حـسـبـي عليكـم عـــواذل لا تـزيــدوني **

داعي الشوق · 29-09-2009, 02:18 AM

حسبي عليكم عواذل لا تزيدوني = حلفت ما اسمع لكم لو طالت ايامي
لا تكثرون الجدل بالله خلوني = خلوني أعيش وارسم باقي احلامي
أحلام حبٍ بنيته عند مزيوني = على الصفاء والوفاء متأسس وسامي
أنتم سبب كل عاشق صار مغبوني = اصبح ضحية كلام و قول نمامي
منكم ترا بالهوى قد شابت عيوني = منكم جريح الهوى في جدل وخصامي
درب الهوى يا عواذل درب ماموني = فيه الولايف تسير بذوق ونظامي
الكل مغرم بنار الحب مفتوني = خلان والشوق ممدودٍ و مترامي
ولا يعكره كود اللي يعذلوني = اللي على اهل الهوى اسلوبهم دامي
وانا وحبيبي غمرنا الحب بجنوني = متبادلين الغلا والحب بهيامي
والله من عذلنا ما تستطيعوني = حبي وحبه وثيق العهد والزامي
عهدٍ مع الزين ما خونه ولا يخوني = لو كان عشنا الدهر و الحظ ما قامي
قلبي وقلبه ولايف كان توحوني = يا هل الهوى بلّـغوا من كان لوامي

طلال البدور الشهراني · 29-09-2009, 02:40 AM

قصيدة ممتازة
ورائعه
وغير مستغربه
لاهنت

الطائر المهاجر · 29-09-2009, 02:49 AM

رائع ما خطته اناملك وأملاه فكرك
تقبل شكري وتقديري
مع أطيب التحية

شجون القصيد · 29-09-2009, 02:54 AM

الله الله الله

عذبة كلماتك تلامس الاحساس بلطافتها

وتسرق العيون بجمال إبداعها

انعمت على ذائقتنا باحساسك العميق هذا

صح لسااانك ملااايين داعي عودتنا على الروووعه

سأظل دائما اترقب عطر كلماتك

دمت بخير