مجدي اشوف الوقت عقد احجاجه

[منيع]

هذي محاورة بيني وبين اخي الشاعر مجدي المبارك
امل ان تحوز على رضاكم وترانااعليميه ونتعلم من الكبار
------

مجدي اشوف الوقت عقد احجاجه=واقطب جبينه وصارمابه مسرات
ماادري علامه يوم يبدي انزعاجه=مني السبب ولا للايام دورات

رد اخي مجدي

هذا الزمن ياخوي صعبٍ علاجه=يخفي بطياته عقارب وحيات
فيه اللئيم يسود قومٍ بتاجه=وفيه الكريم اللي على الظيم يقتات

ردي عليه

المشكلة وقت العنا به لجاجه=ياما وياما صابني منه صكات
ان جيت اعدلها تزيد انعواجه=وانالها لوهي تطول المسافات

رد اخي مجدي المبارك

قلبي معنَى ومنك زاد اختلاجه=وانا ضحية طيبتي والملمات
قزرت عمري في رجا ربع حاجه=وين اللي قالوا صاحب الطيب ما مات

ردي على اخي مجدي

مافيه قلب ن ماتغير مزاجه=بقعا توريك النكد كل الاوقات
ولاثارمن عج الليالي عجاجه=اصمد لها مثل الجبال المنيفات

رد اخي مجدي المبارك

صبرت مير القلب مثل الزجاجه=متى اتَكسر جبرها صار هيهات
الهم من همي يولَع سراجه=وجرحي تعلَى فوق روس المجرات

ردي على اخي مجدي المبارك

اجل ارض الله وسيعٍ ن فجاجه=وان طعتني ننصب لقبرك علامات
وندفنك في قاعٍ ن كثيرٍ هماجه=هذا دواك واخرالطب كيات

ههههههههههههههه
رد اخي مجدي المبارك

ان كان في شورك لهمي انفراجه=والله لارضى به مع كل مافات
وخط بيمينك فوق رمسي وسياجه=هنا ضحية بن حمد شيخ الابيات

ردي على اخي مجدي

تموت النفوس اللي فكرها سماجه=هي والعدم واحد ولابها جمالات
ياصاحبي ماقلتها من رجاجه=سلمى وانا منها اموري صعيبات

رد اخي مجدي

جعل الذي حاشك يموت ابتهاجه=وينقع بكاس المر مره ومرات
قلبي لاجل قلبك يقدم خراجه=يامن ودادك ساكنٍ داخل الذات

ردي على اخي مجدي

تسلم وسوق الود عزل حراجه=ماباقي الامن هل الجود كلمات
وبك (البقا) عد الفجر وانبلاجه=عداك عيب اهل النفوس الشحيحات

امل ان تحوز على بعض من رضاكم
تحياتي

[نجم الإبداع]

صح لسانك يامنيع

وصح لسان مجدي

شعار كبار

ومحاوره وافيه


شكرا لاتحافنا

لاهنت

تحياتي

[الطامي]

منيع
الله على هالرائعة الباسقه
ابيات عن قصائد
صح السانتكم على هذا الصوت والصدى الرائيعين
شكرا لك

[داعي الشوق]

صح لسانك يامنيع

وصح لسان مجدي

شعار كبار

ومحاوره وافيه

و رائعة

تحيتي لك

[محمد عبدالله البدراني]

صح السانك يامنيع

وصح السان مجدي


ماقصرتم وبيض الله وجيهكم


لاهنت اخوي

ويعطيك العافيه


تحيتي

[عبدالله راشد الثويني]

شعراء كبار أبدعتم صوت وصدى رائعين
قافيه ومضمون .. صحت ألسنتكم ولا عدمناكم
كل الوٌد

[النهج المختلف]

صح السانك يامنيع ,,

صح السانك يامجدي ,,


محاورة رائعة شعار مبدعين ,, ,,

بيض الله وجيهكم امتعتونا معاكم

الله يعطيك العافية يامنيع على النقل الرائع والجميل ,, ,,

تحياتي وتقديري ,, ,,

[رفيعة الشان]

الله راائعه جداً جداً

بقعا توريك النكد كل الاوقات
وانا ضحية طيبتي والملماات


الله علييكم ابدعتوا

الله لا يهينكم وصح الله لسنتكم جميعاً

[منيع]

المشاركة الأصلية كتبت بواسطة صدى الإلهام

صح لسانك يامنيع

وصح لسان مجدي

شعار كبار

ومحاوره وافيه


شكرا لاتحافنا

لاهنت

تحياتي

حياك الله اخي العزيز ابومحمد
شكرا لمروركم الراقي
ربي يرعاكم
تحياتي

[منيع]

المشاركة الأصلية كتبت بواسطة الطامي

منيع
الله على هالرائعة الباسقه
ابيات عن قصائد
صح السانتكم على هذا الصوت والصدى الرائيعين
شكرا لك

ياهلا وغلا
حياك الله
تشرفت بتواجدك
تحياتي