لاصار عـندك من تعزه وتغليه

[الطائر المهاجر]

لاصار عندك من تعزه وتغليه =ولا حظت تغييرٍ بدا في فعاله
فتابع بصمت كود تعرف خوافيه= يمكن يخطط للردى والجهاله
تلقاه يخفي عنك ماكان ناويه= ويضحك بوجهك ممعنٍ ف الختاله
فناصحه بالمعروف ان هو نفع فيه= ولا من وجدت النصح فيه استحاله
دامك كشفت اللي خفى من هقاويه= فلا تبيّن انك عارفٍ باحتياله
اظهر له انك ماعرفت لخطاويه= وبادله بالضحكات واترك سؤاله
وخطط بفكر ما يجي في حراويه= واضرب بوقتٍ ماهقى باحتماله
ابعده عن دنياك لا تنخدع فيه = واقطع حبالٍ تجمعك في وصاله
واعرف ترى الحاضر مهو مثل ماضيه= والخلق غير الخلق في كل حاله
بعض انسلخ مما ورث من مباديه = وبعضٍ ضميره مات غرق بضلاله
واعرف ترى ان الدين في قلب راعيه= ماهو جدارٍ يلتجا في ظلاله
يلجا له اللي به بلى ما يخليه = يخدع لغيره كود يخفي مياله
تلقى يتصدق عن خطايا مواطيه= من مال يدري من حرامٍ سعى له
والله طيّب واضحاتٍ نواهيه = ما يقبل إلا كل طيّب نواله
ومن خادع الله ما نجح في مساعيه= ياسرع ما يرميه باعظم وباله
ومن لايخاف الله فلا يوم ترجيه = خله على فاله ودوّر بداله
ومن لا هداه الله فلا انتاب هاديه = كلٍ يحاسب يوم يلقى مآله

[عبدالله الشويمان]

صح السانك وصدقت يا ابو عبدالله

قصيده حكيمه وجزله..

لا هنت لا هنت..

[منيع]

كـــلٍ يـحـاسـب يـــوم يـلـقـى مـآلــه

رائع وجزل وحكيم
شكرا لك يادكتور
تحياتي

[حي الضمير]

مليارصح لسانك وفكرك ياشاعر الحكمه
قصيده ثريه ومميزه كعادتك يابوعبدالله

[حوريه]

دره نا دره لله درك
فيها من الحكمه الشيء الكثير
صح قلبك مدد طااائرنا ودام حرفك
ودمت بكل خير

0
0

صح لسااانك وفكرك

قصيده رائعه انت راعيها

سلم منطوقك وجاد بيانك

تقبل مروري وتقديري

[الطامي]

ومن خادع الله ما نجح في مساعيـه
ياسرع مـا يرميـه باعظـم وبالـه
ومن لايخاف الله فـلا يـوم ترجيـه
خلـه علـى فـالـه ودوّر بـدالـه
ومن لا هداه الله فـلا انتـاب هاديـه
كـلٍ يحاسـب يـوم يلقـى مـآلـه


،،،،،،،،،،،،،،،،،
الطائر
صح السانك ملايين
رائعة وهادفه لافض فوك اخي
شكرا لك

[فارس القوافي]

صح لسانك يابو بعدالله

لاهنت

يعطيك العافية

دمت بخير

[كظيم]

الله الله الله
صح لسانك يالطائر المهـاجر
ابيات وافيـه وجزلــه
فيها الحكم والعبر
ابدعت فيهـا يالدكتور لله درك
تقبلني وتقبل مروري المتواضع لاهنت
ودي وتقديري

[روح الشعر]

صح لسانك يبو عبدالله امتعتنا


تقبل هدوء مروري