العودة   منتديات الفطاحله > منتديات الشعر النبطي/يمنع الفيديو > رواد الشعر النبطي > رواد الشعر النبطي المعاصر

إضافة رد
 
أدوات الموضوع
قديم 01-09-2009, 12:16 AM   رقم المشاركة : 1
الذيب الذيب
عايض البشري/شاعر





معلومات إضافية
  النقاط : 10
  الحالة :الذيب الذيب غير متواجد حالياً

 

افتراضي سبيل بن سند




هو الشاعر سبيل بن سند المزيني الحربي
من قبيلة الحصنان من مزينة من بني سالم من حرب 0
ولد سنة [[ 1356 هـ ]] في ضواحي مدينة محافظة الرس بمنطقة القصيم 0وقد إلتحق في سن ٍ مبكرة من العمر في اللواء السادس بالحرس الوطني في مدينة الرياض وكان أمير الفوج // ســلا ّف بن مفضــّـي البهَـيْمـَة وذلك في حدود سنة ( 1374 ) هـ وعندما إنتقل اللواء السادس إلى منطقة جيزان إستقال من الخدمة 0
وبدأ في ممارســة قيادة سيارات النقــل , وقــد مارس هــذه المهنة فــترة طويلة , ثــم تركهــا في سنــة ( 1399 ) هـ وإستقر في منطقة القصيم حيث إمتهن الزراعة , وذلك في منطقة ( دهيما ) الزراعية الواقعة جنوب مدينة عنيزة 0
وقد توفي رحمة الله تعالى مساء الأثنين الموافق 13 من شهر محرم عام 1418 هـ , كما توفي إبنه سلمان في نفس الليلة 0
رحم الله سبيل إبن سند وأسكنه فسيح جناته إنه هو أهل التقوى وأهل المغفرة0

وقصايدة جزلة ومعبرة وواضحة يستمتع بها كل من قراها


يا اهْل الونيْت اللي على قاسمَيْنـي=من مصنعه مظهار ضـوْ المكينـة
وَقْدِه ليا جا مـع خطـاة البطِينـي=مِبْدار هِمْلـولٍ يجـي فيـه عِيْنـة
أكبر مـن الكيلـو ودون الثنينـي=ومتواطي الفنجـال باقـي جنينـه
سَمْعِي بَاذانيّـه وشوفـي بْعَينـي=يوم إيتقيْعَسْ ثـم يعطـي عرينـه
فات الزريـق وباغتـوه الكمينـي=وامرج عَيَا بين الزريـق وكمينـه
وتناولـوه وعــوَّدوا عايفيـنـي=ما غيـر يقلاهـم مَـرَار الغبينـة
مسراحهم قفْـوِه ضحـانٍ متينـي=ما ياصل اللي بين عَجِّـه وُبَيْنـه
آخر موديـل أول ونيـتٍ ثمينـي=فيمـا يحدُّونـه هَلِـه مرخصينـه
قلنا لهـم حِـدُّو يَبَـا الله يعينـي=من قدَّر الواجـب يبـا الله يعينـه
حَدَّو وعَدَّوا سَلْـم يـا سالمينـي=ابْـرَك نهـارٍ جابكـم جالبيـنـه
لعل مـن صَبِّـه عـوار اليدينـي=ما توجسه يمنـاه عاشـت يمينـه
الله ما هو فـي حاجـة العابدينـي=لا في رجا الكافر .. ولا عابدينـه
الله غنِـيٍ عـن عبـاده يقيـنـي=لكن مثل اللي بَنَى الجمس .. وَيْنه
هذا .. وتم البيـع بَيْنـه وبينـي=والكـل منّـا سيرتـه حاضرينـه
وسَلّمت مفتاحـه مـن المذربينـي=ذيبٍ غرابْ .. وقلب أسَدَّ وعرينـه
عزمه ليا طال المد َى مـا يلينـي=من صًلْب شيبـانٍ لنـا جاذبينـه
حبيب مرسالـي وساعـد يمينـي=عزم ووفا . . ومحَنَّـكٍ عارفينـه
وملفاه ريف الضيف، هَيْف السميني=هَدّاج ما حامـت ظوامـي قطينـه
رمْحٍ مضاريبـه تقـض الوتينـي=عوق الخصيم ليا لَعَبْ بـه قرينـه
جزا ليـا صـار المجـازا يقينـي=يافي ويوفي راعـي الدَّيـن دَيْنِـه
ورِّيْـث عَـوْدٍ رافـق الراحلينـي=ذبَّـوا طريـقٍ كلنـا ضاربيـنـه
صالح عساه برفقـة الصالحينـي=وم الحساب ويوم كشف الضغينـة
عسـاه بَيْـن حْضَـاه ومقرّبينـي=للهادي المعصـوم راع المديـنـة
ذكَّرتنـي يـا مْوَنّـس الغانمينـي=باسلوب مدخال البيوت الحصينـة
وادراك سـمٍ فـي وُبَـر ياقطينـي=بالغبَّة الخضرا وسقـت السفينـة
من قيل له مثلك مـن الوارثينـي=ما مات يا حـان بعوانيـه حينـه
له ساعةٍ مـن دون رَبْعِـه يبينـي=الضد يـا مسّـه تلاشـىَ يقينـه
إن ادَّعَىَ .. وإن قابـل المدّعِينـي=خصمه يقوم وحجته فـي جرينـه
مثل الجنين وسيـرة أم الجنينـي=يوم اعْرَسوا وِحْسَابهـم حاسبينـه
قضوا شهرهم في ظهور الهجينـي=وزاروك تالـي وقتهـم غانمينـه
وِرْعٍ جبر عظمه علـى المِشّتَيْنـي=واعرس على أمه طامع إنّك تعينـه
وضَرَبت في جلُّود راس الخمينـي=رَدَّيتهـم والـذنـب متقاسميـنـه
أدرك من البيبان بـاب السجينـي=من عندنا باب السجـن مدركينـه
ما اقولها خـوفٍ مـن الذاهبينـي=لومك على اللي ما يكرسع سنينـه
لكـن ذكـرَى تنفـع المومنيـنـي=خَوفي من اللي جنسهـم نافلينـه
لبَّاسَة القرمز .. هـلَ الحلقتينـي=والثالثه فرْق الجمـل عـن قرينـه
اللي لهم روس الرواسـي تلينـي=الله وُخلقـه فعلـهـم خابريـنـه






توقيع الذيب الذيب
 
  رد مع اقتباس
قديم 01-09-2009, 02:52 AM   رقم المشاركة : 2
نفحات حساسة
عصو شرف
 الصورة الرمزية نفحات حساسة





معلومات إضافية
  النقاط : 10
  الحالة :نفحات حساسة غير متواجد حالياً

 

افتراضي رد: سبيل بن سند


يعطيك العافيه اخوى..
على نقلك الرائع..
وقصيده رائعه..صح السان قايلها
تحياتى







توقيع نفحات حساسة
 
  رد مع اقتباس
قديم 01-09-2009, 12:12 PM   رقم المشاركة : 3
الطامي
منصور المري/شاعر/نائب المشرف العام
 الصورة الرمزية الطامي





معلومات إضافية
  النقاط : 10
  الحالة : الطامي متواجد حالياً

 

افتراضي رد: سبيل بن سند


الذيب
نقل رائع
وكلمات اروع
رحمه الله الشاعر
وشكرا لك







توقيع الطامي
 
ماتعودنا على خضع الجماهي=غير للي خالق انسه وجِنه
الفعول اخير من حكي الفكاهي=وكل رجال بفعله فاح بِنه
  رد مع اقتباس
قديم 01-09-2009, 12:23 PM   رقم المشاركة : 4
داعي الشوق
سعود العتيبي /شاعر/نائب المشرف العام
 الصورة الرمزية داعي الشوق






معلومات إضافية
  النقاط : 10
  الحالة : داعي الشوق متواجد حالياً

 

افتراضي رد: سبيل بن سند


ما قصرت يا عايض

و مشكوور على اتحافنا و تعريفنا بهذا الشاعر الكبير

رحمه الله و المسلمين اجمعين

ان كان له قصائد غير هذي عندك يا عايض

لا تبخل علينا

،،،،،،،،،،،

تحيتي لك







توقيع داعي الشوق
 
  رد مع اقتباس
قديم 01-09-2009, 05:20 PM   رقم المشاركة : 5
الذيب الذيب
عايض البشري/شاعر





معلومات إضافية
  النقاط : 10
  الحالة :الذيب الذيب غير متواجد حالياً

 

افتراضي رد: سبيل بن سند


نفحات حساسة... الطامي......... داعي الشوق
مليون شكر وتقدير لكم على المرور الجميل
اما عن الشاعر سبيل رحمه الله فله كثير من القصايد الجميلة وله ديوان بإسمه من تأليف فايز البدراني واسألبي طلبك أخي داعي الشوق في الأيام القادمة وآتيكم بما أستطيع من قصايد الشاعر
تحياتي للجميع







توقيع الذيب الذيب
 
  رد مع اقتباس
قديم 02-09-2009, 05:06 AM   رقم المشاركة : 6
عالي مستواها
عضو شرف
 الصورة الرمزية عالي مستواها





معلومات إضافية
  النقاط : 10
  الحالة :عالي مستواها غير متواجد حالياً

 

افتراضي رد: سبيل بن سند


صح لسانه
سلمت ايدك ياعايض على النقل الرائع لشاعر كبير ،،
قصيده رائعهوالأروع اختيارك له ،،
ننتظر منك المزيد
يعطيك 1000 عافيه
تقبل مروري
تحياتي لك







توقيع عالي مستواها
 

،،لاإله إلا الله ..أجمل العبارات إن ضاقت الكربات ،،و زادت الآهات واشتدت الأزمات ،،
فاللهم ارزقنا نطقها عند الحاجات ونجنا بها بعد الممات
  رد مع اقتباس
قديم 03-09-2009, 04:38 PM   رقم المشاركة : 7
الذيب الذيب
عايض البشري/شاعر





معلومات إضافية
  النقاط : 10
  الحالة :الذيب الذيب غير متواجد حالياً

 

افتراضي رد: سبيل بن سند


مليون شكر وتقدير لك أختي عالي مستواها
تحياتي لك وللجميع







توقيع الذيب الذيب
 
  رد مع اقتباس
قديم 03-09-2009, 11:49 PM   رقم المشاركة : 8
حي الضمير
خالد الحمد/ شاعر/عضو شرف
 الصورة الرمزية حي الضمير





معلومات إضافية
  النقاط : 10
  الحالة :حي الضمير غير متواجد حالياً

 

افتراضي رد: سبيل بن سند


مجهود رائع لشاعر مميز
والف شكر







توقيع حي الضمير
 
سبحان الله وبحمده سبحان الله العظيم
  رد مع اقتباس
قديم 03-09-2009, 11:59 PM   رقم المشاركة : 9
الذيب الذيب
عايض البشري/شاعر





معلومات إضافية
  النقاط : 10
  الحالة :الذيب الذيب غير متواجد حالياً

 

افتراضي انا نشدت العود


السلام عليكم ورحمة الله وبركاته
تحية طيبة للجميع
اليوم جايب لكم قصيدة جميلة لشاعر سبيل بن سند يقول فيها:

انا نشدت العود والعود ياسعـود=مع مانشدتـه صادمنـي دموعـه
وأقفيت ماثمّـن كلامـي بمـردود=الا بكـى يامـا تحنـن ضلوعـه
وانا اتخيل ماعن الحـال منشـود=لاكن ابـو تركـي تذكـر ربوعـه
ربعْ اليا ضاق السماملـح بـارود=يرمون للذيب العشا عقب جوعـه
عوق الخصيم وملتجي كل مضهود=من ناجع الحصنان ترك انجوعـه
كم واحدْ خلآ بني عـم واجـدود=ياسعود حي ويسمعني اسموعـه
حيْ شديدْ وان بغيتـوه موجـود=فضل جلوسْ بينهم عن رجوعـه
يتلون منور يوم حاوي ومـردود=زعيم جمـع كـل وادي ينوعـه
وده لحقهم دورنا اسهود ومهـود=كل يحط مـن المراكـي الكوعـه
لا بندقْ تنقل ولا سيـف مجـرود=باضلال اخو نوره وضله دروعـه
باضلالهم غلب الطماميع مفقـود=غيثْ علينا ماعلى الناس نوعـه
كم دولهْ طبيتها وجيـت مشهـود=يفرز على رجال اهلهـا بذوعـه
شفت المهونه والاجاويد بزهـود=شبعانهم عنـده يقيـن بجوعـه
واللي حلاله مايوقف على حـدود=متحري حروه لفقـر(ن) يلوعـه
يضوي على بابه طوابير واجنـود=ويطوقه جيش عديـده اجموعـه
يسلب حلاله سلب ويحال كـادود=ولوينلحق ما ذاق خلـي يتوعـه
والا ملكنـا بـاذل كـل مجهـود=للشعب بالرفعان هـذي طبوعـه
يسهر ليالي مادرينا بهـا رقـود=والخير من كل النواحـي دفوعـه
ويزيدنا منا غنـي عـن الـزود=والشاهد اللـي ماتعـدد فروعـه
مكتب ضمان مايبي فيه مقصـود=يعتاش به من لا تعيشه اسبوعـه
ومدارس تبنى ومساجد وممـدود=حبل الطلب ومسهلات اشروعـه

سبيل بن سند الحصني المزيني






توقيع الذيب الذيب
 
  رد مع اقتباس
قديم 06-09-2009, 05:37 PM   رقم المشاركة : 10
الذيب الذيب
عايض البشري/شاعر





معلومات إضافية
  النقاط : 10
  الحالة :الذيب الذيب غير متواجد حالياً

 

افتراضي رد: سبيل بن سند


شكرا لك حي الضمير على المرور الجميل







توقيع الذيب الذيب
 
  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 6 ( الأعضاء 0 والزوار 6)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
تعددت الأسباب والموت واحد"نقاش" احساس أنثى حوارات هادفة 15 16-12-2010 06:50 AM
سبيل الحصني شاعر حرب محمد عبدالله البدراني الشعر المنقول(خاص بالشعر النبطي) 17 15-12-2010 11:58 AM
ديوان شاعر حرب سبيل الحصني محمد عبدالله البدراني الشعر المنقول(خاص بالشعر النبطي) 20 09-12-2010 01:17 AM
هل من سبيل لأخبرها سالم البشري منتدى الشعر والخواطر بالفصيح 30 16-10-2008 09:11 PM
عابر سبيل سـاروز قصر الفطاحلة 10 28-11-2007 01:08 AM


الساعة الآن 12:26 AM.


Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة