فرقاك (أول محاوله)

[سامي الشهري]

السلام عليكم .. أولى تنتظر النقد


في هدنة الآه تتعبيني واخـبي
واصرخ بكل ما لا تهديه سلـوه

فرقاك يخنق قلب منهو تحـبي
ينهي عمر ما اكتمل معك تـوه

عودي وانا للي بيرضيك الـبي
عودي ولك طعنتك بالصدر رضوه

حبـك وميـلادك تلاقو بقلـبي
يلتاع قلبي إن رحلتي بخطـوه

ماهي عدالة لو تجازين حـبي
بالصد.. وانا كلي غرام ومـروه

تترك خطى بعدك غيابك بدربـي
أبعد وغيري يقترب منك دنـوه

اول.. انا ذايـب بحبـك واخـبي
واليوم شوقي من عيوني تفـوه

[الطائر المهاجر]

محاولة طيبه
وفي اغلبها جيده
عودي وانا للي بيرضيك الـبي
عودي ونادي وانا لك البي
حاول جميع الأشطر الأولى تكون بنفس وزن وقوة هذا
حبـك وميـلادك تلاقو بقلـبي
والأشطر الثانيه تكون بنفس وزن وقوة
يلتاع قلبي إن رحلتي بخطـوه
ويفضل ان يكون كما يلي
يلتاع قلبي لا ابتعدتي بخطوه (تنطق لبتعدتي)
صح لسانك
تحياتي

[سامي الشهري]

حياك الله أستاذنا العزيز.. وصح بدنك
شرف لي أني تعلمت أساسيات الكتابه
من خلال مواضيعك الذهبيه ولا زلت أطمع بنقدك..

نصائحك بضعها بعين الإعتبار..
وأتمنى لو فيه كسور بالابيات تفيدني فيها (او المشرفين)
حتى أعدلها قدر الامكان.. شاكر ومقدر

[الطامي]

هلا سامي
نعم انها خطوة طيبه
وبداية مميزه

[عبدالله السويلم]

اخوي سامي

بدايه طيبه


لكن فيه طريقه تنفع في البدايات


حاول تكتب على لحن معروف


وغن ابياتك عليه وحاول انها تمشي مع اللحن وغير في الكلمات لحد مايمشي اللحن مع الكلمات بسلاسه


وحاول تكتب ابيات قصيره الى ان تتعود


اما ل ان الفكره وصلت


والى الامام
تحياتي لك