حسين الدل

[محمد بن عمار]

السلام عليكم ...
الريم فيه سرّ عجزت أسبر أغواره
لأنه دايما ً عجل ويتذيّر من ظلاله ،
لذوائقكم مشاركتي المتواضعة ...

حسين الدل

هلا ً، بالريم يوم أقبل يسابق ظلـّه بممشاه = تعـثـّر بالخطى خايف وهو، في منطقة مرماي
هلا والشوق له حيّاه ، من مسراه إلى ملفاه = كما شوق الزروع اللي تحرّى رجعة السّـقاي
حسين الدل رعبوب ٍ جماله والحسن أطغاه = ولحظ الموت بالنظرة متى ماطالعت بأغضاي
عـيونه ترمش المعـنى وقـلبي بلحظها يقراه = إذا جت عـينه بعيني تترجم قصدي ومعناي
متى ماابحرت بعيونه أغوص بعمقها وألقاه = بعيد ٍ مايوصّلني ، قراره ، هاجسي ، ومناي
أشوف البسمة ويعجزلساني وصفها بشفاه = وتخون الذاكرة فكري ، وأحمّل غلطتي دنياي
على صفحة جبينه ينعكس نورالقمر بضياه = ينوّر، لي ظلام الـفكر ، لحظة يبتدي مسراي
سريت بهاجسي لأجله توغلت بمحيط حماه = أروّض مهرة أفكاره ، تعـود لموطني وحماي
أسافرمع خيال الشوق سابح في بحور رضاه = أجدّف بالغلا مركب هوانا ، يرسي بمرساي
إذا خـذت القلم ، كل القوافي من يدي تخشاه = تقول السمع والطاعة وفيما قلت هذا امضاي
أعـسف القاف والمعنى ، بكيفي آمره وأنهاه = أطوّع ،نايفات القيل ، وهذا في الشعر مبداي
أنالفيّت بحر القاف ، من أدناه ، إلين أقصاه = معاني تحتضر، مغتالها شخص ٍ سفيه الرآي
وأنا مالي مرام ٍ ، كان فكره ، مبعـد بمغـزاه = ولا لي في الهجاء إلا إن بلا ني شاعر ٍ خطاّي
كماعـد ٍ قـراح ٍ ما ورد ، ماه الدلو، ورشاه = متى ما فاض جمّي ترتوي شهب القفار، بماي
وعـرضي ماتدنس ،يوم كل ٍ هاجسه أغواه = حفظت النفس عن عوج الدروب بفعلي بيمناي
أعرف الرجل بأفعاله ، تدسمّ شاربه ، يمناه = ودرب ٍ يوصل المنقود عن مشيه تشوم خطاي
ورثته عن رجال ٍ درّسوني العلم ،من مبداه = وطابت سيرتي من طيب أبوي وجدي ومجناي
ومن يشري رضاي بدين نقد ٍ إشتريت رضاه = فداه اللآش ، دامه ماتغالا ، في العمرمشراي
عزيز ٍ ما أصاحب غير من مثلي عزيز الجاه = يثمّن طاعة الله والردى ، ماهوب ، به مشّاي

مودتي لتواصلكم الباسق
محمد بن عمار

[الطائر المهاجر]

احيي فيك هذا الحضور الممتع
صح لسانك ولاهنت
تقبل اجمل التحيه

[هترل]

كأني بك تقول ان حضرنا حضر الشعر ..



الله الله
صح لسانك يابن عمار ترليوونات
مبدع وممتع كعادتك لا فض فوك
وانعم واكرم بك وبلابتك وبقصيدك يالخوي


تحياتي وتقديري

[ساهر الليل]

صح لسانك يابن عمااار

ابدعت فامتعت بهذه الشامخه

حضور مميز وابداع مميز من شاعر مميز

مكثت بين الحروف ولازلت مستمتعا بعذب القصيد

خالص مودتي يا شاعر

دمت كما انت متالقا في سماء الابداع

تحيتي ووودي

[منيع]

الشعر الممتع والمميز تلقاه عند ابن عمار
تسلم اخي الكريم
تحياتي لكم

[عيادة الجهيلي]

ياسلام لله درك ياشيخ لله درك مليون صح السانك ياالغالي

[جوها حب وحنين]

صح لسانك ياابن عمار .. ويسلم لنا بوحك

[مشعل التريباني]

اخوي محمد عمار
رائع يامحمد لافظ فوك
ايها الشاعر المميز صراحه
ابدعت وامتعت تحياتي لك

[داعي الشوق]

قصيده معانيها تجرح يا جريح القصيد

صح لسانك مليوون يا بو عبدالعزيز

و مافيك حيله

مع تقديري و سلامي لك يا مبدع

ولاهنت

[ابراهيم غضيان الشراري]

الله الله الله
رائعة بمعنى الكلمة الله يعطيك العافية.
صح لسانك أخوي محمد. تحياتي.