شلّة / ارق الطويلة وارفع عواك ياذيب

[ماجد الزيد]

اداء المنشد / سعود العصيمي

http://up.fatahilah.com/up//uploads/3c05877e22.mp3

ارق الطويلة وارفع عـواك ياذيـب=خل العرب تهتاج لعواك ليلة
مزّع سواد الليل باقسى المخاليـب=يمكن يجيب الصّبح وجه الفضيلـة
إن عشت تلقاني بعـال المراقيـب=ون متّ انا يا ذيب . من بتعوي له
ما جاوبك بعدي شنيع المضاريـب=اللـي علـى يمنـاه اركـى قبيلـه
اتخيله القمرا ويختالها الشِيب=و سود الليالي تحت نابه قتيله
عزيز نفس ٍ ما يدوّر مكاسيب=عواه حرّن والغذاء بقوّ حيله
ولاّ الغنم تعلف بظلّ المشاعيب=والذيب بديار الغنـم . عزتـي لـه
دار ٍ تساوي بين عصْم الشواريـب=وبين الهلايـم ذيـك .دار الفشيلـة
ياذيب كم رجْل ٍ كسى راسه الشّيب=ماحط له مربع براس الطّويله
ورجل ٍ يشوف سهيل فيه المطاليب=تلقى الثّريا نازله في شليله
يشوم عن قاع الرّخوم الجلابيب=ما شالوا الي كتوف قلبه تشيله
لا عرّفوا حقّن ولا عيّبـوا عيـب=والطّيب صاير عند احدهم وسيلـة
وحنّا جِبلْنا طيب والتربيـة طيـب=وفرعون ما حشّم هل الطيب نيلـه
طاغوت عصره بالغباء والأكاذيب=ورّد مصر للنّار من قوّ ميله
ولا أنت ما يدخل على قلبك الرّيب=و خيرات مصر بعين يوشع قليلة
ما شفت من يقنب معك بالمكاتيب؟=يا قوّة الله لا عوى بالجزيلة
همّه يسوق الناس يم عالم الغيب=والخلق تروى من العدل / سلسبيله
صحيح شاف الجور وقد ذاق تعذيب=بس الصّبر زاده وجدّه دليله
يشهق على شمّ الشّواهق بترتيب=وفيه الجلد سبعة , خيول ٍ اصيلة
وحده/ ولا رفقة عقول ٍ مجاريب=خالي/ ولا زحمة نفوس ٍ ذليلة
موته/ ولا سطوة يدين الأرانيب=سمّه يسوس الرّوس روس ٍ عميله
راسه / مع الجوزاء ورجله على النّيب=و عزّة كوى كبود الدلابح بجيله
يا ذيب هذا الوقت وقت الألاعيب =مكر الحصاني سيطر بكل حيله
تنزل على اللحية وتنزل لاشانيب=متقصّفات ٍ خوف موس الهبيله
الوقت هذا / لا يودي ولا يجيب=منّه على كبود الذيابه / مليله
الحق غادي والمبادي / مناكيب=وموت الفتى فدوة / لعين الجليلة
(ويا ذيب انا بوصيك لا تذبح الذيب)=لو مات منّك وين / تلقى بديله

[عبدالعزيز البليهد]

الوقت هـذا / لا يـودي ولا يجيـب .......منّـه علـى كبـود الذيابـه / مليلـه
الحق غـادي والمبـادي / مناكيـب ...وموت الفتى فـدوة / لعيـن الجليلـة


عوينا ياما انعوينا ،، الله المستعان

صح لسانك واعتلا شانك

[الطائر المهاجر]

ولاّ الغنـم تعلـف بظـلّ المشاعيـب=والذيب بديـار الغنـم . عزتـي لـه
دار ٍ تساوي بين عصْـم الشواريـب=وبيـن الهلايـم ذيـك .دار الفشيلـة

سلمت
وصح لسانك وفكرك
ولاهنت
تحياتي

[عبدالله راشد الثويني]

شاعرنا المتألق دائماً والجزل / ماجد الزيد
صح قلبك ولا هنت
وعسى الله يرحمنا برحمته
نص وافي وهذي عوايدك يابعدي
طامعين بجديدك دائماً
تقبـّـل تحيتي

[عبير الورد]

ااااااااااااااااالله اااااااااااااااالله
صح لسااااانك ملايين
سلمت وسلم منطوقك الجزل
ربي يعطيك العافية

[منيع]

قمة الروعه والابداع
ربي يرعاكم بلطفة
تحياتي وتقديري

[الطامي]

يا ذيب هذا الوقت وقـت الألاعيـب=مكر الحصاني سيطـر بكـل حيلـه
تنزل على اللحية وتنـزل لاشانيـب=متقصّفـات ٍ خـوف مـوس الهبيلـه
الوقت هـذا / لا يـودي ولا يجيـب=منّـه علـى كبـود الذيابـه / مليلـه
الحق غـادي والمبـادي / مناكيـب=وموت الفتى فـدوة / لعيـن الجليلـة
(ويا ذيب انا بوصيك لا تذبح الذيـب)=لو مات منّـك ويـن / تلقـى بديلـه

الزيد
صح السانك ملايين ولايوفون
رائعة وهادفة لافض فوك اخي
شكرا لك

[عبدالكريم العياش]

الوقت هـذا / لا يـودي ولا يجيـبمنّـه علـى كبـود الذيابـه / مليلـه


والذيب بديار الغنم عزتي له
ايوالله صحيح
حياك الله ياماجد وصح لسانك
تحياتي

[بنت العز]

صح لسااااانك ملايين
سلمت ولاهنت
يعطيك العافية

[داعي الشوق]

الوقت هـذا / لا يـودي ولا يجيـب = منّـه علـى كبـود الذيابـه / مليلـه
الحق غـادي والمبـادي / مناكيـب = وموت الفتى فـدوة / لعيـن الجليلـة

.........................

صح لسانك مليوووووووووووون يا بو حمد

أبدعت بالحيل يا مبدع

ولاهنت

******************