ياموووووت في قلبي شعمت المشاهيب

[شجاع عمر الأكلبي]

ياخوان والله ماحب الرثاء لأنني مهما قلت لن أوفي الغالي حقه وأحس إني مقصر كل التقصير ولكن خرجت هذه غصب بأسباب

ياموت في قلبي شعمت المشاهيب=لامابرد مشهاب ورثت مشهاب
ماحصي عدد غالي رفاقة وأصاحيب=مابين شايب والذي مابعد شاب
غيّبتهم وامر الولي حق ومصيب=وضربت قلبي بقدرهم شلف وحراب
خذيت أبوي اللي يوفي المطاليب=وله شهرة ٍ عند الرفاقة والأجناب
دايم معزب مايدوّر معازيب=ويفرح بضيفه لاسمع قرعه الباب
ولاهو يضاهي لافعل للمواجيب=يرجي جزاه من الولي رب الأرباب
وصليب رأس ٍ لاعوا الذيب للذيب=لاجا نهار ٍ يضرس الناب بالناب
مواقفه يشهد بها بعيد وقريب=وله هيبة ٍ عدابها دون الأقراب
لولا زعل غالي رفاقة وأجانيب=عدّيت فعله ويهبا كل كذاب
وذوده خيار خيار حرش العراقيب=معربات ٍ طنبها خيار الأطناب
وبعده خذيت الذيب إيوالله الذيب=ذيب ٍ خذا في ذروة المجد مرقاب
قرم ٍ بجيش الروس سوا التعاجيب=اللي قتل منهم بلاعد وحساب
ست سنوات ٍ بين حرب ٍ وتدريب=متسمي بيرموك في صف خطّاب
سهمه وراية في العدا وقع ويصيب=ومن عدّة العدوان والكثر ماهاب
وأستشهد بخطة منافق وترتيب=وعسى رجاه بجنّة الخلد ماخاب
هذاك منشط خوي رجل المواجيب=أطول به بين المعارف والأغراب
وبعده خذيت الشبل من منقع الطيب=محمد بن حسين من بين الأتراب
ساسه عريب ٍ من طوال المراقيب=ومجناه من روس الشواهيق وهضاب
موته خطف قلبي بحامي الكلاليب=وياموت من غيّبت إهو الذي غاب
وجدي عليهم وجد شالح على ذيب=أو وجد سعدون العواجي على عقاب
أو وجد من صكّت عليه المغاليب=صكّوا عليه وحيد عكفان الأشناب
فيالله ياللي تعلم السر والغيب=تجمع عليّ في جنّة الخلد الأحباب

[نجم الإبداع]

إنا لله وانا اليه راجعون

رحم الله منشط والهمكم الصبر والسلوان

احسن الله عزاءك اخوي شجاع

وصح لسانك على المرثيه الجزله


لاهنت


تقبل مروري

وودي

[عايض المقاطي]

شجاع عمر الأكلبي



أحسن الله عزاك






وصح لسانك على الأيبات الجزله

[ابومياس]

الاخ شجاع

رحم الله موتاكم وموتى المسلمين

واحسن الله عزاكم بمن فقدتم

صح لسانك

وانا لله وانا اليه راجعون

[ام العمده]

الاخ/شجاع
إنا لله وإنا إليه راجعون
رحم اله الفقيد وادخله الجنه
والهم اهله وذويه الصبر والسلوان

صح لسانك واعتلى شانك

دمت بخير

[محمد بن عمار]

السلام عليكم ..
الأخ / شجاع
انا لله وانا اليه راجعون
والبقا براسك
محمد بن عمار

[صوت الإحساس]

غفرالله له واسكنه فسيح جناته


وكتب الله لك اجر الصبر والاحتساب



بيض الله وجهك رثاء من القلب


صادق الود

[الـزلـزال]

شجاع عمر الأكلبي


رحم الله ميتكم وأسكنه فسيح جناته

وعساها اخر الأحزان

وصح الله لسانك


لك تحياتي

[محمد عبدالله البدراني]

العزيز الغالي شجاع عمر الاكلبي سلمه الله


حتى في الرثاء تميزت ياشجاع وقلي من يأتي بقصيدة عزاء بهذه القوه


لله درك ومليون صح السانك ولايكفون


الله يجبر عزاك


تحياتي
مع اسمى ايات الشكر فائق الاحترام واطيب المنى رعاك الاله

[منيع]

رحم الله موتاكم وموتى جميع المسلين
ابيات رائعة
بارك الله فيك
تحياتي