سلام يا الطير المهاجر

[احمد الكثيري]

سلام ياطير الحرور المهاجر= اعداد من لبى بمكه وطافي
جاني خبر يقلون عثمان تاجر= هامور سهم الراجحي والمصافي
اللي مساهم باع حتى البناجر=وساهم بها مايعلم بكل خافي
تايه بدربه باع سهمه وهاجر= قدم وظيفه ولا لقى الا المطافي
ومرات تاجر بالحف والخناجر=ضيع علومه يمشي الليل حافي
يا ما نثر من دمع وعمى المحاجر =ازرى يداوي علته بالمشافي
صاحوا معه ربعه بكل الحناجر=بين البشر ضايع وزاد الهتافي
لا تعلن افلاسك الكل المتاجر=واللي انكتب من خالق الخلق لافي
باروح انا وياك لديار ساجر= ناخذ علوم اللي على الطيب وافي
ياعارف اخبار البدو والهواجر=يسعدني انظم وصف شخصك بقافي
وحذر تسّمع كل غادي وفاجر=وانا اخبرك حر لبيب سنافي

[الطائر المهاجر]

صح لسانك
وبيض الله وجهك
ودي ارد عليك بنفس القافيه لكن القافية الأولى استهلكتها
فخلني اجمع الباقي واجيك
تحياتي

[داعي الشوق]

صح لساانك يا احمد

ولاهنت يا مبدع

ابدعت يالشاعر

[الطائر المهاجر]

على قد القافيه المتبقيه من : اجر

اهلاً هلا بك عد دق البياجر = وعداد ما بالأرض بيضٍ لطافي
صحيح انا تاجر وعندي مناجر= افصل ابوابٍ بعذب القوافي
لاني من آل الشيخ ولاّ التواجر= مستور حالي عايشٍ بالكفافي
اما انت ياللي ماتهاب الدياجر= علمك وصلني تاجرٍ باحترافي
تاخذ لحقك لو بعجرا تشاجر= ومرابيٍ بالسوق دون اختلافي
العشر عشرينٍ ولك بارض حاجر= بستان تمره جاهزٍ للقطافي

[داعي الشوق]

صح لساانك يا بو عبدالله

ولاهنت

ما فيكم حيله

[نجم الإبداع]

هههههههههههههاحمد الكثيري وعثمان ال عبداللهصحت السنتكمفكاهيه راقيه بدعا ورداتقديري

[الطامي]

هههههههههههههههههههههه
منتو سهلين
كل منكم تاجر لنفسه وما تشاركونا بشي
صح السانتكم
كيبورديه هادفة ورائعه
لاهنتو