اللي يبيع الوطن ....

[الطائر المهاجر]

اللي يبيع الوطن يلقى الوطن يبغاه=واللي يحب الوطن شلون الوطن ينساه
هذاك اناني وهمه ثروته والجاه= وهذا فقير ولكن مبدأه يحماه
لكن اذا موطنه ياطى على علباه = بالله قل لي وش يحده يباهي به
*******=
تعبت افكر بأمه انتهت للدون = كل عام تشكي نزيف بقلبها المطعون
والغرب يلعب بها في هدمها مفتون= يزرع بها من يبي من خاين لصهيون
والناس تجهل ومن يدري خطط شارون= يخاف من هرجة توديه ما تجيبه
*******=
حتى غدى الحر يمشي موطيٍ للراس= يخفي لفكره ولو مشغله بالهوجاس
ماعاد ياثق باحد من عزوته والناس= في وقت فيه الخطر من بوم او نسناس
ولا من ضعف طار بالعجه بلا احساس= يجيه من يستغله دون يدري به
*******=
هذا الوطن من يحبه واجبٍ يفداه= مهما ظروفه قست يصبر على بلواه
الناس تذهب ويبقى للذي يهواه= مهما يطول الزمن يرجع على منشاه
خلك مع الله ولا تيئس ولو بك آه= ماخاب من يرجي الله في مطاليبه

[حي الضمير]

ياسلام ياشاعر العثمانيات
ابدعت بقووه لافض فوك ياعلم
ومدد صح لساااانك

[بنت النور]

يعطيك العافيه
وصح لسانك وعتلى شانك شاعرالفطاحله
سلمت وسلم بنانك
لاهنت
تحياتي لــ سموك

[داعي الشوق]

صح لسانك و طاب حالك

لوحه جميله و جديده على الهمس و متابعيه

و المعنى جزل

والمشكله ان أكثر من يتحدثون عن الوطن هم اول من يهربون بطائراتهم الخاصه ..

و مايبقى الآ انا وانت نكتب الاشعار

ولاهنت يا حكيم

[منيع]

جميل وبديع وحب الوطن اسمى وانبل من كل شيء
حتى قال الشاعر
بلادي وان جارت على عزيزه=واهلي وان ظنو على كرام
واخر
وطني لوشغلت بالخلد عنه=نازعتني اليه في الخلد نفسي

[الطامي]

صح السانك يادكتور
ابيات هادفة وطيبه
لاهنت

[سعيد عوده الحويطي]

صح لسانك ياشاعر الوطنيات ابدعت واجزلت لا فض فووك

[نجم الإبداع]

صح لسانك يادكتور

مصافحه بارعه

لاهنت

[الطائر المهاجر]

شكرا حي الضمير
على كريم المتابعه
لاهنت
تحياتي

[الخنساء]

هـــذا الـوطــن مـــن يـحـبـه واجـــبٍ يـفــداه
مهمـا ظروفـه قـسـت يصـبـر عـلـى بـلـواه

الــنــاس تــذهــب ويـبــقــى لــلـــذي يــهـــواه
مهمـا يطـول الزمـن يـرجـع عـلـى منـشـاه

خـلــك مـــع الله ولا تـيـئــس ولــــو بــــك آه
مـاخــاب مـــن يـرجــي الله فـــي مطـالـيـبـه

صح لسانك ملايين

جزلة من شاعر حكيم

لاهنت ودام بوحك