ماقصدت الجميع هناك ناسن كبار

[احمد الجريفاني]

يدخل المنتدى كتاب بـا المستعـار=
مالهم قصد غير اذواقنـا يفسـدون =
نية الشر فيهـم مـا عليهـا غبـار=
ولا يفيد العتب فيهم ولا يستحـون =
للاسف عندهم صار التآمر شعـار=
والنظام المطبق جا على ما يبـون =
بعضهم مرسلين وبعضهم باختيـار=
بعضهم حاقدين وبعضهـم يلعبـون =
يطبخون المقالب من ثقيـل العيـار=
ومن الاشعار ازيدك بيت ويشجعون =
لا طردهم مراقب عودوا با قتـدار=
كله اسمن بداله اسم وش يخسرون =
كل واحد له الفين اسم والفيـن دار=
لا هويه ولا عنوان مثـل البـدون =
يسرقون الذي تكتب بوضح النهـار=
والمصيبـه اذا وبختهـم يزعلـون =
وان جلبت الدليل تظن يشعر بعـار=
قام يشتم ويلعن تقل صابـه جنـون =
يبتدي يدخل باسمـا غريبـه كثـار=
يمتدح في جنابه من يـرده يمـون =
يحسب الناس ما تفهم ولا تستثـار=
يحسب الناس عميا قلب عميا عيون =
ما قصدت الجميع هناك ناسن كبار=
يتقـون الالـه بكـل مـا يكتبـون =
بدل اسمه مخافة يخدشونه صغـار=
يستبيحـون مقـداره ولا يعرفـون =
يا ادارات فيه اشيا تحـاك وتـدار=
وينكم غافلين عن الـذي يفرحـون =
لا وقع منتداكم مثل وقعـة جـدار=
انتم اللي خسرتوا والدبش يضحكون =
وابتدوا نقوة الكتاب بـا الانحسـار=
غادرن مبدعات وغادروا مبدعـون =
ويوم تسال يقال المنتـدى بانحـدار=
الخمللـق تبلونـا ولا يـردعـون =
منتدى ما يحدد له نظـام ومسـار=
لا تلوم الخشاش بقشهـم يرثعـون =
جملتن با المثبـت مكتسيهـا غبـار=
ما حدن يلتفت له ليش ما تفهمـون =
اعرفوا كل من يندس خلف الستـار=
نبي الاسم الحقيقي يا فتى لا تهون =
نحفظه عندنا حيطه اذا شي صـار=
ما تخلا طليق وكلنا با السجـون!!!=

[الـزلـزال]

ويوم تسال يقال المنتدى بانحـدار =الخمللـق تبلونـا ولا يـردعـون
منتدى ما يحدد له نظـام ومسـار =لا تلوم الخشاش بقشهـم يرثعـون

احمد الجريفاني
قصيده رائعه ومتقنه وفي الصميم
حكت لنا واقع نعاصره يوميآ
أبدعت شاعرنا في طرحك بكل تميز وأقتدار
والله يهدي كل من في نفسه شر
صح لسانك ملايين ملايين
ولك فائق تحياتي وتقديري

[احمد الجريفاني]

الغالي الزلزال لك كل التقدير لتشريفك

[الطائر المهاجر]

حسب ما ذكر لي الأخ أحمد فهو يشتكي من موقع كان به
وسرق احدهم قصيدة له ونشرها بإسمه في نفس المنتدى
وحصل بينهم اخذ ورد ، اما هنا فالفطاحلة فالكل يعرف
مسارنا وان مثل هذه الأمور لاتحدث عندنا
صح لسانك واعتلى شأنك
ولاهنت
تحياتي

[منيع]

نعم هناك اناس على هذه الشاكله التي تطرق لها الشاعر
شكرا لكم
تحياتي وتقديري

[ناصر عبيد الهواوي]

الله يوفق يا اخي احمد جميع ماتذكر عين الصواب رغم ان ابو عبد الله حسم الامر بالموقف الذي حصل لك
اذا انتها المقصود من القصيدة
والله ما ادري وش صار هل الموضوع الذي ذكرت به انحسار المبعين والمبدعات هو مجرد سرقة قصيدتك؟
احسنت وابدعي
جزاك الله خيرا

[سناعيس]

الشاعر احمد الجريفاني
صح لسانك وبيض الله وجهك
اشهد انك قلت الصحيح والحاصل
ففي هذه الشبكة الغث والسمين
ولكن في النهاية لايصح الا الصحيح
لاهنت يالغالي

تحياتي

[عبدالعزيز البليهد]

صح لسانك يابو فراس

هناك ناس كبار يستخدمون اسماء مستعاره وهو من حقهم لهم ظروفهم ،

لكن مايزعجنا هم المتسلقون وانصاف الكتاب واشباه الشعراء ممن يجرحون مشاعر الاخرين

وهم مختفين كالنساء بل النساء اشرف منهم حيث امرن بالاختفاء والتستر في حضرة الرجال

[داعي الشوق]

صح لسانك يالشاعر احمد الجريفاني

قصيدة واضحة المعالم

و رسالة قوية لكل من يسلك المسار الخاطيء

و هم كثر للأسف

صح لسانك مدد بلا عدد

قصيدة هادفه بمعنى الكلمة

و النظام لا يقابله الا فوضى

تقديري لك

و صح لسانك

[حي الضمير]

صح لسانك شاعرنا الرائع الجريفاني
قصيده رائعه وابدعت في رسم الصوره عن حال بعض المنتديات
التي تدار بفكر اعوج ..
والحمد لله نحن هنا في الفطاحلة ننعم باداره راقيه
واعضاء رائعين
أجزل التحايا والاحترام