الجوع ما عذرب سباع مجيعه

[علي الحبابي]

الله من قلب تسوقه هقاويه =يم الطوال النايفات الرفيعه
ما طاوع العذال لو كان تنهيه =لو قالوا إن ما طاعك الوقت طيعه
يا عاذلين القلب هذي مناويه =وهذا هوى باله وهذا ربيعه
ما هو تصنع والتصنع لراعيه =وراع التصنع غير راع الطبيعه
وان ضقت من دار جفوني اهاليه =سجت القدم وفجوج ربي وسيعه
ورجواي باللي ما يخيب لراجيه =ورجوا بغيره تاليتها قطيعه
والوقت مهما جار ياللي تراعيه =لا تشتكي واصبر بما تستطيعه
وان قلت هذا الوقت شانت مواريه =الجوع ما عذرب سباع مجيعه
والحظ لو كلٍ يبيعه ويشريه =يا كثر من يشريه والا يبيعه
واللي كتب للعبد لازم يلاقيه =لو بينه وبينه حصون منيعه
ولا بد من يوم يحين الوعد فيه =والعمر يمضي والليالي سريعه

للشاعر خليل بن هدلان

[صعبة المنال]

اختيار جميل
راق لى
صح لسان الشاعر وسلمت يمينك على النقل

صعوووب

[داعي الشوق]

صح لسان شاعرها

ولاهنت يا علي

منقول يستاآآهل

و الف شكر لك

**********

[عمر ال شيبي]

صح لسان شاعرها

ولاهنت يا علي

[الخنساء]

صح لسان الشاعر

ولاهان شاعر نا علي

دام حرفك

[الطامي]

والحظ لو كـلٍ يبيعـه ويشريـه
يا كثر مـن يشريـه والا يبيعـه
واللي كتـب للعبـد لازم يلاقيـه
لو بينه وبينه حصـون منيعـه
ولا بد من يوم يحين الوعد فيـه
والعمر يمضي والليالي سريعـه
،،،،،،،،،،،،،،،،،،،،،،،،،
الحبابي
صح السان الشاعر
ولاهان من نقل
شكرا لك

[حنان الكون]

اختيار رائع وممتع
تحياتي

[نفحات حساسة]

صح السسسان شاعرها

وسلمت علي نقلك

[كظيم]

صح لسـان الشاعر خليل بن هدلان
قصيده طيبـه ورائعــه
وسلمت على النقل يابعــدي
تقبل مروري المتواضع لاهنت
ودي وتقديري

[منيع]

اختيار جميل تسلم اخي الكريم
تحياتي