تكفون ياحكّامنا يالوفيين@الشعب يشكو فعل

[شجاع عمر الأكلبي]

ترجمتها فيها

ياولاتنا يا حبابنا يالمديحين=ياحماة دين الله من كل غارة
لشعبكم دايم كرام ووفيين=الشعب السعودي دايم ٍ في الصدارة
المال يعطى من يجيكم ملايين=ولا ينكره رجل يعرف الغيارة
ولك ياملكنا يرجحن الموازين=على ملوك الأرض فعل وجدارة
حاكم براية يقتدون السلاطين=ومن عميت الأرياعليه أستشارة
يعطي العطايا دون خرص ٍ وتقنين=غيث ٍ على شعبه شديد الغزارة
ورمح ٍ سنين في نحور المعادين=ومن دون حدّه فيه جهل وسطارة
يالله عسى بو متعب أيامه سنين=ولأمّة الإسلام يبقى منارة
وسلطان سلطان ٍ بكل الميادين=في السلم ولا يوم قدح الشرارة
كريم سبلا لاضحك بالحجاجين=وإن قطّب الحجّان موت ٍ ونارة
ياسامعين القول زيدوه بآمين=عسى الموحد بين نهر وخضارة
في عالي الفردوّس جار النبيين=جار لبو القاسم يمين ويسارة
وحّد قبايلنا تحت راية الدين=وقبله قصير الدار يغدر بجاره
وحنا لكم وافين في العسر واللين=وعلى حياض الموت فينا جسارة
فتكفون ياحكّامنا يالوفيين=الشعب يشكو فعل حيّة وفارة
وفي ذمتي للفعل مانتوب راضين=والشعب الأصلي معلن ٍ به قراره
نشكو من اللي في وطنّا دخيلين=وخذا المصالح بعد حصّل شعاره
ومنتوجنا صدّر على يسار ويمين=واللي بقاشبّت علينا سعاره
واللي يورد ماخذ ٍ فيه تثمين=وعلى المواطن حد سهم الجزارة
وأيد من ضعوف البشر والغشيشين=اللي حصون الدار تنبش جداره
وفي جوّنا لاثار عج ودخاخين=خذا مصالحنا ودوّر دياره
وختامها ياولاتنا يالسلاطين=الشعب يشكو فعل حيّة وفارة

[ابو أنس]

الفاضل شجاع الاكلبي....................... .
رسالة موفقه عسى ان تجد لها موقعا ومكان عند من وجهت له
نسأل الله ان يرخص الأسعار ويحفظ الديار ويكلل الإعمار
ويردنا الى خالقنا لنكون أهلا لإستجابة الدعاء
لك كل الشكر

[مبروك بن ماضي]

الاخ الفاضل الشاعر العذب / شجاع عمر الأكلبي
لا تزال محلقا في سماء الابداع و بين غيوم الروعه
لاخلا و لا عدم و صح الله لسانك مليون ولايكفوون
سجل اعجابي القديم وتفضل بقبول تحياتي واحترامي
أخوك / بن ماضي

[ابو زياد]

صح لسانك ياالاكلي
رائعة بكل ماتعنيه الكلمة

[عبدالله الشويمان]

صح السانك يا اخ شجاع

كلام طيب من رجل اطيب

الله يزيدك ولاء لربك وملوكنا الغالين..

دمت بخير وصحه وسلامه

[ســُلاف]

الله يغير هالحال لحال افضل منه قادر
شجاع صح لسانك وريح الله بالك والجميع

[ضعيان البدرانى]

عسى الله يريد بنا خير

الشاعر:شجاع بن عمر الاكلبي...صح الله لسانك

@ سلمت ودمت @

[الخنساء]

صح لسانك اخي الشاعر شجاع

لاهان راسك قصيدة راائعة

سلمت وسلم شعرك

دمت بخير

صــح لســااانكـ

لاهنت اخــوووي

[صوت الإحساس]

صح لسانك


الله يحفظهم ويهيئ لهم البطانه الصالحه

بيض الله وجهك يالجزل