"صبحٍ تنفس"

"صبحٍ تنفس"
*
*

غيم الهوي قدام عيني شروقه=لكن بقلبي يحترق هم واهات
يقوله اللي كل بارق يسوقه=يجتاح باحساسه جميع المسافات
صبحٍ تنفس في بهاه وسبوقه=كنه يحاكي مهجة الروح والذات
لافَجْ في صدر الليالي فتوقه=يشعل شموعه بالغلا ضُوح نجمات
يسهر على ذكرى حبيبٍ يشوقه=ويقول تو الوقت بدري و لا فات
ذكراك بلسم خافقي وانت ذوقه=يامرحبا فيها إلى منّها جات
طيفك كما مزنٍ ترزّم بروقه=عطاه دائم والليالي مديات
وحبك سرى بالقلب داخل عروقه=حبٍ يفوق الوصف في كل الاوقات
غيرك بداخل ناظري طاح سوقه=بينك وبينه في عيوني مسافات
عٍزَّاه من روحٍ ٍ عليك مْحروقه=تبكي حنين وتمسح الدمع بسكات
والدمع غطى كل شي يفوقه=إلا الحنين إللي له سْنين ما مات
نزف الألم يجتاح داخل عروقه=قلبٍ تعلم في هواك المعاناة
ياقلب لا يزعلك غيبة بروقه=من حْب قلبه يسهر الليل مابات
أنصحك ساير صاحبك لا تبوقه=يمكن ظروفه ماتساعد للانصات
حاول وجرب واستمر في لحوقه=لابد مايسقيك مُره حلاوات
وخلك مع اللي شفت فنّه وذوقه=حتى يْتحقق حلم ذاتك مع الذات

*
*

مع تقديري للجميع
*
*

واعتذاري في تأخير مشاركاتي
*
*

اختكم
*
*

ينابيع السبيعي

[محمد الأحمري]

صح لسااااااااانكـ
مليووووووووووووون
ولا يكفون
وبيض الله وجهك أختي

وتشرفت كوني من اول الرادين
على هذه الابيات الرائعه

أختي في الله
أمنياتي لك با الخير والتوفيق
في الدنيا والآخره

وتقبلي تحيات
أخوك/

محمد الأحمري

[داعي الشوق]

الله عليك يا ينابيع

صح لسانك فعلا ينابيع من حروف تتلألأ جمالا وروعه

صح لسانك مره ثانية أختي الفاضله

ولك تحياتي ،،،

[صوت الإحساس]

سلم نبضك يا ينابيع الإبداع اسجل إعجابي ببوحك وعذوبة روحك

[الصريح العتيبي]

الاخت/ينابيع
صح لسانك واعتلى شانك ابيات في غاية الجمال لاهنتي
دمتي بخير

[ماجد الزيد]

سلمتي وسلم فكرك الراقي
نص رائع عذب لله درّك
وهذا النص الفاخر
يشفع لك تأخرك
تأكدي أننا سننتظر القادم بشوق
دمتي بخير

المشاركة الأصلية كتبت بواسطة محمد الأحمري

صح لسااااااااانكـ
مليووووووووووووون
ولا يكفون
وبيض الله وجهك أختي

وتشرفت كوني من اول الرادين
على هذه الابيات الرائعه

أختي في الله
أمنياتي لك با الخير والتوفيق
في الدنيا والآخره

وتقبلي تحيات
أخوك/

محمد الأحمري

أخي الجميل محمد الأحمري
صح الله قلبك
وكم أسعدني مرورك وكلماتك الذوق
أخي الكريم الف شكر
وكل التقدير
أختك
ينابيع السبيعي

المشاركة الأصلية كتبت بواسطة سعود بن سعد الحافي

الله عليك يا ينابيع

صح لسانك فعلا ينابيع من حروف تتلألأ جمالا وروعه

صح لسانك مره ثانية أختي الفاضله

ولك تحياتي ،،،

أخي الكريم سعود بن سعد الحافي
كل الشكر لجمال مرورك العطر
وصح الله قلبك
دمت ودامت اشراقة تواجدك وحضورك
اختك
ينابيع السبيعي

المشاركة الأصلية كتبت بواسطة علي بن مساعد الغامدي

سلم نبضك يا ينابيع الإبداع اسجل إعجابي ببوحك وعذوبة روحك

أخي الكريم علي بن مساعد الغامدي
ويسلم قلبك وروحك
الف شكر ولك أعذب تحاياي
وفائق تقديري
أختك
ينابيع السبيعي

المشاركة الأصلية كتبت بواسطة الصريح العتيبي

الاخت/ينابيع
صح لسانك واعتلى شانك ابيات في غاية الجمال لاهنتي
دمتي بخير

أخي الكريم
كم اسعدني مرورك وكلماتك الذوق
كل الشكر والجمال والتقدير
احترامي اخي الصريح
اختك
ينابيع السبيعي