أرض الامل

[ماجد الراشد الهيري]

تغلبني اللحظه على قمة الذوق =ودي اوصّل في غلاكم حماسي
لو يجتمع عالي سما جوك بروق=طلي عليّا وانثريها بلباسي
ياللي عطاك الله عن الناس منطوق=وكل البشر يكثر عليها التباسي
لو أكتب بنزف القلم كل طاروق=مدري توفي لجل قلبك حواسي
خليني اكتب في محبتك واتوق=نبض المشاعر ثابته في رواسي
لوحه رسمها خاطري فيك غرنوق=منهج وصوفك ياغناتي دراسي
ياخصر ياخذني على طول ممشوق=والا شعرها في ليالي دماسي
يالون خافت يالقى روح مطلوق=ياعطر أشمّه في جديده اماسي
ماني على قل الحكي عشت مطفوق=اجمع شتاتي واكفتي في قياسي
يالله عسى حبي معك حيل موثوق=اواااه ياحبن غدى فيه راسي
تغلبني اللحظه مسى فيه وشروق=بأرض الامل ياشوق عمري وناسي

شعر ماجد الراشد الهيري
اتمنى ان تنال رضاكم

[الطائر المهاجر]

شكرا لإبداعك
لاهنت
تحياتي

[مجدي صالح المبارك]

صح لسانك شاعرنا القدير

( ماجد الهيري )

على هذه القصيدة الجميلة

ودمت بكل خير وسلام

[محمد بن عمار]

هلا وغلا ابو راشد‏، كل عام وانت بخير وصح قلبك لاهنت ‏

[داعي الشوق]

يا سلام عليك يا بو راشد

قصيدة جدا رائعة

و قاف جميل و ابداع

صح لسااااااانك مليوون

ولاهنت شاعرنا المميز

*********

[الراقي]

صح لسانك واجــدت في بيانك

و بقي التمـــيز والاقتـــدار عنوانك

وأعتلا شــــــأنك

[بنت العز]

قصيدة جدا رائعة

و قاف جميل و ابداع

صح لسااااااانك مليوون

يعطيك العافيه

[الطامي]

الهيري
صح السانك ملايين
رائعة جدا
لاهنت اخي

[ماجد الراشد الهيري]

الطائر المهاجر
تسلم اخوي لاهنت على مرورك

[ماجد الراشد الهيري]

اخوي مجدي الله لايهينك تسلم على مرورك