العودة   منتديات الفطاحله > منتديات الشعر النبطي/يمنع الفيديو > ساحة المحاورات > محاورات خارجيه

إضافة رد
 
أدوات الموضوع
قديم 11-11-2007, 04:53 AM   رقم المشاركة : 11
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: محاورات متفرقه


ابراهيم الشيخي وصقر سليم

صقرسليم

سلام واهني هل الميدان بالشهر الكريم
وانته يابن زهران ياجعلك بخير وعافيه

انته تبى تغزي مع العتبان والا مع سليم
الحر يفهم بالاشاره والاشـاره كافيـه

ابراهيم الشيخي

يامرحبا والله غفـور ياصقـر والله رحيـم
وش كثر معك من الذنوب الظاهرة والخافية
العنصرية ياصقر راحت من العهـد القديـم
الله يديم الروس في ظـل البيـوت الدافيـة

صقرسليم

اما الذنوب الله يعينك ما حد(ن)منها سليم
انته على قول المثل نيتك ماهي صافيـه

يعني تبى تبقى كذا لافي نعيم ولاجحيـم
نقول وش دورك تقول الشر ناره طافيـه

براهيم الشيخي

مانته غريمي لا وصلنا للصراط المستقيم
يكفيك عن ذنب العمل ذنب الوزن والقافية
حنا مانبدي لين يغلي الدم فعروق الغريم
واللي نشوفة حرب حزبية ولعبة مافيـه

صقرسليم

الله عطاك العقل لاتقعد تعلم من غشيـم
الله واكبر وين تلقى الحـق والانصافيـه

اليا لزمك الصبر لين النار تالع فالهشيم
ماعاد لك فيها نصر تسفى عليها السافيه

براهيم الشيخي

ماني برب الهيم من جا وادي الهيما يهيم
ياكثر خوفي منك تترك خطـة العرافيـة
دام البلا من حفية الاقدام والشوكة تضيم
جلد النمر محد يحذي به قدمه الحافيـة

صقر سليم

اللي يبا يخلف مواثيق العهود امه عقيـم
خايف تصير ام المعارك قصة الصحافيـه

واخيبة اللي يجلبون التمر عند اهل القصيم
الاولـه والثانيـه والثالـثـه متقافـيـه

ابراهيم الشيخي

بلغ معزبنا يبو تركي يكثـر فاليديـم
اما غدا والا عشا وخلاف ماش خلافية
لولا انتظار العيد مافصلت ثوب لليتيـم
ياعيد مانته عيد مادام العرب متجافية

صقر سليم

يابو خليل اليا بغيت الصدق والله العظيـم
الوافيه ما يحتسيها غيـر راع الوافيـه

اليا برق برق الخيال وهب وذعذاع النسيم
الزمل تطرب للمساري والرقاب عجافيـه

ابراهيم الشيخي

لاتشتكي كثر الضما مادمت عند الما مقيم
بعض العرب لا ما ولا شاهي ولانسكافية
حنا تعبنا مالقينا بشـت لقمـان الحكيـم
كل العرب قامت تفصل فالبشوت الضافية







توقيع الطائر المهاجر
 
  رد مع اقتباس
قديم 11-11-2007, 04:57 AM   رقم المشاركة : 12
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: محاورات متفرقه


ملفي المورقي وصقر سليم


صقر سليم

سلام في حفل الحفاه اللي لهم قدر ومقـام
تاريخهم كل(ن)شهدله من قضاة المحكمـة
عندي كلاشنكوف روسي والذخيرة فالحزام
والشاعر اللي يعترض قدامي الله يرحمـه

ملفي المورقي

يامرحبا ياشاعر(ن)فالحفـل رديـت السـلام
عن عزوة تاريخهم ماهـو بخـط المرسمـة
ابشر بشرف(ن) يالبقيلي ضربها يشضا العظام
تذبحك يالرماي والرشاش تدخـل مـع فمـه

صقر سليم

حنا سليم العزوة اللي لاتـذل ولاتضـام
اللي تعلـم ماجهلنـا والغشيـم نعلمـه
ياراعي الشرف انتبه والغيظ شر الانتقام
اللي سلاحه شرف نقدر نلزمه بالزردمة

ملفي المورقي


نعم بكم ياسليم مافيكم عيوب ولاكـلام
لكن حنـا يالبقيلـي دولة(ن)متقدمـة
خابرك ذيب مايحب النور تعدي فالظلام
لكن ترا الراعي لو انه نام قلبه لغنمه

صقر سليم


حنا نحدث من حديث المصطفى ماهو حرام
وانت الحديث اللي تحدثبه حديث مسيلمـة
تبغا الحقيقة مايقـدم للمهمـات الجسـام
الا صميدع راس لاخاله ولاابـوه رخمـة

ملفي المورقي


ياصقر لاتضلم ترا ظلم العرب شر وحرام
ايطيح بكره في لهيب النار من زل اقدمه
الارض مخلوقه ذلول ولاركب فوق السنام
الاعتيبه هم سراج الـدار هـذا وعلمـه

صقر سليم

ياللي توصي بالنظام اعمل بما نص النظام
لاتحرم الخنزير وتعـود تدهـن بشحمـه
ماجا سنام الارض غير الوايلي ذاك الإمام
انتم ثنين اخوان واصغركم يدير منظمـه

ملفي المورقي


انا على منهاج ابويه جعل ابويـه للرحـام
نفسي عزيزه واكره الخنزير دمه ولحمـه
لو عودت ذيك السنين اللي قبل تسعين عام
تمسي وتصبح يالبقيلي ماتمص الك اعجمه

صقر سليم

خلك على نهج الرسول المصطفى خير الأنام
اللي حلال تـحلله واللـي حـرام تحرمـه
لوانها ترجع على وقت التحـدي والزحـام
اطيبكم اللي من جنان الجوع يرضع برطمه

ملفي المورقي

انا تعلمت الكتاب وغيـر وبلـوغ المـرام
شاعر وعندي علم واعرف كل شئ وافهمه
انته زمان فـات عينـك ماتهنـا بالمنـام
اليا بغيت تنام رحت وطحت في جوف سلمه

صقر سليم

والله ونعم المورقي مافيه عيب ولا ملام
الشعر غاطي هامته والعلم يجري مع دمه
حنا زمان(ن)فات حققنا مع المجد الوسام
يومن بعض الناس دمه فاللقا دم حلمـه







توقيع الطائر المهاجر
 
  رد مع اقتباس
قديم 11-11-2007, 05:06 AM   رقم المشاركة : 13
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: محاورات متفرقه


من شعر الكسره محاوره قديمة بين الشاعر الكرنب وعايد القريشي

الكرنب :
من صافي البال باقوله ........ اللي كوى خاطري بانيــه
سلام للجمع مبذولــــــة ....... وأهل الفرح والذي نرعيه

عايد :
نمشي على نص معقوله ....... خطا رسمته سوى نمشيه
يامرحبا قدر ما تقو لــه ....... زمان في خاطري حاسيه


الكرنب :
ســــلام ما يعد مجموله ....... ملحق على ما سلف نوفيه
مقصودنا الطيب بنجوله ....... ونكمله بالوفاء وننهيـــه


عايد:
ياراعي الطيب وكموله .......... ترحيب ثاني عليك اثنيـــــــه
وازيد فالطيب محصوله .......... حتى أبسطه خاطرك وارضيه


الكرنب :
ورد السلامات بنزوله ........... في ورد نكسب منه نرويه
سؤال يصدر لمسئوله .......... نبغى جوابه على محكيــه


عايد :
للان ما بان مفعولــه ....... ولا اتضحلي منه ما فيـــه
لابان سده ومجهوله ........ بحكم على قدر ما نوحيه



الكرنب :
تزايد القلب في غلولـــــه .......... ومجارحه كل ما ناديه
عاصي عن الطب ما طوله .......... يبغاه دايم كذا ينعيــه



عايد :
نحيرو قبلك كهوله .............. اللي شكو زي ما تشكيــه
لأنها صعبة حلولــه .............. وأنت انخضاعك يزيده تيه


الكرنب :
لا تقفل الباب بقفولـــــــــه ......... ذل الدليل الذي نشحيه
خلي عسى تسهل اسهوله ......... مدام قلبي عنا ما فيـه



عايد :
ان كان لك جهد ما يفوله .......... بعد اجتهادك ولا ترسيه
اترك ولا تقول وشهولــه .......... مدام عكر بحر صافيـــه







توقيع الطائر المهاجر
 
  رد مع اقتباس
قديم 11-11-2007, 05:50 AM   رقم المشاركة : 14
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: محاورات متفرقه


حمود البغيلي وعبدالله الفارسي


=حمود البغيلي
انته علامك تغط النور وانته فطين=هذي عوايد دخيله في حروب الحجاز
ان كان يالحربي اغواكم بليس اللعين=لاتضرب الناس في كفك وبيتك قزاز
=عبدالله الفارسي
ان كان عندك على ماقلت لي شاهدين=الد لك بالنظر واقول بيتك عزاز
وان كان هذي سواليف الحسن والحسين=الناس تدري عن اللي يوم الافعال فاز
=حمود البغيلي
انشد وتلقى الخبر في دفتر الاولين=وان كان قلبك ضعيّف روح ركب جهاز
تحمد الله على الاسلام والمسلمين=خلوك تمشي بهالدنيا بليا جواز
=عبدالله الفارسي
مايرصدون الحقيقة ناس متحيزين=لاتعتنز في رجال ٍ ماعليها اعتناز
وانته ( حمود البغيلي ) والعرب عارفين=الكلمه الصادقه ماهي سوات النشاز
=حمود البغيلي
العلم ثابت ولاتمحاه طول السنين=وانته من اللي جرى في داخلك خاز باز
واليوم صارت سهود مهود والله يعين=عقب الجمل صرت تركب من جديد الطراز
=عبدالله الفارسي
انته تبيها لكن اهل الفعل رافضين=لو هازت الناس صفك صفنا مايهاز
حنا على وضعنا اللي تخبره ثابتين=ماهمنا قوة الطاغي ولا الابتزاز
=حمود البغيلي
اصفوفنا عامرات من يسار ويمين =وانطق في راسكم بالحق بير ارتواز
الذيب مايلتفت في راغة ابا الحصين=والنار تكبر ليا جبنا لها خام قاز
=عبدالله الفارسي
صفوفكم في نهار الفعل راحت طحين=والطيب اللي تحرز حزة الاحتراز
الفعل ماهو لمن غنى وجر الونين=الفعل للي يروز وماقفه مايراز
=حمود البغيلي
القول والفعل قاسي عندنا مالين=ولا خذت في الجولة الاولى علينا امتياز
يوم انكسرت وخضعت وطحت للطامعين=لو ترتكز ماكتب لك في الحياة ارتكاز
=عبدالله الفارسي
ياحمود في الهرج من قدك وترطن رطين=وان عودت للفعول نحط بكره مراز
يوم التحدي وصلت مع اول الواصلين=وانا على موقفي ماصار فيه اهتزاز






توقيع الطائر المهاجر
 
  رد مع اقتباس
قديم 11-11-2007, 05:54 AM   رقم المشاركة : 15
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: محاورات متفرقه


علـي ابن بـلال و محمـد ابن هـضيـبان

=علـي ابن بـلال :
سلام رديـه نعـم ابهـا هل السمعه جمـيع = والليل توه عبر الانتر ويا مشاعر عبري
جينا نبيع ونشتري من يشتري ولا يبيع = لولا الرجـاء فالربح ماجينا نبيع ونشتري
=محمـد ابن هـضيـبان :
يا مـرحبـا ومن جابـها يرجـع بهـا يم المـذيع = من علي ولا من بلال ويا سحابه مطري
ان بعت بيع وطيع والغالي على الريع الوسيع = يا شاري الغالي على الغالي تبيع وتشتري
=علـي ابن بـلال :
ابك البقاء والشعر امانه ما يضيعها الوديع = والفـــرق يا نقــاد للشــاعــر عن المـستشعـري
كلن يشوف بعين طبعه والدليله ما يضيع = والشعـر ديـوان العـرب وابـدونهم وش يحـتري
=محمـد ابن هـضيـبان :
الله يعـزك يا خلف والله يبـيحك يالفــديع = الشعر يا ابن بلال من مستشعر اشعاري بري
يا حافظين الجوهر المكنون عن عين الضبيع = ما عادل الجوهر على الميزان ملبوس الزري
=علـي ابن بـلال :
أميــن يا مــاشــي مـع الخـط الجبـاري والسـريـع = الله كـريم اغنا خلف من دعوتك والخنفـري
وبالوحي ما يسمن ولا يغني من الجوع الضريع = والا الكريم يقـوم بحقـوق الرجال وهو جـري
=محمـد ابن هـضيـبان :
راعي الدبش يشفق على يـومـا مـن ايام الربيع = والليـله اللي ما تضــوي مـرجله مـا تنسـري
ان كانها ما غير ناقه لا ديوس ولا رضيع = حجـرف ما قـال الفقـر دون الضيف واقـف في نحري






توقيع الطائر المهاجر
 
  رد مع اقتباس
قديم 11-11-2007, 09:39 AM   رقم المشاركة : 16
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: محاورات متفرقه


السلام عليكم ورحمة الله وبركاته


محاوره بين الشاعرين الكبيرين / غنيم الخبيش السهلي و زيد العضيله المطيري



زيد العضيله

ألا ياهبوب الريح هبّي لنا بغنيم=نبا ناخذ أخباره بعد طوّل الغيبه
أنا خابره رحّال واليوم صار مقيم=وأخبْره ولد مير الولد رايحٍ شيبه

غنيم الخبيش

ألا يالمطيري صايرٍ في سماكم غيم=وأناخابرك رجّال والطيب تحري به
ولانيب كنّي زيد تال السنين مسيم=ذلوله مع الطاروق تقبل وتقفي به


زيد العضيله

أشوف الولد راحت عيونه عيون يتيم=عيونه يقلّبها بسفرة معازيبه
طروق الهوى غنوا بها في غزال الريم=عسى اللي ضوى باللي ورى الحد يضوي به


غنيم الخبيش

أخذ الاوله يازيد من صاحبك تكريم=ولن عادها لي زيد أباأشذب عراقيبه
طروق الهوى مدفونةٍ في عروق خريم=تسلاّ بها زيد المطيري وأصاحيبه


زيد العضيله

أعلّمك للتكتيك والحرب والتلغيم=على شان نعطيك اللغم ثم ترمي به
زمانٍ مضى تارد طوال العدود محيم=وتشرب ولوعنتر فتل رؤوس أشانيبه

غنيم الخبيش

أنا أقدّر الرجال لومنه أشوف الظيم=حقوق العرب محفوظةٍ في طرف جيبه
ولوتحسب إنّي لوتنوم الذيابه نيم=أدوّر كبير القوم وأقطع مطاليبه


زيد العضيله

ليال التجارب عرّفتني خشم وخشيم=وأبوخشم قاصر ماعرف وش يصلّي به
ألا ياخيال الوسم مع درب سيلك ديم=عسى من سبح به مايغثرب مشاريبه


غنيم الخبيش

ليال التجارب ظمّتك في كتاب سليم=وأنا أخبر أبوك العام ينشر مكاتيبه
تبينا نجي ونلحّم السالفه تلحيم=وأخلّيك بين الشك يازيد والريبه



زيد العضيله

ترى هجرة النعمه تعلّم على التنعيم=ومنّا مخابر شي لازم يهذري به
ألايالبيب القلب خلّك حكيم فهيم=ترى من ضحك لابليس يكفى محاليبه

بواسطة ناصر السهلي






توقيع الطائر المهاجر
 
  رد مع اقتباس
قديم 28-04-2008, 12:42 PM   رقم المشاركة : 17
ابراهيم عبدالحميد
الخريف الحزين/عضو شرف





معلومات إضافية
  النقاط : 10
  الحالة :ابراهيم عبدالحميد غير متواجد حالياً

 

افتراضي رد: محاورات متفرقه


الطائر المهاجر

مجهود رائع أخى الفاضل يسموا بذقك و تألقك
دمت و سلمت وغنمت







توقيع ابراهيم عبدالحميد
  رد مع اقتباس
قديم 23-11-2008, 04:33 PM   رقم المشاركة : 18
حي الضمير
خالد الحمد/ شاعر/عضو شرف
 الصورة الرمزية حي الضمير





معلومات إضافية
  النقاط : 10
  الحالة :حي الضمير غير متواجد حالياً

 

افتراضي رد: محاورات متفرقه


شعار مبدعين ومحاوره رائعه
وبيض الله وجهك على النقل







توقيع حي الضمير
 
سبحان الله وبحمده سبحان الله العظيم
  رد مع اقتباس
قديم 13-02-2009, 04:20 PM   رقم المشاركة : 19
موج القصيد




معلومات إضافية
  النقاط :
  الحالة :

 

افتراضي رد: محاورات متفرقه




سلمت يمناك يا الطائر

اختيار طيب

لا هنت

موج القصيد








توقيع موج القصيد
 
  رد مع اقتباس
قديم 31-03-2009, 05:33 PM   رقم المشاركة : 20
صعبة المنال
سفيرة الفكر/عضو شرف
 الصورة الرمزية صعبة المنال






معلومات إضافية
  النقاط : 10
  الحالة :صعبة المنال غير متواجد حالياً

 

افتراضي رد: محاورات متفرقه


اختيار موفق



يعطيك العافية


صعووب







توقيع صعبة المنال
 
  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
محاورات ملفي المورقي الطائر المهاجر محاورات خارجيه 17 18-03-2011 02:07 PM
محاورات المسعودي الطائر المهاجر محاورات خارجيه 17 15-12-2010 11:58 AM
محاورات الجبرتي الطائر المهاجر محاورات خارجيه 20 09-12-2010 01:17 AM


الساعة الآن 08:07 PM.


Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة