ف "النت" نقرا حروف ونجهل الكاتب

[الطائر المهاجر]

ف "النت" نقرا حروف ونجهل الكاتب = ومن الكتابه نحاول نفهم الصوره
احدٍ وضوحه ثبات لْنظرة الثاقب = واحد يتلوّن بخبثه يخفي شروره
فليّا تعجل بحكمك وانتظر راقب = حتى تعرف الرجل والخافي بغوره
لانّك مع الوقت تعرف منهو الصاحب= وتدري من اللي تخبّى وسط ديجوره
هذاك مهما اختلفتوا يعرف الواجب = ياخذ ويعطي معك ما شكل خطوره
يمكن يعاتبك وانت بدورك تعاتب = القلب أبيّض ودربه واضحٍ نوره
مثله يحاربه فاشل ماكرٍ كاذب = ولا واجهه تلمع خدوده بحموره
وهذا جبان و ذليلٍ بالغدر ذارب= تلقاه باسماء كثيره بعضها عوره
ولو هو يزيّن كلامه للنظر جاذب= مكشوف لعبه وواضح لحن مجروره
حتى ولو هو ترهبل كنه الراهب = لا من لقى فرصته ماله عن الخوره
ما كل رجلٍ بثوب ودقن او شارب = البعض ودّك يلبّس طقم تنوره
في داخله شاة لو تاقف ورا حاجب = لا شافت الذيب ترجف منه مذعوره
يبغاك تمشي بكيفه لوهو مذانب = ولا قلت هذا غلط ما تامن لْجوره
يمشي بسرعه مطفي النور مايحاسب= لأنّه بزعمه ذكي وضابطٍ دوره
يرسم مع اللي يظنّه ذيبه القانب = من كل جاهل بوضعه ماشي بشوره
ترخي حباله وتكرب بالحبل قاضب= ترسم بعقلك وهو يرسم بطبشوره
يمكر وتمكر وفي حسبته تتلاعب= وفي الآخره تكشف اللي باعمق بحوره
من شان يفهمه مخدوعٍ وبه عاجب= ويجنّب الداب مايقرب من جحوره
خوته عارٍ على من صار له صاحب= والرجل من صحبته يُحكم على اموره

[ابومياس]

لانّك مع الوقت تعرف منهو الصاحـب
............وتدري من اللي تخبّى وسط ديجـوره

يسعد صباحك يارفيق الدرب

نص حكيم من حكيم

صح لسانك لاهنت

دمت بخير

[عبدالعزيز الرقابي]

ياسلام عليك يابو عبدالله في هذا الصباح الجميل ..

قصيدة حكمه من الطراز الفاخر ..
كل بيت تقرأه تجده أجمل من الذي قبله ..
كتبت .. فأصبت كبد الحقيقه ..
وهذه أحوال أشباح التقنيه ..

أعجابي الدائم ..

[زهرة اللوتس]

الله الله يا ابو عبدالله

ابيات في منتهى الرووووعه والذوق
جزله من شاعر جزل

لاهنت على هالبوح
وهالدرر اللي نثرتها بيننا


قصيدة في قمة الروعـَة
توشحت من الحكم صدقها .. ومن المعاني اروعهَـا
دائما في انتظار جديدك بشغف


تقديري واحترامي..



زهره

[عذب القوافي]

صدقت بكل حرف كتبت ابوعبدالله

صح لسانك

وجاد بيانك

نص وافي من شاعر مخضرم

تقديري ,,,,,,

[نجم الإبداع]

صح لسانك يادكتور

صور واقعيه

لاهنت

تقبل مروري

وتقديري

[مبارك أبوظهير]

الله الله



قصيده لم تكتب من فراااااااااااغ




الطائر المهاجر ..



صح قلبك وفكرك ... دائما حضورك واااااارف




إعجابي .. غلاااااااااااي




م ن

[سناعيس]

وهذا جبـان و ذليـلٍ بالغـدر ذارب
تلقاه باسماء كثيـره بعضهـا عـوره

انا اشهد انك صدقت يابو عبدالله
للاسف هذا الحال مع كثير من المنتديات
فلربما هذه القصيدة تصحي بعض القلوب المريضه
لانستطيع الا ان نقول صح لسانك ولله درك

تحياتي

[حوريه]

شاعرنا الرااااقي..

صح لسانك واعتلى شانك

قصيده جزله من شاعر جزل ومتمكن

تحكي عن الحاال في بعض المواقع

دااام حرفك ونبض

ولاهنت

[منيع]

دكتورتحليلك منطقي
شكرا لك
تحياتي