اموت بغلاك وناشف ٍ ريقي
تعال حدّ الغلا يفوق معياري = تعال وارجوك تسرع زايد ٍ ضيقي
اموت بك واعشقك والشاهد الباري =اني بحبك امير ٍ للعشاشيقي
مالي بغيرك هوى ولا لك مباري = في كون مغليك لك رفّه وتحليقي
متْسيّدٍ فكري ومتْولّي الطاري = وبْعيني انت المنوّف بالمخاليقي
هذاي في وادي ٍ والفكر لك ساري = واتْخيّلك جنبي اتْخطّ المواثيقي
وانا ارتوي من عيون ٍ سحرها ضاري = ياليت يالروح في هاللحظه تويقي
تشوف منهو هذا بك سرّ واجْهاري = وتْناظر عْيون وجدٍ لك مغاريقي
بالله سالتك تلبّي طلْبة الشاري = اللي بك ارْياض خفّاقه مواريقي
سوق الغلا لي قبل مافضّح اسراري = هدّ الحواجز وحطّم للمغاليقي
اقْبلْ عليّا ولا ترجع لتذكاري = حبي يعوّضْك عن حبّ التّلافيقي
والخاتمه يالغلا والله ما ماري = اني اعيش الهيام اللي لك يليقي

[ترانيم المطر]

حجززززززززززززززززز

[الطائر المهاجر]

مسكين ياسهيل لو يدري عنك ضاري= ان كان خلاك تحيا عيشتك ضيقي

جزل ومبدع
صح لسانك
ولاهان راسك
تحياتي

[(ابو ريم)]

صح لسانك .

[منيع]

ياسلام عليك
حلقت في الابداع الى سابع افاق الشعرالعذب
ورجعت لنا محملا باارق واجمل المعاني الراقيه المميزة
حياك الله ياسهيل
وابرك الساعات مع هذه الاطلاله العذبه
تحياتي وتقديري

[عمر ال شيبي]

معاني قويه مفردات عذيه

عذب المنطوق يا سهيل
لا هنت

حيّر تني في بحر غوصك يا ساري = سروة عليل القلب يوم انه ظاقي

[زهرة اللوتس]

سلمت وصح لسانك
جزلة من شاعر جزل
لاهنت
ويعطيك العافية
تحياتي

[عبدالله مذكر العقيلي]

صح لسانك

وعلاشانك

ولاهان راسك


تحيتي

[عبدالعزيز الرقابي]

الله الله نص طاغي الحضور
وإبداع وصياغه وعزف شجي على القوافي الصعبه

سهيل .. صح لسانك واعتلا شانك
كان لي شرف الحضور هنا في حضرة الإبدااع

مودتي

[عبدالعزيز البليهد]

هلا بالعذوبه صح الله لسانك واعتلا شانك

الله لايهينك بعد حي